വില 5 ലക്ഷത്തിലും താഴെ; കുഞ്ഞന്‍ എസ്.യു.വി. കാസ്പര്‍ നിരത്തിലെത്തിക്കാന്‍ ഹ്യുണ്ടായി


ഹ്യുണ്ടായിയുടെ സ്വന്തദേശമായ ദക്ഷിണ കൊറിയയിലായിരിക്കും ഈ വാഹനം ആദ്യമെത്തുകയെന്നാണ് സൂചന.

പ്രതീകാത്മക ചിത്രം | Photo: Hyundai India

ഹ്യുണ്ടായിയുടെ വാഹന നിരയിലേക്ക് ഒരു കുഞ്ഞന്‍ എസ്.യു.വി. ഒരുങ്ങുന്ന കാര്യം രഹസ്യമല്ല. എ.എക്‌സ്.1 എന്ന കോഡ് നാമത്തില്‍ നിര്‍മാണം പുരോഗമിക്കുന്ന ഈ വാഹനത്തിന്റെ പേര് കാസ്പര്‍ എന്നായിരിക്കുമെന്നാണ് പുതിയ റിപ്പോര്‍ട്ട്. ഈ പേരിന് ഹ്യുണ്ടായി ട്രേഡ് മാര്‍ക്ക് സ്വന്തമാക്കിയതോടെയാണ് വരാനിരിക്കുന്ന കുഞ്ഞന്‍ എസ്.യു.വിക്ക് കാസ്പര്‍ എന്ന് പേര് നല്‍കുമെന്ന അഭ്യൂഹങ്ങള്‍ ശക്തമാകുന്നത്.

ഹ്യുണ്ടായിയുടെ സ്വന്തദേശമായ ദക്ഷിണ കൊറിയയിലായിരിക്കും ഈ വാഹനം ആദ്യമെത്തുകയെന്നാണ് സൂചന. ഇതിനുപിന്നാലെ തന്നെ ഇന്ത്യ ഉള്‍പ്പെടെ ഹ്യുണ്ടായിക്ക് ശക്തമായ സ്വാധീനമുള്ള രാജ്യങ്ങളിലേക്കും ഈ വാഹനം വില്‍പ്പനയ്‌ക്കെത്തുമെന്നും സൂചനയുണ്ട്. അഞ്ച് ലക്ഷം രൂപ വിലയിലായിരിക്കും ഈ വാഹനം വിപണികളില്‍ എത്തുകയെന്നും സ്ഥിരീകരിക്കാത്ത റിപ്പോര്‍ട്ടുകളുണ്ട്.

നിലവില്‍ വെന്യൂവാണ് ഹ്യുണ്ടായി എസ്.യു.വി. നിരയിലെ ഏറ്റവും ചെറിയ മോഡല്‍. ഈ വാഹനത്തിനും താഴെയായിരിക്കും കാസ്പറിന്റെ സ്ഥാനം. ഹ്യുണ്ടായി ഇന്ത്യയില്‍ എത്തിച്ചിട്ടുള്ള ഹാച്ചാബാക്ക് മോഡലുകളായ സാന്‍ട്രോ, ഐ10 നിയോ തുടങ്ങിയ വാഹനങ്ങള്‍ക്ക് അടിസ്ഥാനമൊരുക്കുന്ന കെ.1 പ്ലാറ്റ്‌ഫോമിലായിരിക്കും കാസ്പറും ഒരുങ്ങുകയെന്നാണ് നിര്‍മാതാക്കള്‍ പുറത്തുവിട്ടിട്ടുള്ള വിവരം.

ഈ വാഹനത്തിന്റെ ആദ്യ ടീസര്‍ മുമ്പ് ഹ്യുണ്ടായി തന്നെ പുറത്തുവിട്ടിരുന്നു. ഹെഡ്ലൈറ്റ്, ടെയില്‍ലൈറ്റ് ഡിസൈന്‍ വെളിപ്പെടുത്തിയുള്ള ടീസറാണ് പുറത്ത് വന്നത്. സ്പ്ലിറ്റ് ഹെഡ്ലാമ്പിനൊപ്പം ബമ്പറില്‍ പ്രൊജക്ഷന്‍ ലൈറ്റുകളും നല്‍കിയിട്ടുണ്ടെന്നാണ് ടീസര്‍ സൂചിപ്പിക്കുന്നത്. എല്‍.ഇ.ഡി. ഡി.ആര്‍.എല്ലും വാഹനത്തിലുണ്ട്. പുതുമയുള്ള എല്‍.ഇ.ഡി. ടെയില്‍ ലാമ്പും ടീസറില്‍ ഇടം നേടിയിരുന്നു.

ഹ്യുണ്ടായിയുടെ ഗ്രാന്റ് ഐ10 നിയോസിലുള്ള 82 ബി.എച്ച്.പി. പവര്‍ ഉത്പാദിപ്പിക്കുന്ന 1.2 ലിറ്റര്‍ പെട്രോള്‍ എന്‍ജിനായിരിക്കും ഈ എസ്.യു.വിയുടെ റെഗുലര്‍ പതിപ്പില്‍ നല്‍കുക. വിദേശ നിരത്തുകളില്‍ ഓട്ടോമാറ്റിക് മാനുവല്‍ ട്രാന്‍സ്മിഷനില്‍ കാസ്പര്‍ എത്തിയേക്കും. ഭാവിയില്‍ ഈ വാഹനത്തിന്റെ ഇലക്ട്രിക്ക് പതിപ്പിന്റെ നിര്‍മാണവും ഹ്യുണ്ടായിയുടെ പരിഗണനയിലുണ്ടെന്നാണ് റിപ്പോര്‍ട്ട്.

Source: Auto News

Content Highlights: Hyundai Small SUV STo Named As Casper

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022


K Sudhakaran

1 min

പാലക്കാട് കൊലപാതകത്തിനു പിന്നില്‍ സിപിഎം; എല്ലാം ബിജെപിയുടെ തലയില്‍വെക്കാന്‍ പറ്റുമോയെന്ന് സുധാകരന്‍

Aug 15, 2022

Most Commented