കാഴ്ചയില്‍ കുഞ്ഞന്‍, സ്റ്റൈലില്‍ വമ്പന്‍; മിനി എസ്.യു.വി. ശ്രേണി പിടിക്കാന്‍ ഹ്യുണ്ടായി കാസ്പര്‍


2024-ഓടെ കാസ്പറിന്റെ ഇലക്ട്രിക് പതിപ്പും ഇന്ത്യ ഉള്‍പ്പെടെയുള്ള രാജ്യങ്ങളിലെത്തുമെന്നാണ് സൂചനകള്‍.

ഹ്യുണ്ടായി കാസ്പർ | Photo: Hyundai Motor Group

ഹ്യുണ്ടായിയുടെ എസ്.യു.വി. നിരയിലെ ഏറ്റവും കുഞ്ഞന്‍ മോഡലാകുന്ന കാസ്പര്‍ മിനി എസ്.യു.വി. ആഗോള തലത്തില്‍ പ്രദര്‍ശിപ്പിച്ചു. അഞ്ച് ലക്ഷം രൂപയില്‍ താഴെ ലഭ്യമാക്കുമെന്ന് പ്രതീക്ഷിക്കുന്ന ഈ വാഹനം ആദ്യ ഘട്ടത്തില്‍ ഹ്യുണ്ടായിയുടെ ജന്മനാടായ ദക്ഷിണ കൊറിയയില്‍ ആയിരിക്കും അരങ്ങേറുക. പിന്നാലെ ഇന്ത്യ ഉള്‍പ്പെടെയുള്ള രാജ്യങ്ങളില്‍ ഈ വാഹനം വില്‍പ്പനയ്ക്ക് എത്തുമെന്നും റിപ്പോര്‍ട്ടുകളുണ്ട്.

എ.എക്‌സ്-1 എന്ന കോഡ് നാമത്തിലാണ് ഈ വാഹനത്തിന്റെ നിര്‍മാണം ആരംഭിച്ചത്. പിന്നീട് പ്രൊഡക്ഷന്‍ മോഡലിന്റെ പേര് നിര്‍മാതാക്കള്‍ വെളിപ്പെടുത്തുകയായിരുന്നു. പരീക്ഷണാടിസ്ഥാനത്തില്‍ ഈ വാഹനത്തിന്റെ നിര്‍മാണം ആരംഭിച്ചതായും സൂചനയുണ്ട്. മുമ്പ് പുറത്തുവന്ന റിപ്പോര്‍ട്ട് അനുസരിച്ച് സെപ്റ്റംബര്‍ 15-ന് ഈ വാഹനത്തിന്റെ നിര്‍മാണം ആരംഭിക്കുമെന്നും ഈ മാസം ഒടുവില്‍ നിരത്തുകളിലെത്തുമെന്നുമായിരുന്നു വിവരം.

Hyundai Casper
ഹ്യുണ്ടായി കാസ്പര്‍ | Photo: Hyundai Motor Group

ഹ്യുണ്ടായി ഇന്ത്യയില്‍ എത്തിച്ചിട്ടുള്ള ഗ്രാന്റ് ഐ10, സാന്‍ട്രോ തുടങ്ങിയ മോഡലുകള്‍ക്ക് അടിസ്ഥാനമൊരുക്കുന്ന കെ1 കോംപാക്ട് കാര്‍ പ്ലാറ്റ്‌ഫോമിലാണ് ഈ വാഹനവും ഒരുങ്ങുകയെന്നാണ് നിര്‍മാതാക്കള്‍ അറിയിച്ചിട്ടുള്ളത്. 3595 എം.എം. നീളം, 1595 എം.എം. വീതി, 1575 എം.എം. ഉയരം, 2400 എം.എം. വീല്‍ബേസ് എന്നിങ്ങനെയാണ് ഹ്യുണ്ടായി കാസ്പറിന്റെ അഴകളവുകള്‍. ഇന്ത്യയിലെ നികുതി ഇളവുകള്‍ക്ക് അനുസരിച്ചാണ് അളവുകള്‍ തിട്ടപ്പെടുത്തിയിട്ടുള്ളത്.

