എഞ്ചിന്‍ പ്രവര്‍ത്തനത്തില്‍ പോരായ്മ; പരിശോധനയ്ക്കായി മഹീന്ദ്രയുടെ വാഹനങ്ങള്‍ തിരിച്ച് വിളിക്കുന്നു


2021 ജൂണ്‍ മാസം മുതല്‍ ജൂലൈ രണ്ട് വരെ നിര്‍മിച്ച വാഹനങ്ങളിലാണ് മലിനമായ ഇന്ധനം നിറച്ചിരുന്നതെന്നാണ് സൂചന.

പ്രതീകാത്മത ചിത്രം | Photo: Auto.Mahindra

ന്ത്യയിലെ ഏറ്റവും വലിയ എസ്.യു.വി. നിര്‍മാതാക്കളായ മഹീന്ദ്ര ഏതാനും വാഹനങ്ങള്‍ തിരിച്ച് വിളിക്കുന്നതായി റിപ്പോര്‍ട്ട്. മഹീന്ദ്രയുടെ നാസിക് പ്ലാന്റില്‍ നിര്‍മിച്ച ഡീസല്‍ എന്‍ജിന്‍ വാഹനങ്ങളാണ് പരിശോധനകള്‍ക്കായി തിരിച്ച് വിളിക്കുന്നതെന്നാണ് വിവരം. എന്‍ജിന്‍ പ്രവര്‍ത്തനങ്ങളില്‍ പോരായ്മ സംഭവിച്ചിട്ടുണ്ടെന്ന സംശയത്തിന്റെ പശ്ചാത്തലത്തിലാണ് വാഹനങ്ങള്‍ പരിശോധിക്കാനൊരുങ്ങുന്നത്.

മലിനമായ ഇന്ധനത്തിന്റെ ഉപയോഗത്തെ തുടര്‍ന്ന് എന്‍ജിന്‍ ഭാഗങ്ങളില്‍ കേടുപാടുകള്‍ സംഭവിച്ചിട്ടുണ്ടോയെന്ന പരിശോധനയ്ക്കാണ് വാഹനങ്ങള്‍ തിരിച്ച് വിളിച്ചിട്ടുള്ളതെന്നാണ് ബോംബെ സ്‌റ്റോക്ക് എക്‌സ്‌ചേഞ്ച് ഫയലിങ്ങിലൂടെ വാഹന നിര്‍മാതാക്കള്‍ അറിയിച്ചിട്ടുള്ളത്. ഏതൊക്കെ മോഡലുകളിലാണ് ഈ പ്രശ്‌നം ശ്രദ്ധയില്‍ പെട്ടിട്ടുള്ളതെന്ന കാര്യം മഹീന്ദ്ര വെളിപ്പെടുത്തിയിട്ടില്ല.

2021 ജൂണ്‍ മാസം മുതല്‍ ജൂലൈ രണ്ട് വരെ നിര്‍മിച്ച വാഹനങ്ങളിലാണ് മലിനമായ ഇന്ധനം നിറച്ചിരുന്നതെന്നാണ് സൂചന. ഏകദേശം 600 വാഹനങ്ങളോളമാണ് തിരിച്ച് വിളിക്കുന്നതെന്നും സ്ഥിരീകരിക്കാത്ത റിപ്പോര്‍ട്ടുണ്ട്. നിലവില്‍ തകരാറുകള്‍ റിപ്പോര്‍ട്ട് ചെയ്തിട്ടില്ലെങ്കിലും ഭാവിയില്‍ ഉണ്ടായേക്കാവുന്ന പ്രശ്‌നങ്ങള്‍ കണക്കിലെടുത്താണ് ഇപ്പോള്‍ പരിശോധനയ്ക്ക് ഒരുങ്ങുന്നതെന്നും വിവരമുണ്ട്.

തിരിച്ച് വിളിക്കലുമായി ബന്ധപ്പെട്ട ഔദ്യോഗിക പ്രസ്താവന മഹീന്ദ്ര നടത്തിയിട്ടില്ല. ഈ കാലയളില്‍ നാസിക് പ്ലാന്റില്‍ നിര്‍മിച്ചിട്ടുള്ള വാഹനങ്ങളുടെ ഉപയോക്താക്കളെ കമ്പനി പ്രതിനിധികള്‍ നേരിട്ട് ബന്ധപ്പെടുമെന്നാണ് വിവരങ്ങള്‍. മഹീന്ദ്രയുടെ എസ്.യു.വി. മോഡലുകളായ ഥാര്‍, സ്‌കോര്‍പിയോ, ബൊലേറൊ, മാരാസോ, എക്‌സ്.യു.വി.300 തുടങ്ങിയ വാഹനങ്ങളാണ് നാസിക്കിന്റെ പ്ലാന്റില്‍ നിര്‍മിക്കുന്നത്.

Surce: Car and Bike

Content Highlights: Engine Issue; Mahindra Recalls 600 Vehicles

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented