ആ ചൈനീസ് വന്‍ മതില്‍ ഇന്ത്യയിലെത്തില്ല; ബാക്കിയായ ജീവനക്കാരെയും പിരിച്ചുവിട്ട് ജി.ഡബ്ല്യു.എം.


പിരിച്ച് വിടുന്ന ജോലിക്കാര്‍ക്ക് മറ്റ് സ്ഥലങ്ങളില്‍ ജോലി ചെയ്യുന്നതിനുള്ള അവസരവും വാഗ്ദാനം ചെയ്തിട്ടില്ലെന്നാണ് വിവരം.

ഗ്രേറ്റ് വാൾ മോട്ടോഴ്‌സ് | Photo: GWM India

2020-ലെ ഡല്‍ഹി ഓട്ടോ എക്‌സ്‌പോയിലെ പ്രധാന ആകര്‍ഷണങ്ങളിലൊന്നായിരുന്നു ചൈനയിലെ ഏറ്റവും വലിയ എസ്.യു.വി. നിര്‍മാതാക്കളായ ഗ്രേറ്റ് വാള്‍ മോട്ടോഴ്‌സിന്റെ (ജി.ഡബ്ല്യു.എം) പവലിയന്‍. ഹാവല്‍ എച്ച് 6 ഉള്‍പ്പെടെ നിരവധി വാഹനങ്ങളാണ് ഇവിടെ നിരന്നിരുന്നത്. ഒരു വര്‍ഷത്തിനുള്ളില്‍ ഇന്ത്യന്‍ നിരത്തുകളില്‍ സാന്നിധ്യമറിയിക്കാന്‍ ഒരുങ്ങുന്ന വാഹനങ്ങളാണിവയെന്നായിരുന്നു പ്രഖ്യാപനങ്ങള്‍. എന്നാല്‍, ഇന്ത്യന്‍ നിരത്തുകളില്‍ ഓടാന്‍ ജി.ഡബ്ല്യു.എം. വാഹനങ്ങള്‍ എത്തിയേക്കില്ലെന്നാണ് പുതിയ സൂചനകള്‍.

ഇന്ത്യയില്‍ പ്രവര്‍ത്തനം ആരംഭിക്കുന്നതിന് മുന്നോടിയായി ജി.ഡബ്ല്യു.എമ്മിന്റെ ആസ്ഥാനവും ഇവിടെ ഒരുങ്ങിയിരുന്നു. എന്നാല്‍, പുതിയ റിപ്പോര്‍ട്ടുകള്‍ അനുസരിച്ച് ഇന്ത്യയില്‍ കമ്പനി നിയമിച്ചിരുന്ന 11 ജീവനക്കാരേയും പിരിച്ച് വിട്ടെന്നാണ് വിവരം. പിരിച്ചുവിട്ട ജീവനക്കാര്‍ക്കെല്ലാം ജൂലായ് മുതല്‍ സെപ്റ്റംബര്‍ മാസം വരെയുള്ള ശമ്പളം അഡ്വാന്‍സായി നല്‍കിയാണ് ജോലിയില്‍ നിന്ന് പിരിഞ്ഞു പോകാന്‍ അറിയിച്ചിരിക്കുന്നത്. ആറ് മാസത്തെ വേരിബിള്‍ സാലറിയാണ് തൊഴിലാളികള്‍ക്ക് നല്‍കിയതെന്നും വിവരമുണ്ട്.

