കോവിഡ് രണ്ടാം തരംഗം; ഇന്ത്യക്ക് ധനസഹായത്തിനൊപ്പം പ്രതിരോധ സാമഗ്രികളുമായി ഫോര്‍ഡ്


ഇന്ത്യക്കും ബ്രസീലിനുമായി രണ്ട് ലക്ഷം ഡോളറിന്റെ ധനസഹായവും ഫോര്‍ഡ് വാഗ്ദാനം ചെയ്തിട്ടുണ്ട്.

കോവിഡ് രണ്ടാം തരംഗം രൂക്ഷമായ ഇന്ത്യയെ സഹായിക്കാന്‍ അമേരിക്കന്‍ വാഹന നിര്‍മാതാക്കളായ ഫോര്‍ഡ് മോട്ടോര്‍ കമ്പനി. ഇതിനായി 50 ലക്ഷം സര്‍ജിക്കന്‍ മാസ്‌കുകളും ഒരു ലക്ഷം എന്‍95 മാസ്‌കുകളും, 50,000 ഗൗണുകളും ഇന്ത്യയില്‍ എത്തിക്കുമെന്നാണ് കമ്പനി അറിയിച്ചിട്ടുള്ളത്. കോവിഡ് മഹാമാരി രാജ്യത്തിന്റെ ആരോഗ്യ മേഖലയിലുണ്ടാക്കിയ ആഘാതം കണക്കിലെടുത്താണ് ഈ നീക്കം.

രോഗ വ്യാപനം പ്രതിരോധിക്കുന്നതിനുള്ള സാമഗ്രികള്‍ക്ക് പുറമെ, ഇന്ത്യക്കും ബ്രസീലിനുമായി രണ്ട് ലക്ഷം ഡോളറിന്റെ ധനസഹായവും ഫോര്‍ഡ് വാഗ്ദാനം ചെയ്തിട്ടുണ്ട്. കോവിഡ് പ്രതിരോധ പ്രവര്‍ത്തങ്ങള്‍ക്ക് നേതൃത്വം നല്‍കുന്ന സ്ഥാപനങ്ങള്‍ക്കും മറ്റുമായി ഈ പണം നല്‍കാനാണ് കമ്പനി ഉദ്ദേശിക്കുന്നതെന്നാണ് റിപ്പോര്‍ട്ട്. കമ്പനിയുടെ സി.എസ്.ആര്‍. ഫണ്ടില്‍ നിന്നായിരിക്കും സഹായമെത്തുക.

കോവിഡ് മഹാമാരിയുടെ പശ്ചാത്തലത്തില്‍ ജനങ്ങള്‍ക്ക് ഭക്ഷണവും ക്ലീനിങ്ങ് ഉപകരണങ്ങളും നല്‍കുന്നതിനായാണ് ഈ ഫണ്ട് ലഭ്യമാക്കുന്നതെന്നാണ് ഫോര്‍ഡ് അറിയിച്ചിരിക്കുന്നത്. ഇന്ത്യ, ബ്രസീല്‍ എന്നീ രാജ്യങ്ങള്‍ ഈ പണം തുല്യമായി വീതിച്ച് നല്‍കുമെന്നും ഫോര്‍ഡിന്റെ കോര്‍പറേറ്റ് സോഷ്യല്‍ റെസ്‌പോണ്‍സിബിലിറ്റി വിഭാഗം മേധാവികള്‍ അറിയിച്ചു.

കോവിഡ് രണ്ടാം തരംഗത്തില്‍ രാജ്യം ലോക്ക്ഡൗണിലേക്ക് പോകുകയാണെങ്കില്‍ വാഹന നിര്‍മാണ ശാലകള്‍ വീണ്ടും അടച്ചിടേണ്ടി വരുമെന്നാണ് സൂചനകള്‍. അതേസമയം, രാജ്യത്ത് ഓക്‌സിജന്‍ ക്ഷാമം അനുഭവപ്പെടുന്ന സാഹചര്യത്തില്‍ വാഹന പ്ലാന്റുകളില്‍ താത്കാലികമായി ഓക്‌സിജന്‍ ഉത്പാദിപ്പിക്കുന്നതിനുള്ള സാധ്യതകളെ കുറിച്ചും അധികാരികള്‍ വിലയിരുത്തുന്നുണ്ട്.

2020-ലെ കോവിഡ് വ്യാപന സമയത്തും രാജ്യത്തെ സഹായിക്കാന്‍ മുന്നിട്ടിറങ്ങിയ വാഹന നിര്‍മാതാക്കളിലൊന്നാണ് ഫോര്‍ഡ്. ഇതിന്റെ ഭാഗമായി ഫോര്‍ഡിന്റെ പ്ലാന്റില്‍ കോവിഡ് പ്രതിരോധത്തിന്റെ മുന്‍നിര പ്രവര്‍ത്തകര്‍ക്കായുള്ള ഫേസ് ഷീല്‍ഡ്, മാസ്‌ക്, സാനിറ്റൈസര്‍, പി.പി.ഇ. കിറ്റ് എന്നിവ ഫോര്‍ഡ് ഇന്ത്യയുടെ പ്ലാന്റില്‍ നിര്‍മിച്ചിരുന്നു. മറ്റ് വാഹന നിര്‍മാതാക്കളും ഇത്തരം സേവനങ്ങള്‍ ഒരുക്കിയിരുന്നു.

Content Highlights: Covid Second Wave; Ford Motors Donates Essential Equipment For Health Workers


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

2 min

വാഴക്കുലയില്‍ കുടുങ്ങിയ ചിന്ത; നന്ദി പിണറായിക്ക്, ഡോക്ടറേറ്റ് റദ്ദാക്കാന്‍ വകുപ്പുണ്ട്

Jan 30, 2023


kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


Premium

09:50

വീടിനെക്കാള്‍ വില മതിച്ച പൂവ്; ഞെട്ടിച്ച തകര്‍ച്ച, ടുലിപ് മാനിയ!

Jan 30, 2023

Most Commented