കിടിലന്‍ ലുക്കിനൊപ്പം ന്യൂജെന്‍ ഫീച്ചറുകളിലുമെത്താന്‍ ഹോണ്ട അമേസ്; ഓഗസ്റ്റില്‍ അവതരിപ്പിച്ചേക്കും


2018 ഡല്‍ഹി ഓട്ടോ എക്‌സ്‌പോയിലാണ് കൂടുതല്‍ സ്‌റ്റൈലിഷായി അമേസ് എത്തിയത്.

-

ന്ത്യയിലെ കോംപാക്ട് സെഡാന്‍ വാഹനങ്ങളില്‍ ഏറ്റവുമധികം ആരാധകരെ സൃഷ്ടിച്ചിട്ടുള്ള മോഡലാണ് ഹോണ്ടയുടെ അമേസ്. രണ്ടാം വരവില്‍ കിടിലന്‍ ലുക്കിലെത്തിയ ഈ വാഹനം വീണ്ടും മുഖമിനുക്കുകയാണ്. ലുക്കിലും ഫീച്ചറുകളിലും കാര്യമായ മാറ്റവുമായി ഓഗസ്റ്റില്‍ ഈ വാഹനം നിരത്തുകളില്‍ എത്തുമെന്നാണ് വിവരം. വരവിന് മുന്നോടിയായി ഏതാനും ഡീലര്‍ഷിപ്പുകള്‍ ബുക്കിങ്ങും സ്വീകരിച്ച് തുടങ്ങി.

5000 രൂപ അഡ്വാന്‍സ് തുക ഈടാക്കിയാണ് ഈ വാഹനത്തിന്റെ ബുക്കിങ്ങ് സ്വീകരിക്കുന്നത്. അതേസമയം, ഇത് സംബന്ധിച്ച് ഹോണ്ടയുടെ ഔദ്യോഗിക സ്ഥിരീകരണമുണ്ടായിട്ടില്ല. 2018 ഡല്‍ഹി ഓട്ടോ എക്‌സ്‌പോയിലാണ് കൂടുതല്‍ സ്‌റ്റൈലിഷായി അമേസ് എത്തിയത്. ഹോണ്ടയുടെ ഹാച്ച്ബാക്ക് മോഡലായിരുന്ന ബ്രിയോയുടെ പ്ലാറ്റ്‌ഫോമിലാണ് ഈ വാഹനം എത്തിയത്.

ഇത്തവണ വരുത്തുന്ന മുഖം മിനുക്കലില്‍ എല്‍.ഇ.ഡി. ഹെഡ്‌ലാമ്പ്, പുതിയ ഗ്രില്ല്, രൂപമാറ്റം വരുത്തിയ ബമ്പര്‍, പുതിയ ഡിസൈനില്‍ ഒരുങ്ങുന്ന അലോയി വീല്‍, റിയര്‍ പ്രൊഫൈലില്‍ വരുത്തുന്ന അഴിച്ചുപണികള്‍, പുത്തന്‍ നിറങ്ങള്‍ എന്നിവയായിരിക്കും എക്സ്റ്റീരിയറില്‍ വരുത്തുന്ന മാറ്റങ്ങള്‍ എന്നാണ് പ്രതീക്ഷിക്കുന്നത്.

അകത്തളത്തിലും കാര്യമായ മാറ്റം പ്രതീക്ഷിക്കാം. പുതുതലമുറ സംവിധാനമായ കണക്ടഡ് കാര്‍ സാങ്കേതികവിദ്യയിലായിരിക്കും ഈ വാഹനം എത്തുകയെന്നാണ് പ്രതീക്ഷിക്കുന്നത്. ഇതിനൊപ്പം പുതിയ ടച്ച് സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഡിസൈന്‍ മാറ്റമുള്ള ഡാഷ്‌ബോര്‍ഡ് എന്നിവ നല്‍കിയേക്കും. അഞ്ചാം തലമുറ സിറ്റിയില്‍ നല്‍കിയിട്ടുള്ള ഏതാനും ഫീച്ചറുകള്‍ ഇതില്‍ നല്‍കുമെന്നാണ് സൂചന.

1.2 ലിറ്റര്‍ പെട്രോള്‍, 1.5 ലിറ്റര്‍ ഡീസല്‍ എന്‍ജിനുകളിലായിരിക്കും ഈ വാഹനം എത്തുക. പെട്രോള്‍ എന്‍ജിന്‍ 89 ബി.എച്ച്.പി. പവറും 110 എന്‍.എം. ടോര്‍ക്കും, ഡീസല്‍ എന്‍ജിന്‍ 99 ബി.എച്ച്.പി. പവറും 200 എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. പെട്രോള്‍ മോഡലിനൊപ്പം അഞ്ച് സ്പീഡ് മാനുവല്‍, സി.വി.ടി. ഓട്ടോമാറ്റിക്കും ഡീസല്‍ എന്‍ജിനൊപ്പം അഞ്ച് സ്പീഡ് മാനുവലുമാണ് ട്രാന്‍സ്മിഷന്‍ ഒരുക്കുന്നത്.

Source: Car and Bike

Content Highlights: Honda Amaze Facelift Model To Launch In August

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented