സൗരവ് ഗാംഗുലി സ്വന്തമാക്കിയ പുതിയ വാഹനം | Photo: Benchmark Interkrafts
ഇന്ത്യയുടെ മുന്‍ ക്രിക്കറ്റ് ക്യാപ്റ്റന്‍, ബി.സി.സി.ഐ. അധ്യക്ഷന്‍ തുടങ്ങിയ പദവികള്‍ അലങ്കരിച്ചിട്ടുള്ള വ്യക്തിയാണ് സൗരവ് ഗാംഗുലി. ഇടംകൈ ബാറ്റിങ്ങിലൂടെ നിരവധി ക്രീസില്‍ മാജിക്കുകള്‍ തീര്‍ത്തിട്ടുള്ള താരത്തെ ദാദ എന്നാണ് ആരാധകര്‍ വിശേഷിപ്പിക്കുന്നത്. ഇന്ത്യന്‍ ടീമിന്റെ മുന്‍ക്യാപ്റ്റനായ അദ്ദേഹം തന്റെ യാത്രകള്‍ക്കായി ആഡംബര വാഹനങ്ങളിലെ ക്യാപ്റ്റനായ മെഴ്‌സിഡസ് വാഹനം സ്വന്തമാക്കിയതാണ് അദ്ദേഹത്തിന്റെ പുതിയ വിശേഷം.
കടുത്ത വാഹനപ്രേമിയെന്ന വിശേഷണവും കാറുകളുടെ നീണ്ട കളക്ഷനുകള്‍ ഒന്നും അവകാശപ്പെടാനില്ലാത്ത താരം ഇപ്പോള്‍ സ്വന്തമാക്കിയിരിക്കുന്നത് മെഴ്‌സിഡീസ് ബെന്‍സ് ജി.എല്‍.എസ്400ഡി മോഡലാണ്. കൊല്‍ക്കത്തയിലെ മെഴ്‌സിഡീസ് വിതരണക്കാരായ ബെഞ്ച്മാര്‍ക്ക് ഇന്റര്‍ക്രാഫ്റ്റില്‍ നിന്നാണ് അദ്ദേഹം വാഹനം സ്വന്തമാക്കിയിരിക്കുന്നത്. ഗാംഗുലി ബെന്‍സിന്റെ ഉടമയായ സന്തോഷം ഡീലര്‍ഷിപ്പ് തന്നെയാണ് സാമൂഹിക മാധ്യമങ്ങളില്‍ പങ്കുവെച്ചിരിക്കുന്നത്.
മെഴ്‌സിഡീസ് ഇന്ത്യയില്‍ എത്തിക്കുന്ന എസ്.യു.വികളില്‍ മികച്ച മോഡലുകളിലൊന്നാണ് ജി.എല്‍.എസ്.400ഡി. 1.29 കോടി രൂപ എക്‌സ്‌ഷോറൂം വിലയുള്ള ഈ വാഹനത്തിന് ഡീസല്‍ എന്‍ജിനാണ് കരുത്തേകുന്നത്. 3.0 ലിറ്റര്‍ ഇന്‍ലൈന്‍ ആറ് സിലിണ്ടര്‍ എന്‍ജിനാണ് ഇതില്‍ നല്‍കിയിട്ടുള്ളത്. ഇത് 326 ബി.എച്ച്.പി. പവറും 700 എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. ഒമ്പത് സ്പീഡ് ഓട്ടോമാറ്റിക് ഗിയര്‍ബോക്‌സാണ് ഈ വാഹനത്തില്‍ ട്രാന്‍സ്മിഷന്‍ ഒരുക്കുന്നത്.
കഴിഞ്ഞ വര്‍ഷമാണ് ജി.എല്‍.എസ്.400-ന്റെ പുതിയ പതിപ്പ് ഇന്ത്യയില്‍ അവതരിപ്പിച്ചത്. ഒക്ടാഗോണല്‍ ഗ്രില്ല്, മള്‍ട്ടിബീം എല്‍ഇഡി ഹെഡ്ലാമ്പ്, എല്‍ഇഡി ഡിആര്‍എല്‍, എയര്‍ഡാം, ക്രോം ആരവണം നല്‍കിയിട്ടുള്ള അണ്ടര്‍ ഗാര്‍ഡ് എന്നിവയാണ് ഈ വാഹനത്തിന്റെ മുഖഭാവം അലങ്കരിക്കുന്നത്. അണ്ടര്‍ബോഡി ക്ലാഡിങ്ങുകളുള്ള ബംമ്പര്‍, സില്‍വല്‍ സ്‌കിഡ് പ്ലേറ്റ്, ഡ്യുവല്‍ എക്സ്ഹോസ്റ്റ് പൈപ്പ് എന്നിവ പിന്‍ഭാഗത്തിന് സ്പോര്‍ട്ടി ഭാവം നല്‍കുന്നുണ്ട്.
പുതുതലമുറ ഫീച്ചറുകളും കണക്ടഡ് കാര്‍ സാങ്കേതികവിദ്യയുമാണ് മെഴ്‌സിഡിസീന്റെ ഈ ആഡംബര വാഹനത്തിന്റെ അകത്തളം സമ്പന്നമാക്കുന്നത്. 12.3 ഇഞ്ച് വലിപ്പമുള്ള രണ്ട് സ്‌ക്രീനുകളാണ് ഇന്റീരിയറിലുള്ളത്. ഒന്ന് ഇന്‍ഫോടെയ്ന്‍മെന്റ് സിസ്റ്റമായും ഒന്ന് ഇന്‍സ്ട്രുമെന്റ് ക്ലെസ്റ്ററായി പ്രവര്‍ത്തിക്കും. ഏഴ് സീറ്റര്‍ എസ്.യു.വിയായ ഈ വാഹനത്തിലെ പിന്‍നിര സീറ്റുകള്‍ ഇലക്ട്രിക്കലി ഫോള്‍ഡ് ചെയ്യാന്‍ കഴിയുന്നതാണ്. നിരവധി സുരക്ഷ ഫീച്ചറുകളും ഈ വാഹനത്തിലുണ്ട്.
Content Highlights: Former Indian cricketer Sourav Ganguly buys Mercedes Benz GLS400d SUV, Sourav Ganguly
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
Premium
.jpg?$p=c686dae&f=1x1&w=100&q=0.8)
.jpg?$p=e4e93ab&f=1x1&w=100&q=0.8)
.jpg?$p=2a61443&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..