റെട്രോ ഡിസൈനിലാണ് കാസ്പറിന്റെ ബോഡി ഒരുങ്ങിയിട്ടുള്ളത്. വെന്യുവിനോട് സമാനമായ ബോണറ്റിനോട് ചേര്‍ന്നുള്ള എല്‍.ഇ.ഡി. ടെയ്ല്‍ലാമ്പ്, വൃത്താകൃതിയിലുള്ള ഹെഡ്‌ലാമ്പ്, ക്രോമിയം ആവരണം നല്‍കി സ്‌റ്റൈലിഷായി ഒരുക്കിയിട്ടുള്ള ഗ്രില്ല്, ഡ്യുവല്‍ ടോണ്‍ ബമ്പര്‍, ചെറിയ എയര്‍ ഡാം എന്നിവ ചേര്‍ന്നതാണ് കാസ്പറിന്റെ മുഖഭാവം. വാഹനത്തിന് ചുറ്റിലും നീളുന്ന വീല്‍ ആര്‍ച്ചും അലോയി വീലും വശങ്ങളുടെ സൗന്ദര്യമാണ്.

Hyundai Casper
ഹ്യുണ്ടായി കാസ്പര്‍ | Photo: Hyundai Motor Group

പുതുമയുള്ള ഡിസൈനാണ് പിന്‍ഭാഗത്തിന്റെ സൗന്ദര്യം. വിൻഡ് സ്‌ക്രീനിനോട് ചേര്‍ന്നാണ് എല്‍.ഇ.ഡിയില്‍ തീര്‍ത്തിരിക്കുന്ന ടെയ്ല്‍ലാമ്പ് നല്‍കിയിട്ടുള്ളത്. ഇതിനുപുറമെ, പിന്‍ഭാഗത്തെ ബമ്പറിന്റെ വശങ്ങളിലും ലൈറ്റുകള്‍ നല്‍കിയിട്ടുണ്ട്. സി.പില്ലറില്‍ നല്‍കിയിട്ടുള്ള ഡോര്‍ ഹാന്‍ഡില്‍, റൂഫ് റെയില്‍, ഷാര്‍ക്ക് ഫിന്‍ ആന്റിന, സണ്‍റൂഫ് എന്നിവയെല്ലാം ഡിസൈന്‍ ഹൈലൈറ്റാണ്. ഇന്റീരിയര്‍ സംബന്ധിച്ച വെളിപ്പെടുത്തലുകള്‍ ഉണ്ടായിട്ടില്ല.

കൊറിയയില്‍ ഇറങ്ങുന്ന കാസ്പറില്‍ 85 ബി.എച്ച്.പി. പവര്‍ ഉത്പാദിപ്പിക്കുന്ന 1.0 ലിറ്റര്‍ നാച്വറലി ആസ്പിറേറ്റഡ് എം.പി.ഐ. എന്‍ജിനും 99 ബി.എച്ച്.പി. പവര്‍ ഉത്പാദിപ്പിക്കുന്ന ടി.ജി.ടി.ഐ. ടര്‍ബോചാര്‍ജ്ഡ് പെട്രോള്‍ എന്‍ജിനുമാണ് കരുത്തേകുന്നത്. ഓട്ടോമാറ്റിക്, മാനുവല്‍ ഗിയര്‍ബോക്‌സുകള്‍ ഇതില്‍ ട്രാന്‍സ്മിഷന്‍ ഒരുക്കും. 2024-ഓടെ കാസ്പറിന്റെ ഇലക്ട്രിക് പതിപ്പും ഇന്ത്യ ഉള്‍പ്പെടെയുള്ള രാജ്യങ്ങളിലെത്തുമെന്നാണ് സൂചനകള്‍.

Content Highlights: Hyundai Casper Mini SUV Unveiled, Hyundai Casper Global Debut

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022

Most Commented