യഥാര്‍ഥ രൂപത്തില്‍ പ്രത്യക്ഷപ്പെട്ട് മാരുതിയുടെ പുതിയ വാഗണ്‍ആര്‍


ഇപ്പോള്‍ പുറത്തുവന്നിട്ടുള്ള ചിത്രങ്ങളുടെ അടിസ്ഥാനത്തില്‍ മുന്‍ മോഡലുകളെക്കാള്‍ സ്‌റ്റൈലിഷായാണ് പുതിയ വാഗണ്‍ആറിന്റെ വരവ്.

നിരത്തിലെത്താന്‍ ദിവസങ്ങള്‍ മാത്രം ബാക്കിനില്‍ക്കെ മാരുതിയുടെ പുതുതലമുറ വാഗണ്‍ആറിന്റെ ചിത്രങ്ങള്‍ പുറത്തായി. മൂടിക്കെട്ടലുകള്‍ ഇല്ലാതെ പരീക്ഷണയോട്ടം നടത്തുന്നതിന്റെ ചിത്രങ്ങളാണ് ഓണ്‍ലൈന്‍ മാധ്യമങ്ങളിലൂടെ പ്രചരിക്കുന്നത്. 2019 ജനവരിയിലാണ് പുതിയ വാഗണ്‍ആര്‍ എത്തുന്നത്.

ഇപ്പോള്‍ പുറത്തുവന്നിട്ടുള്ള ചിത്രങ്ങളുടെ അടിസ്ഥാനത്തില്‍ മുന്‍ മോഡലുകളെക്കാള്‍ സ്‌റ്റൈലിഷായാണ് പുതിയ വാഗണ്‍ആറിന്റെ വരവ്. പൂര്‍ണമായും പുതിയ ഡിസൈനിലുള്ള ക്രോമിയും ലൈനുകള്‍ നല്‍കിയിട്ടുള്ള ഗ്രില്ലും പുത്തന്‍ ഹെഡ്‌ലൈറ്റും വലിയ ബമ്പറുമാണ് മുന്‍വശത്തിന്റെ മുഖ്യ ആകര്‍ഷണം.

പിന്‍ഭാഗത്തും പ്രകടമായ മാറ്റങ്ങളാണ് ഒരുക്കിയിട്ടുള്ളത്. റൂഫ് വരെ നീളുന്ന ടെയ്ല്‍ലാമ്പും ഹാച്ച്‌ഡോറില്‍ വീതിയുള്ള ക്രോമിയം സ്ട്രിപ്പും റിഫ്‌ളക്ടര്‍ നല്‍കിയിട്ടുള്ള ഉയര്‍ന്ന ബമ്പറുമാണ് പിന്നിലെ പുതുമ. ബ്ലാക്ക് ഫിനീഷിങ്ങില്‍ നല്‍കിയിട്ടുള്ള സി-പില്ലറും ഏറെ ആകര്‍ഷകമാണ്.

ടോള്‍-ബോയി ബോഡിയില്‍ ബോക്‌സ് ടൈപ്പ് ഡിസൈനിലാണ് പുതിയ വാഗണ്‍ ആര്‍ എത്തുന്നത്. എക്സ്റ്റീരിയറിലെ മാറ്റങ്ങള്‍ക്കൊപ്പം ഇന്റീരിയറിലെ സൗകര്യങ്ങളും മെച്ചപ്പെടുത്തിയിട്ടുണ്ട്. ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ സംവിധാനങ്ങളുള്ള ഏഴ് ഇഞ്ച് ഇന്‍ഫോടെയ്ന്‍മെന്റ് സിസ്റ്റമാണ് ഇതില്‍ പ്രധാനം.

മുമ്പ് വാഗണ്‍ആറിന് കരുത്ത് പകര്‍ന്നിരുന്ന 67 ബിഎച്ച്പി പവറും 90 എന്‍എം ടോര്‍ക്കുമേകുന്ന 1.0 ലിറ്റര്‍ മൂന്ന് സിലിണ്ടര്‍ പെട്രോള്‍ എന്‍ജിനൊപ്പം 1.2 ലിറ്റര്‍ എന്‍ജിനിലും ഇത്തവണ വാഗണ്‍ആര്‍ എത്തുന്നുണ്ട്. LXi, VXi വേരിയന്റുകള്‍ക്ക് പുറമെ, മുന്നാമതായി ZXi വേരിയന്റും ഒരുങ്ങും.

Content Highlights: 2019 Maruti Wagon R's exterior leaked ahead of launch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
arya rajendran

2 min

'കാലില്‍ നീര്, എത്ര വേദന മുഖ്യമന്ത്രി സഹിക്കുന്നുണ്ടാകും'; സുധാകരന് ആര്യാ രാജേന്ദ്രന്റെ മറുപടി

May 18, 2022


D Imman

1 min

കുറച്ചുവർഷങ്ങളായി അനുഭവിച്ച വെല്ലുവിളികൾക്കുള്ള പരിഹാരം; പുനർവിവാഹത്തേക്കുറിച്ച് ഡി.ഇമ്മൻ

May 18, 2022


07:00

ജയിലില്‍ 'അറിവി'ന്റെ 31 വര്‍ഷങ്ങള്‍; പേരറിവാളന്റെ കഥ

May 19, 2022

More from this section




Most Commented