ഒറ്റത്തവണ ചാര്‍ജില്‍ 362 കിലോ മീറ്റര്‍; സി3-യുടെ ഇലക്ട്രിക് പതിപ്പ് എത്തിക്കാന്‍ സിട്രോണ്‍


ഡിസംബറില്‍ തന്നെ ഈ വാഹനം പ്രദര്‍ശനത്തിനെത്തുമെന്നുമാണ് റിപ്പോര്‍ട്ടുകള്‍.

സിട്രോൺ സി3

ഫ്രഞ്ച് വാഹന നിര്‍മാതാക്കളായ സിട്രോണ്‍ ബ്രാന്റിലെ കുഞ്ഞന്‍ മോഡലായി കഴിഞ്ഞ ദിവസം ഇന്ത്യന്‍ നിരത്തുകളില്‍ എത്തിയ വാഹനമാണ് സി3 എന്ന ബി സെഗ്മെന്റ് ഹാച്ച്ബാക്ക്. 90 ശതമാനത്തോളം ഇന്ത്യയില്‍ നിര്‍മിച്ചെത്തിയ വാഹനമെന്ന സവിശേഷതയാണ് സി3-യില്‍ നിര്‍മാതാക്കള്‍ ഉയര്‍ത്തി കാട്ടുന്നത്. നിലവില്‍ രണ്ട് പെട്രോള്‍ എന്‍ജിനുകളില്‍ മാത്രം ഇന്ത്യയില്‍ എത്തിയിട്ടുള്ള ഈ വാഹനത്തിന്റെ ഇലക്ട്രിക് മോഡലും വിപണിയില്‍ എത്തിയേക്കുമെന്നാണ് പുതിയ റിപ്പോര്‍ട്ട്.

സിട്രോണിന്റെ ഇലക്ട്രിക് വാഹനം ഈ വര്‍ഷം തന്നെ ഇന്ത്യയില്‍ അവതരിപ്പിക്കുമെന്ന് മുമ്പുതന്നെ സൂചനകള്‍ ഉണ്ടായിരുന്നു. എന്നാല്‍, സി3-യെ അടിസ്ഥാനമാക്കിയായിരിക്കും ഇലക്ട്രിക് പതിപ്പ് ഒരുങ്ങുകയെന്നും വരുന്ന ഡിസംബറില്‍ തന്നെ ഈ വാഹനം പ്രദര്‍ശനത്തിനെത്തുമെന്നുമാണ് പുതിയ റിപ്പോര്‍ട്ടുകള്‍. നിലവിലെ സിട്രോണ്‍ സി3-ക്ക് അടിസ്ഥാനമൊരുക്കുന്ന സി.എം.പി.(കോമണ്‍ മോഡുലാന്‍ പ്ലാറ്റ്‌ഫോമം) പ്ലാറ്റ്‌ഫോമിലായിരിക്കും ഇലക്ട്രിക് പതിപ്പും ഒരുങ്ങുകയെന്നാണ് വിവരം.

പ്യൂഷോ യൂറോപ്പില്‍ എത്തിച്ചിട്ടുള്ള ഇലക്ട്രിക് വാഹനമായ ഇ-208 മോഡലിലും സി.എം.പി. മോഡുലാര്‍ പ്ലാറ്റ്‌ഫോമാണ് അടിസ്ഥാനമൊരുക്കുന്നത്. 50 കിലോ വാട്ട് ബാറ്ററി പാക്കും 136 പി.എസ്. പവറും 260 എന്‍.എം. ടോര്‍ക്കുമേകുന്ന ഇലക്ട്രിക് മോട്ടോറുമാണ് ഈ വാഹനത്തിന് കരുത്തേകുന്നത്. ഒറ്റത്തവണ ചാര്‍ജ് ചെയ്താല്‍ 362 കിലോ മീറ്റര്‍ സഞ്ചരിക്കാനുള്ള ശേഷിയാണ് ഇ-208-നുള്ളത്. ഇതേ ബാറ്ററി പാക്ക് ആയിരിക്കും സി3-യുടെ ഇലക്ട്രിക് മോഡലിലും നല്‍കുകയെന്നാണ് പ്രതീക്ഷിക്കുന്നത്.

സി3 എന്ന ഹാച്ച്ബാക്ക് മോഡലാണെങ്കിലും ഇലക്ട്രിക് പതിപ്പിലേക്ക് മാറുന്നതോടെ വിലയിലും മറ്റും ടാറ്റ ടിഗോറുമായായിരിക്കും മത്സരിക്കുകയെന്നാണ് വിവരം. ഇതിനുപുറമെ, വേരിയന്റുകള്‍ക്ക് അനുസരിച്ച് വ്യത്യസ്ത ബാറ്ററി പാക്കുകള്‍ നല്‍കിയേക്കുമെന്നും സൂചനയുണ്ട്. ഏറ്റവും അടിസ്ഥാന മോഡലില്‍ 300 കിലോമീറ്റര്‍ റേഞ്ച് ഉറപ്പാക്കുമെന്നാണ് വിലയിരുത്തല്‍. അതേസമയം, സി3-യുടെ റെഗുലര്‍ മോഡലിനെക്കാള്‍ പ്രീമിയം ഭാവത്തിലായിരിക്കും ഈ വാഹനം എത്തുകയെന്നും വിവരമുണ്ട്.

നിലവില്‍ പെട്രോള്‍ എന്‍ജിനിലാണ് സി3 എത്തിയിരിക്കുന്നത്. 1.2 നാച്വറലി ആസ്പിരേറ്റഡ്, 1.2 ടര്‍ബോചാര്‍ജ്ഡ് എന്നിവയാണ് അവ. 1.2 ലിറ്റര്‍ നാച്വറലി ആസ്പിരേറ്റഡ് മൂന്ന് സിലിണ്ടര്‍ എന്‍ജിന്‍ 82 പി.എസ്. പവറും 115 എന്‍.എം. ടോര്‍ക്കുമാണ് ഉ്ത്പാദിപ്പിക്കുന്നത്. അഞ്ച് സ്പീഡ് മാനുവലാണ് ഈ എന്‍ജിനൊപ്പം നല്‍കിയിട്ടുള്ള ട്രാന്‍സ്മിഷന്‍. 1.2 ലിറ്റര്‍ ടര്‍ബോചാര്‍ജ്ഡ് എന്‍ജിന്‍ 110 പി.എസ്. പവറും 190 എന്‍.എം. ടോര്‍ക്കുമേകും. ആറ് സ്പീഡ് മാനുവലാണ് ടര്‍ബോ എന്‍ജിനൊപ്പം ട്രാന്‍സ്മിഷന്‍ ഒരുക്കുന്നത്.

Source: CarDekho

Content Highlights: Citroen will launch electric version of c3 hatchback in india, Citroen C3, Electric Car

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


shajahan murder

2 min

ഷാജഹാന്‍ വധം; മുഴുവന്‍ പ്രതികളും പിടിയില്‍,കൊലയ്ക്ക് ശേഷം പ്രതികള്‍ ബാറിലെത്തിയതായി CCTV ദൃശ്യങ്ങള്‍

Aug 16, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022

Most Commented