പിരിച്ച് വിടുന്ന ജോലിക്കാര്‍ക്ക് മറ്റ് സ്ഥലങ്ങളില്‍ ജോലി ചെയ്യുന്നതിനുള്ള അവസരവും വാഗ്ദാനം ചെയ്തിട്ടില്ലെന്നാണ് വിവരം. 2017-ല്‍ ഇന്ത്യന്‍ വാഹന വിപണിയില്‍ നിന്ന് പിന്‍മാറിയ ജനറല്‍ മോട്ടോഴ്‌സുമായുള്ള സഖ്യത്തിലാണ് ജി.ഡബ്ല്യു.എം. ഇന്ത്യയിലേക്കുള്ള പ്രവേശനം പ്രഖ്യാപിച്ചത്. എന്നാല്‍, ഇരു കമ്പനികളും തമ്മിലുള്ള കരാര്‍ ജൂണ്‍ 30-ന് അവസാനിച്ചതോടെയാണ് കമ്പനി ജീവനക്കാരെ പിരിച്ചുവിടാന്‍ തീരുമാനിച്ചത്. മുമ്പ് രണ്ട് തവണ ഈ കമ്പനികള്‍ തമ്മിലുള്ള കരാര്‍ പുതുക്കിയിരുന്നതായാണ് വിവരം.

ജനറല്‍ മോട്ടോഴ്‌സിന്റെ പുണെ തലേഗാവിലെ പ്ലാന്റ് ഏറ്റെടുത്ത് വാഹനങ്ങള്‍ നിര്‍മിക്കാനാണ് ജി.ഡബ്ല്യു.എം. തീരുമാനിച്ചിരുന്നത്. പ്ലാന്റിലെ സൗകര്യങ്ങള്‍ വര്‍ധിപ്പിക്കുന്നതിനും മറ്റുമായി ഏകദേശം 7400 കോടി രൂപയുടെ നിക്ഷേപം നടത്തുമെന്നും കമ്പനി അറിയിച്ചിരുന്നു. ജി.എം. പ്ലാന്റ് ഏറ്റെടുക്കുന്നതിനും വാഹനങ്ങള്‍ നിര്‍മിക്കുന്നതിനുമായി മഹാരാഷ്ട്ര സര്‍ക്കാരുമായി ജി.ഡബ്ല്യു.എം. ധാരണാപത്രം ഒപ്പുവെച്ചിരുന്നു. 3000 തൊഴിലവസരങ്ങള്‍ ഇതുവഴി സൃഷ്ടിക്കപ്പെടുമെന്നാണയിരുന്നു കണക്കുകൂട്ടല്‍.

കോവിഡ് പ്രതിസന്ധി, ചൈനിയില്‍ നിന്നുള്ള നിക്ഷേപങ്ങള്‍ക്ക് ഏര്‍പ്പെടുത്തിയ നിയന്ത്രണം തുടങ്ങിയവയാണ് ഗ്രേറ്റ് വാള്‍ മോട്ടോഴ്‌സിന്റെ വരവിന് തടയിട്ടതെന്നാണ് വിലയിരുത്തല്‍. തലേഗാവ് പ്ലാന്റ് ഏറ്റെടുക്കലിനുള്ള ഒരുക്കങ്ങള്‍ പൂര്‍ത്തിയായതിന് പിന്നാലെയാണ് കോവിഡ്-19 വ്യാപനത്തെ തുടര്‍ന്ന് ആഗോളതലത്തില്‍ ലോക്ഡൗണ്‍ പ്രഖ്യാപിക്കുന്നത്. ഇതോടെ പദ്ധതി നീണ്ടുപോകുകയായിരുന്നു. പിന്നീട് വിദേശ നിക്ഷേപങ്ങള്‍ക്കുള്ള സര്‍ക്കാര്‍ അംഗീകാരം നേടാന്‍ കഴിയാതെ വന്നതോടെ വരവ് പൂര്‍ണമായും തടസ്സപ്പെട്ടു.

Source: ET Auto

Content Highlights: Great Wall Motor stops India Operations, Fires All Employees in india

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


shajahan

1 min

പാലക്കാട് സിപിഎം പ്രാദേശിക നേതാവിനെ വെട്ടിക്കൊലപ്പെടുത്തി

Aug 14, 2022


Yuan Wang-5

1 min

ഇന്ത്യയുടെ ആശങ്കകള്‍ തള്ളി ശ്രീലങ്ക; ചൈനീസ് ചാരക്കപ്പലിന് നങ്കൂരമിടാന്‍ അനുമതി നല്‍കി

Aug 13, 2022

Most Commented