കേരളത്തിലെ ആദ്യ ബെന്‍സ് ജിഎല്‍എസ് സ്വന്തമാക്കി അയ്യപ്പനും കോശിയുടെ നിര്‍മ്മാതാവ്‌


ബെന്‍സിന്റെ എസ്‌യുവി മോഡലായ ജിഎല്‍സിയുടെ മുഖം മിനുക്കിയ പതിപ്പ് ജൂണ്‍ 17-നാണ് ഇന്ത്യയില്‍ അവതരിപ്പിച്ചത്.

-

മെഴ്സിഡസ് ബെൻസിന്റെ അടുത്തിടെ മുഖം മിനുക്കിയെത്തിയ എസ്യുവി മോഡലായ ജിഎൽഎസിന്റെ കേരളത്തിലെ ആദ്യ മോഡൽ സ്വന്തമാക്കി അയ്യപ്പനും കോശിയും എന്ന സൂപ്പർഹിറ്റ് സിനിമയുടെ നിര്‍മ്മാതാക്കളില്‍ ഒരാളായ പി.എം ശശിധരൻ. മെഴ്സിഡീസിന്റെ കോഴിക്കോട് ഡീലർഷിപ്പായ ബ്രിഡ്ജ് വേ മോട്ടോഴ്സിൽ നിന്നാണ് അദ്ദേഹം പുതിയ ജിഎൽഎസ് സ്വന്തമാക്കിയത്.

ബെൻസിന്റെ എസ്യുവി മോഡലായ ജിഎൽസിയുടെ മുഖം മിനുക്കിയ പതിപ്പ് ജൂൺ 17-നാണ് ഇന്ത്യയിൽ അവതരിപ്പിച്ചത്. ജിഎൽഎസ് 400d, ജിഎൽഎസ് 450 4മാറ്റിക് എന്നീ രണ്ട് പതിപ്പുകളിലെത്തുന്ന ഈ വാഹനത്തിന് 3.0 ലിറ്റർ പെട്രോൾ ഡീസൽ എൻജിനുകൾ കരുത്തേകും. 99.9 ലക്ഷം രൂപ മുതലാണ് ജിഎൽഎസിന്റെ ഇന്ത്യയിലെ എക്സ്ഷോറൂം വില.

മുൻ മോഡലിനെക്കാൾ നീളവും വീതിയും ഉയർത്തിയാണ് പുതിയ ജിഎൽഎസ് എത്തിയിട്ടുള്ളത്. പുതിയ ഡിസൈനിലുള്ള ഒക്ടാഗണൽ ഗ്രില്ല്, എൽഇഡിയിൽ തീർത്ത മൾട്ടിബീം ഹെഡ്ലാമ്പ്, അലുമിനിയം സ്കിഡ് പ്ലേറ്റ്, അഞ്ച് സ്പോക്ക് അലോയി വീൽ തുടങ്ങിയവയാണ് ഈ വാഹനത്തിന്റെ എക്സ്റ്റീരിയർ അലങ്കരിക്കുന്നത്.

നിരവധി ഫീച്ചറുകളും കണക്ടഡ് കാർ സാങ്കേതികവിദ്യയുമാണ് ഈ വാഹനത്തിന്റെ ഇന്റീരിയറിനെ സമ്പന്നമാക്കുന്നത്. 12.3 ഇഞ്ച് വലിപ്പമുള്ള രണ്ട് സ്ക്രീനുകളാണ് ഇന്റീരിയറിലുള്ളത്. ഒന്ന് ഇൻഫോടെയ്ൻമെന്റ് സിസ്റ്റമായും ഒന്ന് ഇൻസ്ട്രുമെന്റ് ക്ലെസ്റ്ററായി പ്രവർത്തിക്കും. ഏഴ് സീറ്റർ എസ്യുവിയായ ഈ വാഹനത്തിലെ പിൻനിര സീറ്റുകൾ ഇലക്ട്രോണിക്കലി ഫോൾഡ് ചെയ്യാൻ കഴിയുന്നതാണ്.

ജിഎൽഎസിന്റെ ഡീസൽ പതിപ്പിലെ 3.0 ലിറ്റർ ഇൻ-ലൈൻ ആറ് സിലിണ്ടർ എൻജിൻ 330 ബിഎച്ച്പി പവറും 700 എൻഎം ടോർക്കുമേകും. പെട്രോൾ മോഡൽ 367 ബിഎച്ച്പി പവറും 500 എൻഎം ടോർക്കുമാണ് ഉത്‌പാദിപ്പിക്കുന്നത്. ഒമ്പത് സ്പീഡ് 9ജി ട്രോണിക് ഓട്ടോമാറ്റിക് ട്രാൻസ്മിഷനാണ് ഇരു മോഡലിലുമുള്ളത്.

Content Highlights:Ayyappanum KoshiyumFilm Produce P.M Sasidharan Bought Kerala First Mercedes-Benz GLS


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented