അടിമുടി മാറാന്‍ ടൊയോട്ടയുടെ പടക്കുതിര; ഫോര്‍ച്യൂണറിന്റെ വരവറിയിച്ച് ടീസര്‍


ടൊയോട്ട ഫോര്‍ച്യൂണര്‍ മസ്‌കുലര്‍ എസ്.യു.വി. എന്ന വിശേഷണത്തില്‍ നിന്ന് ക്യൂട്ട് എസ്.യു.വിയായി മാറിയെന്നന്ന സൂചനയാണ് ടീസര്‍ നല്‍കുന്നത്.

ടൊയോട്ട പങ്കുവെച്ച ടീസർ | Photo: Toyota Kirloskar Motor

ന്ത്യന്‍ നിരത്തുകളിലെ പടക്കുതിര എന്ന് വിശേഷിപ്പിക്കാവുന്ന വാഹനമാണ് ടൊയോട്ടയുടെ ഫോര്‍ച്യൂണര്‍. പല മുഖഭാവത്തിലെത്തിയിട്ടുള്ള ഈ പ്രീമിയം എസ്.യു.വിയുടെ പുതുതലമുറ മോഡല്‍ ജനുവരി ആറിന് ഇന്ത്യയിലും അവതരിപ്പിക്കും. വരവിന് മുന്നോടിയായി ഈ വാഹനത്തിന്റെ ടീസര്‍ നിര്‍മാതാക്കളായ ടൊയോട്ട പുറത്തുവിട്ടു. ഫോര്‍ച്യൂണറിന്റെ പരീക്ഷണയോട്ട ചിത്രങ്ങള്‍ കഴിഞ്ഞ ദിവസം പുറത്തുവന്നിരുന്നു.

ടൊയോട്ട ഫോര്‍ച്യൂണര്‍ മസ്‌കുലര്‍ എസ്.യു.വി. എന്ന വിശേഷണത്തില്‍നിന്ന് ക്യൂട്ട് എസ്.യു.വിയായി മാറിയെന്ന സൂചനയാണ് ടീസര്‍ നല്‍കുന്നത്. എല്‍.ഇ.ഡി.ഹെഡ്‌ലാമ്പ്, ഡേ ടൈം റണ്ണിങ്ങ് ലൈറ്റ്, ഫോഗ് ലാമ്പ്, ടേണ്‍ ഇന്റിക്കേറ്റര്‍ ലൈറ്റ് എന്നിവയാണ് ടീസറിലുള്ളത്. ഇതിനുപുറമെ, വലിയ എയര്‍ കര്‍ട്ടണും സ്‌കിഡ് പ്ലേറ്റും നല്‍കിയുള്ള പുതിയ ബംബറും രൂപമാറ്റം വരുത്തിയുള്ള ഗ്രില്ലുമായിരിക്കും മുഖഭാവം അലങ്കരിക്കുന്നത്.

മുന്‍ മോഡലില്‍നിന്ന് വ്യത്യസ്തമായി ഇത്തവണ ഫോര്‍ച്യൂണറിന്റെ ലെജന്‍ഡര്‍ എന്ന പുതിയ പതിപ്പും എത്തുന്നുണ്ട്. റെഗുലര്‍ മോഡലിനെക്കാള്‍ സ്‌പോര്‍ട്ടി ഭാവമായിരിക്കും ഈ വേരിയന്റിന്. അഗ്രസീവ് ഭാവമുള്ള ബംബറും ഗ്രില്ലുമായിരിക്കും ലെജന്‍ഡറിനെ വ്യത്യസ്തമാക്കുന്നത്. പുതിയ ഡിസൈനിലുള്ള അലോയി വീല്‍, വീല്‍ ആര്‍ച്ച്, അഴിച്ചുപണിത ടെയില്‍ ഗേറ്റ്, ലൈറ്റുകള്‍ തുടങ്ങിയവയും 2021 ഫോര്‍ച്യൂണറിനെ സ്‌റ്റൈലിഷാക്കും.

ഇന്റീരിയര്‍ സംബന്ധിച്ചുള്ള സൂചനകള്‍ ടൊയോട്ട വെളിപ്പെടുത്തിയിട്ടില്ല. എന്നാല്‍, ആഡംബരത്തില്‍ ഒട്ടും വിട്ടുവീഴ്ച്ച വരുത്തിയേക്കില്ല. ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ സംവിധാനങ്ങളുള്ള ഇന്‍ഫോടെയ്ന്‍മെന്റ് സിസ്റ്റം, ഡിജിറ്റല്‍ ഇന്‍സ്ട്രുമെന്റ് കണ്‍സോള്‍ എന്നിവ പുതുമയാണ്. ക്ലൈമറ്റ് കണ്‍ട്രോള്‍, സ്റ്റിയറിങ്ങ് വീല്‍ എന്നിവ മുന്‍ മോഡലിലേത് തുടരും. 360 ഡിഗ്രി സറൗണ്ട് വ്യൂ ക്യാമറ, ഓട്ടോമാറ്റിക് ബൂട്ട് ഓപ്പണര്‍, വയര്‍ലെസ് ഫോണ്‍ ചാര്‍ജിങ്ങ് എന്നിവയും നല്‍കും.

2.8 ലിറ്റര്‍ ഡീസല്‍, 2.7 ലിറ്റര്‍ പെട്രോള്‍ എന്നീ എന്‍ജിനുകളിലായിരിക്കും പുതിയ ഫോര്‍ച്യൂണര്‍ നിരത്തിലെത്തുക. ഡീസല്‍ എന്‍ജിന്‍ 201 ബിഎച്ച്പി പവറും 500 എന്‍എം ടോര്‍ക്കുമേകും. പെട്രോള്‍ മോഡല്‍ 166 ബി.എച്ച്.പി.പവറും 245 എന്‍.എം. ടോര്‍ക്കും ഉത്പാദിപ്പിക്കും. ആറ് സ്പീഡ് മാനുവല്‍, ഓട്ടോമാറ്റിക് ട്രാന്‍സ്മിഷനുകള്‍ ഫോര്‍ച്യൂണറിലുണ്ട്. GX, GXL, ലെജന്‍ഡര്‍ എന്നീ മൂന്ന് വേരിയന്റുകളില്‍ ഫോര്‍ച്യൂണര്‍ പ്രതീക്ഷിക്കാം.

Content Highlights: 2021 Toyota Fortuner Will Launch On January 6


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented