ദുബായ് പോലീസില്‍ ഔഡിയുടെ മാസ് എന്‍ട്രി; പുതുതായി എത്തിയത് 100 ഔഡി A6 കാറുകള്‍


ഔഡിയുടെ ഡ്രൈവ് സെലക്ട് പോലുള്ള ഓപ്ഷണല്‍ സാങ്കേതികവിദ്യകള്‍ ഈ വാഹനത്തിന്റെ ഹൈലൈറ്റാണ്.

ദുബായി പോലീസിൽ പുതുതായി എത്തിയ ഔഡി A6 കാറുകൾ | Photo: Facebook|Dubai Police

ബെന്റ്‌ലി കോണ്ടിനെന്റല്‍ ജി.ടി, മക്‌ലാരന്‍ എം.പി.4-12സി, ആസ്റ്റണ്‍ മാര്‍ട്ടിന്‍ വണ്‍77, ഫെരാരി എഫ്.എഫ്, ബുഗാട്ടി വെയ്‌റോണ്‍, ലംബോര്‍ഗിനി അവന്റഡോര്‍ തുടങ്ങി ലോകത്തിലെ എല്ലാ സൂപ്പര്‍ കാറുകളുടെയും സംഗമ സ്ഥാനമാണ് ദുബായ് പോലീസിന്റെ വാഹനശ്രേണി. ലോകത്തിലെ ഏറ്റവും വലിയ സൂപ്പര്‍ കാര്‍ വ്യൂഹവും ദുബായ് പോലീസിന്റെ സ്വന്തമാണ്. ഈ ശ്രേണിയിലേക്ക് ജര്‍മന്‍ ആഡംബര വാഹന നിര്‍മാതാക്കളായ ഓഡിയുടെ എ6 കൂടി എത്തിയിരിക്കുകയാണ്.

ഈ വാഹനത്തിന്റെ ഒന്നും രണ്ടും യൂണിറ്റല്ല ദുബായ് പോലീസ് വാഹന വ്യൂഹത്തില്‍ ചേര്‍ത്തിരിക്കുന്നത്. 100 എ6 പ്രീമിയം സെഡാനാണ് ദുബായ് പോലീസില്‍ എത്തിയിട്ടുള്ളത്. പോലീസ് സേനയുടെ പട്രോളിങ്ങ് വിഭാഗത്തിലേക്കാണ് ഈ ആഡംബരം വാഹനം ഔഡി എ6-ന്റെ ടി.എഫ്.എസ്.ഐ 45 എന്ന മോഡലാണ് പോലീസ് സേനയ്ക്കായി വാങ്ങിയിട്ടുള്ളത്. ആഡംബരത്തിനൊപ്പം പോലീസ് വാഹനത്തിന് ആവശ്യമായ നിരവധി ഫീച്ചറുകളും ഇതില്‍ നല്‍കിയിട്ടുണ്ട്.

Dubai Police- Audi A6
ദുബായി പോലീസില്‍ പുതുതായി എത്തിയ ഔഡി A6 കാറുകള്‍ | Photo: Facebook/Dubai Police

ഔഡിയുടെ ഡ്രൈവ് സെലക്ട് പോലുള്ള ഓപ്ഷണല്‍ സാങ്കേതികവിദ്യകള്‍ ഈ വാഹനത്തിന്റെ ഹൈലൈറ്റാണ്. ഇത് വാഹനത്തിന്റെ ഡ്രൈവിങ്ങ് ക്യാരക്ടറിസ്റ്റുകള്‍ തിരഞ്ഞെടുക്കാന്‍ ഡ്രൈവറെ സഹായിക്കുന്നതാണ്. വാഹനം നിര്‍ത്തുമ്പോഴുള്ള ഗ്രേഡിയന്റുകള്‍ ഒഴിവാക്കുന്നതിനുള്ള ഔഡി ഹോള്‍ഡ് അസിസ്റ്റും ഈ വാഹനത്തിന്റെ മറ്റൊരു സവിശേഷതയാണ്. മെമ്മറി ഫങ്ഷന്‍ സീറ്റുകള്‍, എല്‍.ഇ.ഡി. ലൈറ്റുകള്‍ എന്നിവയും ഈ വാഹനത്തെ കൂടുതല്‍ ആകര്‍ഷകമാക്കും.

2.0 ലിറ്റര്‍ നാല് സിലിണ്ടര്‍ പെട്രോള്‍ എന്‍ജിനാണ് എ6 ടി.എഫ്.എസ്.ഐ. മോഡലിന് കരുത്തേകുന്നത്. ഇത് 245 ബി.എച്ച്.പി. പവറും 370 എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. എസ്-ട്രോണിക് ഓട്ടോമാറ്റിക് ഈ വാഹനത്തിന് ട്രാന്‍സ്മിഷന്‍ ഒരുക്കുന്നത്. പോലീസിന്റെ പട്രോളിങ്ങിന് സഹായിക്കുന്നതിനായി പ്രത്യേക ക്യാമറ സംവിധാനങ്ങളും ഈ വാഹനങ്ങളില്‍ ഒരുക്കിയിട്ടുണ്ട്. ദുബായ് പോലീസിന്റെ ഔദ്യോഗിക ഫെയ്‌സ്ബുക്ക് പേജിലൂടെയാണ് ഇക്കാര്യം പങ്കുവെച്ചത്.

Content Highlights: Dubai Police Adds 100 Audi A6 Cars To Their Vehicle Fleet


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented