കിടിലന്‍ ലുക്കില്‍ നിരത്തിലിറങ്ങി സി5 എയര്‍ക്രോസ്; ആദ്യ വാഹനം പരീക്ഷണത്തിനിറക്കി സിട്രോണ്‍


ഫ്രഞ്ച് വാഹനനിര്‍മാതാക്കളായ ഗ്രൂപ്പ് പിഎസ്എയുടെ കീഴിലുള്ള വാഹനനിര്‍മാണം കമ്പനിയാണ് സിട്രോണ്‍.

Image Courtesy: Rock through Tech

ന്ത്യന്‍ നിരത്തുകളിലേക്ക് പ്രവേശനം കാത്തിരിക്കുന്ന വാഹനനിര്‍മാതാക്കളായ സിട്രോണിന്റെ ആദ്യ വാഹനം സി5 എയര്‍ക്രോസ് ഇന്ത്യന്‍ നിരത്തുകളില്‍ പരീക്ഷണ ഓട്ടം തുടങ്ങി.

ഇന്ത്യയില്‍ സി5 എയര്‍ക്രോസിന്റെ നിര്‍മാണം ആരംഭിച്ചെന്ന റിപ്പോര്‍ട്ടിന് പിന്നാലെയാണ് ഈ വാഹനം മൂടിക്കെട്ടലുകളില്ലാതെ നിരത്തില്‍ പരീക്ഷണയോട്ടത്തിനിറങ്ങിയത്.

2021-ന്റെ തുടക്കത്തില്‍ തന്നെ നിരത്തില്‍ അവതരിപ്പിക്കാനാണ് സിട്രോണിന്റെ നീക്കം. ഇതിന് മുന്നോടിയായാണ് തമിഴ്‌നാട്ടിലെ തിരുവള്ളൂരിലുള്ള സി.കെ ബിര്‍ള പ്ലാന്റില്‍ ഈ വാഹനത്തിന്റെ പരീക്ഷണാടിസ്ഥാനത്തിലുള്ള നിര്‍മാണം ആരംഭിച്ചിരിക്കുന്നത്. ഫ്രഞ്ച് വാഹനനിര്‍മാതാക്കളായ ഗ്രൂപ്പ് പിഎസ്എയുടെ കീഴിലുള്ള വാഹനനിര്‍മാണ കമ്പനിയാണ് സിട്രോണ്‍.

മുമ്പ് സിട്രോണ്‍ പുറത്തുവിട്ട ചിത്രങ്ങള്‍ക്ക് സമാനമാണ് സി5 എയര്‍ക്രോസിന്റെ പ്രൊഡക്ഷന്‍ പതിപ്പും. രണ്ട് തട്ടുകളായുള്ള ഗ്രില്ലില്‍ രണ്ട് നിരകളായി നല്‍കിയിട്ടുള്ള എല്‍ഇഡി ഹെഡ്‌ലൈറ്റ്, ഡിആര്‍എല്‍, ഉയര്‍ന്ന ബോണറ്റ്, ഫ്‌ലോട്ടിങ് റൂഫ് എന്നിവയാണ് ഈ വാഹനത്തിന്റെ പുറമെയുള്ള പ്രത്യേകത.

ഇന്ത്യയില്‍ ഇന്നുള്ള ആഡംബര വാഹനങ്ങള്‍ക്ക് സമാനമായ ഇന്റീരിയറായിരിക്കും സി5 എയര്‍ക്രോസില്‍ നല്‍കുക. ഇതിനൊപ്പം സെഗ്മെന്റ് ഫസ്റ്റ് ഫീച്ചറുകളും ഈ വാഹനത്തില്‍ ഒരുക്കും. ലെതര്‍ സീറ്റ്, സ്റ്റിയറിങ് വീല്‍ എന്നിവയും എട്ട് ഇഞ്ച് ഇന്‍ഫോടെയ്ന്‍മെന്റ് സിസ്റ്റം, 12 ഇഞ്ച് ഡിജിറ്റര്‍ ഇന്‍സ്ട്രുമെന്റ് ക്ലസ്റ്റര്‍, ഓട്ടോമാറ്റിക് എസി എന്നിവയാണ് അകത്തളത്തെ ഹൈലൈറ്റ്.

1.2 ലിറ്റര്‍ പെട്രോള്‍ എന്‍ജിനും 2.0 ലിറ്റര്‍ ഡീസല്‍ എന്‍ജിനിലുമായിരിക്കും ഈ വാഹനം എത്തുകയെന്നാണ് സൂചന. എട്ട് സ്പീഡ് ഓട്ടോമാറ്റിക് ആയിരിക്കും ഗിയര്‍ബോക്‌സ്. 360 ഡിഗ്രി വിഷന്‍, ഇലക്ട്രിക് പാര്‍ക്കിങ് ബ്രേക്ക്, ഹില്‍ അസിസ്റ്റ്, സ്റ്റെബിലിറ്റി കണ്‍ട്രോള്‍, പാര്‍ക്ക് അസിസ്റ്റന്‍സ് തുടങ്ങിയവ ഈ വാഹനത്തില്‍ സുരക്ഷയൊരുക്കും.

Content Highlights: Citroen C5 Aircross SUV Spied Testing In Tamilnadu

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


Dileep, sharath

1 min

ദിലീപിന്റെ സുഹൃത്ത് ശരതിനെ അറസ്റ്റ് ചെയ്ത് ജാമ്യത്തിൽ വിട്ടു; നടിയെ ആക്രമിച്ച കേസിലെ 'വിഐപി'

May 16, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022

More from this section




Most Commented