കോംപാക്ട് എസ്.യു.വി. ശ്രേണിയില്‍ ചുവടുറപ്പിക്കാന്‍ ഹോണ്ട; പുതിയ മോഡല്‍ നവംബര്‍ 11-ന്


ഹോണ്ട ZR-V എന്ന് പേര് നല്‍കിയേക്കുമെന്നാണ് വിവരങ്ങള്‍.

ഹോണ്ട പുറത്തുവിട്ട ടീസർ | Photo: Facebook|HONDAISME

ജാപ്പനീസ് വാഹന നിര്‍മാതാക്കളായ ഹോണ്ട കോംപാക്ട് എസ്.യു.വി. ശ്രേണിയിലും സാന്നിധ്യമാകാനൊരുങ്ങുന്നു. ഹോണ്ടയുടെ വാഹനനിരയിലെ കോംപാക്ട് എസ്.യു.വി. മോഡല്‍ നവംബര്‍ 11-ന് അവതരിപ്പിക്കുമെന്നാണ് സൂചനകള്‍. ഈ വാഹനത്തിന്റെ വരവ് അറിയിച്ചുള്ള ടീസര്‍ ചിത്രം കഴിഞ്ഞ ദിവസം കമ്പനി പുറത്തുവിട്ടിരുന്നു. ഇൻഡൊനീഷ്യന്‍ ഓട്ടോഷോയുടെ ഭാഗമായാണ് ഈ വാഹനം അവതരിപ്പിക്കുകയെന്നാണ് റിപ്പോര്‍ട്ട്.

ഇൻഡൊനീഷ്യന്‍ ഓട്ടോഷോയില്‍ അവതരിപ്പിക്കുന്നതിനാല്‍ തന്നെ ആദ്യ വിപണി ഈ രാജ്യമായിരിക്കുമെന്നാണ് വിലയിരുത്തലുകള്‍. കോംപാക്ട് എസ്.യു.വി. വാഹനത്തിന്റെ പേര് ഹോണ്ട ഔദ്യോഗികമായി പ്രഖ്യാപിച്ചിട്ടില്ലെങ്കിലും ZR-V എന്ന് പേര് നല്‍കിയേക്കുമെന്നാണ് വിവരങ്ങള്‍. ഹോണ്ടയില്‍ നിന്ന് വിപണിയില്‍ എത്തിയിട്ടുള്ള പുതുതലമുറ ബി.ആര്‍-വിയുടെ താഴെയായിരിക്കും ഈ കോംപാക്ട് എസ്.യു.വിയുടെ സ്ഥാനം.

ഹോണ്ടയുടെ മറ്റ് മോഡലുകള്‍ക്ക് സമാനമായ മികച്ച സ്‌റ്റൈലിലായിരിക്കും ഈ വാഹനവും എത്തുകയെന്നാണ് പ്രതീക്ഷിക്കുന്നത്. അപ്പ്‌റൈറ്റ് റേഡിയേറ്റര്‍ ഗ്രില്ല്, വലിയ എച്ച് ബാഡ്ജിങ്ങ്, എല്‍.ഇ.ഡിയില്‍ ഒരുങ്ങിയിട്ടുള്ള ഹെഡ്‌ലാമ്പും ഡി.ആര്‍.എല്ലും, ഹോണ്ടയുടെ സിഗ്നേച്ചര്‍ പാറ്റേണില്‍ ഒരുങ്ങിയിട്ടുള്ള ടെയ്ല്‍ലൈറ്റ്, വിന്‍ഡ് സ്‌ക്രീന്‍ എന്നിവയാണ് ഹോണ്ടയുടെ കോംപാക്ട് എസ്.യു.വിയുടെ എക്‌സ്റ്റീരിയര്‍ അലങ്കരിക്കുന്നത്.

ഈ വാഹനത്തിന്റെ അകത്തളം സംബന്ധിച്ച വിവരങ്ങള്‍ നിര്‍മാതാക്കള്‍ വെളിപ്പെടുത്തിയിട്ടില്ല. എന്നാല്‍, പുതുതലമുറ വാഹനങ്ങളില്‍ നല്‍കിയിട്ടുള്ള എല്ലാ ഫീച്ചറുകളും ഹോണ്ടയുടെ ഈ മോഡലിലും നല്‍കിയേക്കുമെന്നാണ് പ്രതീക്ഷിക്കുന്നത്. വാഹനത്തില്‍ നല്‍കുന്ന ഫീച്ചറുകളും മറ്റ് സവിശേഷതകളും ഇന്തോനേഷ്യ ഇന്റര്‍നാഷണല്‍ ഓട്ടോഷോയില്‍ വെളിപ്പെടുത്തുമെന്നാണ് പുറത്തുവന്നിട്ടുള്ള റിപ്പോര്‍ട്ടുകള്‍.

മെക്കാനിക്കല്‍ ഫീച്ചറുകള്‍ സംബന്ധിച്ച സ്ഥിരീകരണം എത്തിയിട്ടില്ലെങ്കിലും ഹോണ്ടയുടെ 1.5 ലിറ്റര്‍ ഐ-വിടെക് പെട്രോള്‍ എന്‍ജിനായിരിക്കും ഈ വാഹനത്തിന്റെ ഹൃദയമെന്നാണ് അഭ്യൂഹങ്ങള്‍. മാനുവല്‍, സി.വി.ടി. എന്നീ ഗിയര്‍ബോക്‌സുകള്‍ ഈ വാഹനത്തില്‍ ട്രാന്‍സ്മിഷന്‍ നിര്‍വഹിക്കും. അതേസമയം, ഈ വാഹനം ഇന്ത്യ ഉള്‍പ്പെടെയുള്ള മറ്റ് രാജ്യങ്ങളില്‍ എത്തുന്നത് സംബന്ധിച്ച വിവരങ്ങളും നിര്‍മാതാക്കള്‍ അറിയിച്ചിട്ടില്ല.

Content Highlights: Honda Teases New Subcompact SUV, Debut On November 11, Honda Compact SUV, Honda ZR-V


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
KSRTC

1 min

നേരിടാന്‍ കര്‍ശന നടപടി സ്വീകരിച്ച് കെഎസ്ആര്‍ടിസി; ജീവനക്കാരുടെ പണിമുടക്ക് പിന്‍വലിച്ചു

Sep 30, 2022


05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


19:18

ദേശീയതയുടെ പേരിൽ ഭിന്നിപ്പുണ്ടാക്കുന്നവരെ തുറന്നുകാണിക്കുന്ന സിനിമയാണ് 'മൂസ' | Suresh Gopi | Talkies

Sep 30, 2022

Most Commented