2040-ല്‍ ഇലക്ട്രിക് വാഹനങ്ങള്‍ മാത്രം; ഇലക്ട്രിക് നയം പ്രഖ്യാപിച്ച് ഹോണ്ട കാര്‍സ്


ഇലക്ട്രിക് വാഹനങ്ങള്‍ക്ക് പുറമെ, ഫ്യുവല്‍ സെല്‍ വാഹനങ്ങളും ഹോണ്ട വിപണിയില്‍ എത്തിക്കുമെന്നാണ് അറിയിച്ചിരിക്കുന്നത്.

പ്രതീകാത്മക ചിത്രം | Photo: Hector RETAMAL | AFP

രമ്പരാഗത ഇന്ധനങ്ങളെ കൈവിട്ട് ഇലക്ട്രിക് കരുത്തിന്റെ കൈപിടിക്കാനുള്ള നീക്കത്തില്ലാണ് ലോകത്തുടനീളമുള്ള വാഹന നിര്‍മാതാക്കളെല്ലാം. പല മുന്‍നിര കമ്പനികളും പൂര്‍ണമായും ഇലക്ട്രിക്കിലേക്ക് മാറുന്നതിനുള്ള സമയവും കുറിച്ച് കഴിഞ്ഞു. ഈ നിരയിലേക്ക് ലോകത്തിലെ തന്നെ മുന്‍നിര വാഹന നിര്‍മാതാക്കളായ ഹോണ്ടയും എത്തുകയാണ്. 2040-ഓടെ പൂര്‍ണമായും ഇലക്ട്രിക് വാഹന നിര്‍മാതാക്കളായി മാറാനാണ് ഹോണ്ട കാര്‍സ് ലക്ഷ്യമിടുന്നതെന്ന് കമ്പനിയുടെ മേധാവി പ്രഖ്യാപിച്ചു.

ഇലക്ട്രിക് വാഹനങ്ങള്‍ക്ക് പുറമെ, ഫ്യുവല്‍ സെല്‍ വാഹനങ്ങളും ഹോണ്ട വിപണിയില്‍ എത്തിക്കുമെന്നാണ് അറിയിച്ചിരിക്കുന്നത്. നിരത്തുകളെ കാര്‍ബണ്‍ മുക്തമാക്കുകയെന്നത് വാഹന നിര്‍മാതാക്കളുടെ ഉത്തരവാദിത്വമായാണ് കാണുന്നത്. അതിനാല്‍ തന്നെ മലിനീകരണം കുറഞ്ഞ വാഹനം എത്തിക്കാന്‍ ശ്രമിക്കുമെന്നും ഹോണ്ട മോട്ടോര്‍ കമ്പനി സി.ഇ.ഒ. തോഷിഹിറോ മിബെ അറിയിച്ചു. അദ്ദേഹം ഹോണ്ടയുടെ തലപ്പത്ത് എത്തിയതിന് ശേഷമുള്ള ആദ്യ കോണ്‍ഫറന്‍സിലാണ് ഇക്കാര്യം അറിയിച്ചത്.

2030-ഓടെ ഹോണ്ട പുറത്തിറക്കുന്ന വാഹനങ്ങളിള്‍ 40 ശതമാനം ഇലക്ട്രിക്, ഫ്യുവല്‍ സെല്‍ കരുത്തിലുള്ളവയായിരിക്കും. 2035-ഓടെ ഇത് 80 ശതമാനമായി ഉയര്‍ത്തും. 2040-ല്‍ പൂര്‍ണമായും ഇലക്ട്രിക്-ഫ്യുവല്‍ സെല്‍ വാഹനങ്ങളിലേക്ക് മാറുമെന്നാണ് ഹോണ്ട ഉറപ്പുനല്‍കുന്നത്. ഹോണ്ട മോട്ടോര്‍ കമ്പനിക്ക് ഏറെ സ്വാധീനമുള്ള ചൈന, നോര്‍ത്ത് അമേരിക്ക തുടങ്ങിയ രാജ്യങ്ങളിലുള്‍പ്പെടെ ഇത് നടപ്പാക്കുമെന്നാണ് കമ്പനി അറിയിച്ചിരിക്കുന്നത്.

2030-ഓടെ 46 ശതമാനം കാര്‍ബണ്‍ എമിഷന്‍ കുറയ്ക്കാനാണ് രാജ്യം ലക്ഷ്യമിടുന്നതെന്ന ജാപ്പനീസ് പ്രധാന മന്ത്രിയുടെ പ്രഖ്യാപനത്തിന് പിന്നാലെയാണ് ഹോണ്ടയുടെ ഇലക്ട്രിക് നയം പ്രഖ്യാപിച്ചിരിക്കുന്നത്. പ്രധാനമന്ത്രിയുടെ പ്രഖ്യാപനം ഒരുപരിധി വരെ അപ്രായോഗികമാണ്. എന്നാല്‍, 2050-ഓടെ രാജ്യം കാര്‍ബണ്‍ മുക്തമാക്കുക എന്ന ലക്ഷ്യത്തിനായി പ്രധാനമന്ത്രിയുടെ തീരുമാനത്തിന് ഹോണ്ടയുടെ എല്ലാ പിന്തുണയും ഉറപ്പാക്കുമെന്ന് കമ്പനി മേധാവി അറിയിച്ചു.

ഇലക്ട്രിക് വാഹനങ്ങളുടെയും ഓട്ടോണമസ് സാങ്കേതികവിദ്യയുടെയും പരീക്ഷണങ്ങള്‍ പുരോഗമിക്കുന്ന സാഹചര്യത്തിലാണ് മിബെ ഹോണ്ടയുടെ തലപ്പത്ത് എത്തുന്നത്. പരമ്പരാഗത എന്‍ജിനുകള്‍ക്ക് പേരുകേട്ട ഹോണ്ട കഴിഞ്ഞ വര്‍ഷം ഇലക്ട്രിക് വാഹനങ്ങളുടെ നിര്‍മാണത്തിലേക്ക് കടക്കുകയും ചെയ്തിട്ടുണ്ട്. ഇലക്ട്രിക് വാഹനങ്ങളുടെ നിര്‍മാണത്തിനായി അടുത്ത ആറ് വര്‍ഷത്തിനുള്ളില്‍ 46.3 ബില്ല്യണ്‍ ഡോളിര്‍ നിക്ഷേപിക്കുമെന്നും ഹോണ്ട അറിയിച്ചിട്ടുണ്ട്.

Source:

Content Highlights: Honda Announce Full Electric Cars In 2040


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented