ഫ്‌ളൈയിങ്ങ് കാറില്‍ പറന്നുയരാന്‍ ഹ്യുണ്ടായിയും ജനറല്‍ മോട്ടോഴ്‌സും; 2025-ല്‍ എത്തിയേക്കും


തിരക്കേറിയ നഗരങ്ങളില്‍ നിന്ന് വിമാനത്താവളത്തിലേക്കും മറ്റും ആറ് ആളുകള്‍ക്ക് വരെ യാത്ര ചെയ്യാന്‍ സാധിക്കുന്ന എയര്‍ കാറുകളാണ് ഹ്യുണ്ടായി നിര്‍മിക്കുന്നതെന്നാണ് വിവരം.

പ്രതീകാത്മക ചിത്രം | Photo: Youtube|Hyundai Worldwide

യര്‍ ടാക്‌സി രംഗത്തേക്ക് ചുവടുവയ്ക്കുന്നതിനായി ഫ്‌ളൈയിങ്ങ് കാറുകള്‍ നിര്‍മിക്കാനൊരുങ്ങി ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായിയും അമേരിക്കന്‍ വാഹന നിര്‍മാതാക്കളായ ജനറല്‍ മോട്ടോഴ്‌സും. 2025-ല്‍ ഫ്‌ളൈയിങ്ങ് കാര്‍ ഒരുക്കാനാണ് ഹ്യുണ്ടായിയുടെ പദ്ധതി. എന്നാല്‍, 2030-ല്‍ മാത്രം വാഹനത്തെ പ്രതീക്ഷിച്ചാല്‍ മതിയെന്നാണ് ജനറല്‍ മോട്ടോഴ്‌സ് നല്‍കുന്ന സൂചന.

ഹെലികോപ്റ്ററിന് സമാനമായി യാത്രക്കാരെയും ചരക്ക് സാധനങ്ങളും വഹിക്കുന്ന സീറോ എമിഷന്‍ എയര്‍ ടാക്‌സികള്‍ ലോകത്തിലെ വിവിധ സ്റ്റാര്‍ട്ട് അപ്പുകള്‍ ഒരുക്കിയിട്ടുണ്ടെങ്കിലും ഇതിന്റെ പ്രവര്‍ത്തനങ്ങള്‍ വേണ്ടത്ര ലാഭകരമല്ലെന്നാണ് വിവരം. എയര്‍ ടാക്‌സി സംവിധാനം വാണിജ്യാടിസ്ഥാനത്തില്‍ എത്താന്‍ നിരവധി സാങ്കേതിക നടപടികള്‍ പൂര്‍ത്തിയാക്കേണ്ടതുണ്ടെന്നും റിപ്പോര്‍ട്ടുകളുണ്ട്.

എയര്‍ മൊബിലിറ്റി വാഹനങ്ങളുടെ നിര്‍മാണത്തില്‍ ഹ്യുണ്ടായി ബഹുദൂരം മുന്നിലാണെന്ന് കമ്പനിയുടെ ഗ്ലോബല്‍ സി.ഒ.ഒ. ജോസ് മുനോസ് റോയിട്ടേഴ്‌സിനോട് പറഞ്ഞു. അമേരിക്കയിലെ വിമാനത്താവളങ്ങളില്‍ 2028-ഓടെ ഹ്യുണ്ടായിയുടെ ഫ്‌ളൈയിങ്ങ് കാറുകള്‍ എത്തിക്കുമെന്ന് മുമ്പ് പറഞ്ഞിരുന്നു. എന്നാല്‍, ഈ പറഞ്ഞതിലും മുമ്പ് തന്നെ എയര്‍ ടാക്‌സികള്‍ എത്തിക്കാനാകുമെന്നാണ് പുതിയ പ്രതീക്ഷ.

2021 ജനുവരിയില്‍ ജനറല്‍ മോട്ടോഴ്‌സ് ഒരു ഫ്‌ളൈയിങ്ങ് കാഡിലാക്ക് കണ്‍സെപ്റ്റ് പുറത്തിറത്തിയിരുന്നു. ഈ ആശയത്തിലായിരിക്കും ജനറല്‍ മോട്ടോഴ്‌സിന്റെ വാഹനം ഒരുങ്ങുക. 2030 കമ്പനിയെ സംബന്ധിച്ച് നിര്‍ണായക വര്‍ഷമായിരിക്കും. എയര്‍ കാറിനായി നിയമപരമായും സാങ്കേതികമായും കൂറെയേറെ കാര്യങ്ങള്‍ പൂര്‍ത്തിയാക്കേണ്ടതുണ്ടെന്നും ജനറല്‍ മോട്ടോഴ്‌സ് മേധാവി പമേല ഫ്‌ളെച്ചര്‍ അഭിപ്രായപ്പെട്ടു.

തിരക്കേറിയ നഗരങ്ങളില്‍ നിന്ന് വിമാനത്താവളത്തിലേക്കും മറ്റും ആറ് ആളുകള്‍ക്ക് വരെ യാത്ര ചെയ്യാന്‍ സാധിക്കുന്ന എയര്‍ കാറുകളാണ് ഹ്യുണ്ടായി നിര്‍മിക്കുന്നതെന്നാണ് വിവരം. ഹ്യുണ്ടായിക്കും ജി.എമ്മിനും പുറമെ, ടൊയോട്ട മോട്ടോര്‍ കോര്‍പ്, ഡൈംലര്‍ എ.ജി., ഗീലി ഓട്ടോമൊബൈല്‍സ് തുടങ്ങിയ കമ്പനികള്‍ ഒറ്റയ്ക്ക് സംയുക്തമായോ ഫ്‌ളൈയിങ്ങ് കാറുകള്‍ വികസിപ്പിക്കുന്നുണ്ടെന്നാണ് വിവരം.

Source: Reuters

Content Highlights: Content Highlights: Hyundai And General Motors Planning To Develop Flying Cars For Air Taxi Services

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022

Most Commented