മലിനീകരണ നിയന്ത്രണ മാനദണ്ഡത്തില്‍ ബിഎസ് 6 നിലവാരത്തിലുള്ള ഹോണ്ട സിറ്റി സെഡാന്‍ ഇന്ത്യയില്‍ പുറത്തിറക്കി. 9.91 ലക്ഷം രൂപ മുതല്‍ 14.31 ലക്ഷം രൂപ വരെയാണ് വാഹനത്തിന്റെ ഡല്‍ഹി എക്‌സ്‌ഷോറൂം വില. ബിഎസ് 4 മോഡലിനെക്കാള്‍ പതിനാറായിരം രൂപയോളം കൂടുതലാണിത്.
2020 ഏപ്രില്‍ ഒന്ന് മുതല്‍ രാജ്യത്തെ എല്ലാ വാഹനങ്ങള്‍ക്കും ബിഎസ് 6 എന്‍ജിന്‍ നിര്‍ബന്ധമാണ്. ഇതിന് മുന്നോടിയായാണ് ബിഎസ് 6 എന്‍ജിനില്‍ സിറ്റി എത്തിയത്.
പരിഷ്‌കരിച്ച 1.5 ലിറ്റര്‍ ഫോര്‍ സിലിണ്ടര്‍ പെട്രോള്‍ എന്‍ജിനാണ് വാഹനത്തിലുള്ളത്. 6600 ആര്‍പിഎമ്മില്‍ 117 ബിഎച്ച്പി പവറും 4600 ആര്‍പിഎമ്മില്‍ 145 എന്‍എം ടോര്‍ക്കുമേകുന്നതാണ് ഈ എന്‍ജിന്‍. 5 സ്പീഡ് മാനുവല്‍, സിവിടിയാണ് ട്രാന്‍സ്മിഷന്‍. സിറ്റിയുടെ ബിഎസ് 6 ഡീസല്‍ വകഭേദം അടുത്ത ഘട്ടത്തിലെത്തും.
പുതിയ ഇന്‍ഫോടെയ്ന്‍മെന്റ് സിസ്റ്റമായി ഡിജിപാഡ് 2.0 (17.7 സെ.മീ ടച്ച്‌സ്‌ക്രീന്‍) സിറ്റിയില്‍ ഇടംപിടിച്ചിട്ടുണ്ട്. ആന്‍ഡ്രോയിഡ് ഓട്ടോ, ആപ്പിള്‍ കാര്‍ പ്ലേ കണക്റ്റിവിറ്റിയുള്ളതാണിത്. രൂപത്തിലും മറ്റും മുന്‍മോഡലില്‍നിന്ന് മാറ്റ് മാറ്റങ്ങളൊന്നും സിറ്റിക്കില്ല.
Content Highlights; BS 6 honda city petrol launched in india
RELATED STORIES
IN CASE YOU MISSED IT
.jpg?$p=f67c2a2&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..