പ്രതീകാത്മക ചിത്രം | Photo: Kia Motors
ഇന്ത്യന്‍ നിരത്തുകളില്‍ ഇന്നോളം എത്തിച്ച വാഹനങ്ങളെല്ലാം ഹിറ്റാക്കിയ പാരമ്പര്യമാണ് ദക്ഷിണ കൊറിയന്‍ വാഹന നിര്‍മാതാക്കളായ കിയ മോട്ടോഴ്‌സിനുള്ളത്. ഇതില്‍ തന്നെ സൂപ്പര്‍ ഹിറ്റായ വാഹനമാണ് സെല്‍റ്റോസ് എസ്.യു.വി. ഈ വാഹനം ഏറെ ജനപ്രീതി നേടിയത് കണക്കിലെടുത്ത് മൂന്ന് നിര സീറ്റുകളുമായി സെല്‍റ്റോസിന്റെ പുതിയ പതിപ്പ് നിരത്തുകളില്‍ എത്തിക്കാനൊരുങ്ങുന്നതായി സൂചന. കിയ കെ.വൈ. എന്ന കോഡ് നെയിമിലായിരിക്കും ഈ വാഹനം എത്തുകയെന്നാണ് വിവരം.
കിയ മോട്ടോഴ്‌സ് പുതിയ മോഡലിനായി കാരന്‍സ് എന്ന പേര് ട്രേഡ് മാര്‍ക്ക് ചെയ്തതായി കഴിഞ്ഞ ദിവസം റിപ്പോര്‍ട്ടുകള്‍ പുറത്തുവന്നിരുന്നു. സെല്‍റ്റോസിന്റെ ഏഴ് സീറ്റര്‍ പതിപ്പിനായാണ് ഈ പേര് സ്വന്തമാക്കിയിട്ടുള്ളതെന്നാണ് അഭ്യൂഹങ്ങള്‍. ഡിസംബര്‍ 16-ന് ഈ വാഹനത്തിന്റെ ആഗോള അവതരണം നടക്കുമെന്നാണ് റിപ്പോര്‍ട്ടുകള്‍. കിയയുടെ അനുബന്ധ കമ്പനിയായ ഹ്യുണ്ടായി അടുത്തിടെ അല്‍കസാര്‍ എന്ന പേരില്‍ ഏഴ് സീറ്റര്‍ എസ്.യു.വി. വിപണിയില്‍ എത്തിച്ചതിന് പിന്നാലെയാണ് ഈ വാഹനവുമെത്തുന്നത്.
കിയയുടെ ഇന്ത്യയിലെ വാഹന നിരയില്‍ കാര്‍ണിവലിന് താഴെയായിരിക്കും കെ.വൈ. എസ്.യു.വിയുടെ സ്ഥാനമെന്നാണ് വിവരം. അതേസമയം, ഡിസൈനില്‍ സെല്‍റ്റോസുമായി സാമ്യം പുലര്‍ത്തുന്ന മോഡലായിരിക്കും ഇതെന്നുമാണ് പ്രതീക്ഷിക്കുന്നത്. ഈ വാഹനം നിരത്തുകളില്‍ പരീക്ഷണയോട്ടത്തിന് ഇറങ്ങിയതിന്റെ ചിത്രങ്ങള്‍ മുമ്പ് നവമാധ്യമങ്ങളില്‍ പ്രത്യക്ഷപ്പെട്ടിരുന്നു. സെല്‍റ്റോസിനെക്കാള്‍ ഉയര്‍ന്ന വീല്‍ബേസ് നല്‍കിയാണ് ഈ ഏഴ് സീറ്റര്‍ മോഡല്‍ ഒരുങ്ങിയിട്ടുള്ളതെന്നാണ് ചിത്രങ്ങള്‍ നല്‍കുന്ന സൂചന.
കിയ സെല്‍റ്റോസ്, ഹ്യുണ്ടായി ക്രെറ്റ തുടങ്ങിയ എസ്.യു.വികള്‍ക്ക് അടിസ്ഥാനമൊരുക്കുന്ന എസ്.പി.2 പ്ലാറ്റ്ഫോമിലായിരിക്കും ഈ എം.പി.വിയും ഒരുങ്ങുന്നത്. ടൊയോട്ട ഇന്നോവ ക്രിസ്റ്റ, മാരുതി സുസുക്കി എര്‍ട്ടിഗ, മഹീന്ദ്ര മരാസോ, ഹ്യുണ്ടായി അല്‍കസാര്‍, ടാറ്റ സഫാരി, മഹീന്ദ്ര എക്‌സ്.യു.വി.700, എം.ജി. ഹെക്ടര്‍ പ്ലസ് തുടങ്ങി എതിരാളികളുടെ വലിയ നിരയുമായാണ് കിയയുടെ ഈ ഏഴ് സീറ്റര്‍ എസ്,യു.വിക്ക് ഏറ്റുമുട്ടേണ്ടി വരികയെന്നാണ് വിലയിരുത്തലുകള്‍.
മൂന്ന് നിരകളിലായി ആറ് സീറ്റ്, ഏഴ് സീറ്റ് ഓപ്ഷനുകളിലായിരിക്കും കിയയുടെ എം.പി.വി. ഒരുങ്ങുന്നത്. കിയയുടെ മറ്റ് മോഡലുകള്‍ക്ക് സമാനമായി മികച്ച സ്റ്റൈലും മികച്ച ഫീച്ചറുകളും ഈ വാഹനത്തിലും നല്‍കും. മെക്കാനിക്കല്‍ സംബന്ധമായി കൃത്യമായ വിവരം നിര്‍മാതാക്കള്‍ വെളിപ്പെടുത്തിയിട്ടില്ലെങ്കിലും 1.5 ലിറ്റര്‍ പെട്രോള്‍-ഡീസല്‍ എന്‍ജിനുകള്‍ക്കൊപ്പം ഓട്ടോമാറ്റിക്, മാനുവല്‍ ട്രാന്‍സ്മിഷന്‍ ഓപ്ഷുകളിലും ഈ എം.പി.വിയെ പ്രതീക്ഷിക്കാം.
Content Highlights: Kia Carens Seven Seater SUV global debut on December 16, Kia motors, kia carens
Also Watch
RELATED STORIES
.jpg?$p=6f3cad6&f=1x1&w=100&q=0.8)
IN CASE YOU MISSED IT
.jpg?$p=db7a71f&f=1x1&w=100&q=0.8)
.jpg?$p=26ca4f7&f=1x1&w=100&q=0.8)
.jpg?$p=db7a71f&q=0.8&f=16x11&w=104)
.jpg?$p=a7c6dcc&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..