രണ്ട് ലക്ഷം മുടക്കി ത്രിവര്‍ണത്തില്‍ അലങ്കരിച്ച് ജാഗ്വാര്‍ XF; പ്രധാനമന്ത്രിയെ കാണാന്‍ ഡല്‍ഹി യാത്ര


ഗുജറാത്തിലെ സൂറത്ത് സ്വദേശിയായി സിദ്ധാര്‍ഥ് ധോഷി എന്നയാളാണ് തന്റെ വാഹനം ത്രിവര്‍ണം നല്‍കി അലങ്കരിച്ചത്.

ത്രിവർണത്തിൽ അലങ്കരിച്ച ജാഗ്വാർ XF | Photo: Filmshoppee

സ്വാതന്ത്ര്യത്തിന്റെ 75-ാം വാര്‍ഷികാഘോഷത്തിന്റെ നിറവിലാണ് ഇന്ത്യ. ത്രിവര്‍ണ അലങ്കാരങ്ങള്‍ നാടെങ്ങും നിറഞ്ഞ് നില്‍ക്കുകയാണ്. ത്രിവര്‍ണങ്ങളില്‍ തെളിയുള്ള അലങ്കാര വിളക്കുകളും ബലൂണുകളുമെല്ലാം നാടെങ്ങളും നിറഞ്ഞിരുന്നു. ഇതിനിടെയില്‍ സാമൂഹിക മാധ്യമങ്ങളില്‍ ശ്രദ്ധനേടിയത് ഒരു ആഡംബര വാഹനമാണ്. ത്രിവര്‍ണങ്ങളില്‍ അലങ്കരിച്ച ജാഗ്വാര്‍ XF ആണ് അലങ്കാരങ്ങളിലൂടെ സാമൂഹിക മാധ്യമങ്ങളിലും മറ്റും വൈറലായി നിറഞ്ഞുനിന്നത്.

ഗുജറാത്തിലെ സൂറത്ത് സ്വദേശിയായി സിദ്ധാര്‍ഥ് ധോഷി എന്നയാളാണ് തന്റെ വാഹനം ത്രിവര്‍ണം നല്‍കി അലങ്കരിച്ചത്. രണ്ട് ലക്ഷം രൂപ ചെലവിലായിരുന്നു ഈ അലങ്കാരപ്പണിയെന്നാണ് റിപ്പോര്‍ട്ട്. ഹര്‍ ഘര്‍ തിരംഗ കാമ്പയിനിന്റെ ഭാഗമായി പതാകയുടെ നിറത്തില്‍ അലങ്കരിച്ച തന്റെ ജാഗ്വാര്‍ എക്‌സ്.എഫുമായി അദ്ദേഹം ഗുജറാത്തില്‍ നിന്ന് ഡല്‍ഹിയിലേക്ക് യാത്ര ചെയ്യുകയും ചെയ്തിരുന്നു. 1300 കിലോമീറ്ററുള്ള യാത്ര രണ്ട് ദിവസമെടുത്താണ് അദ്ദേഹം പൂര്‍ത്തിയാക്കിയത്.

ത്രിവര്‍ണങ്ങളില്‍ അലങ്കരിച്ച വാഹനവുമായുള്ള യാത്ര എന്നതിലുപരി പ്രധാനമന്ത്രി നരേന്ദ്ര മോദിയേയും ആഭ്യന്തര മന്ത്രി അമിത് ഷായേയും കാണണമെന്ന ആഗ്രഹവും ഈ യാത്രയ്ക്ക് പ്രേരണയായതായി സിദ്ധാര്‍ഥിനെ ഉദ്ധരിച്ച് വാര്‍ത്ത ഏജന്‍സിയായ എ.എന്‍.ഐ. റിപ്പോര്‍ട്ട് ചെയ്തു. പാര്‍ലമെന്റ് മന്ദിരത്തിന് സമൂപത്ത് കൂടി ഈ വാഹനം സഞ്ചരിക്കുന്നതിന്റെ വീഡിയോയും എ.എന്‍.ഐ. സാമൂഹിക മാധ്യമങ്ങളില്‍ പങ്കുവെച്ചിരുന്നു. എന്നാല്‍, മന്ത്രിമാരെ കാണാന്‍ അനുമതി ലഭിച്ചോയെന്ന് വ്യക്തമല്ല.

അതേസമയം, വാഹനത്തില്‍ രജിസ്‌ട്രേഷന്‍ സര്‍ട്ടിഫിക്കറ്റില്‍ നല്‍കിയിട്ടുള്ള നിറം മാറ്റുന്നത് ഇന്ത്യയില്‍ നിയമവിരുദ്ധമാണ്. എന്തെങ്കിലും കാരണത്താല്‍ നിറം മാറ്റുകയാണെങ്കില്‍ ഇത് രജിസ്‌ട്രേഷന്‍ സര്‍ട്ടിഫിക്കറ്റിലും രേഖപ്പെടുത്തണം. കറുത്ത നിറത്തിലുള്ള വാഹനത്തില്‍ മൂന്ന് നിറത്തിലുള്ള സ്റ്റിക്കറുകള്‍ പതിപ്പിച്ചാണ് നിറം മാറ്റിയിരിക്കുന്നത്. ഇത് സ്ഥിരമായി വരുത്തിയിട്ടുള്ള മാറ്റമല്ലെന്നാണ് വിലയിരുത്തല്‍. ഫിലിംഷോപ്പി എന്ന സ്ഥാപനമാണ് വാഹനം അലങ്കരിച്ച് നല്‍കിയത്.

Content Highlights: Gujarat man spend rupees 2 lakhs to decorate jaguar XF with tricolor, Jaguar XF


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022


rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022

Most Commented