കോവിഡ് പ്രതിരോധനത്തില്‍ പങ്കാളികളായി റോയല്‍ എന്‍ഫീല്‍ഡ്; തമിഴ്‌നാടിന് രണ്ട് കോടി നല്‍കി


റോയല്‍ എന്‍ഫീല്‍ഡിന്റെ മൂന്ന് പ്ലാന്റുകള്‍ സ്ഥിതി ചെയ്യുന്ന സംസ്ഥാനമാണ് തമിഴ്‌നാട്.

റോയൽ എൻഫീൽഡ് മീറ്റിയോർ 350 | Photo: Royal Enfield India

കോവിഡ് മഹാമാരി രാജ്യത്തുണ്ടാക്കിയിട്ടുള്ള പ്രതിസന്ധികളെ മറികടക്കാന്‍ ഇന്ത്യയിലെ വാഹന നിര്‍മാതാക്കള്‍ വലിയ പിന്തുണയാണ് പ്രഖ്യാപിച്ചിട്ടുള്ളത്. വാഹന നിര്‍മാതാക്കളുടെ ഈ ഉദ്യമത്തിന് പിന്തുണയുമായി എത്തിയിരിക്കുകയാണ് ഇന്ത്യയിലെ മുന്‍നിര ഇരുചക്ര വാഹന നിര്‍മാതാക്കളായ റോയല്‍ എന്‍ഫീല്‍ഡ്. കോവിഡ് പ്രതിരോധത്തിനായി രണ്ട് കോടി രൂപയുടെ ധനസഹായമാണ് ഇവര്‍ പ്രഖ്യാപിച്ചിട്ടുള്ളത്.

തമിഴ്‌നാട് സര്‍ക്കാരിന്റെ ദുരിതാശ്വാസ നിധിയിലേക്കാണ് റോയല്‍ എന്‍ഫീല്‍ഡ് രണ്ട് കോടി രൂപ ധനസഹായം നല്‍കുന്നത്. റോയല്‍ എന്‍ഫീല്‍ഡിന്റെ മൂന്ന് പ്ലാന്റുകള്‍ സ്ഥിതി ചെയ്യുന്ന സംസ്ഥാനമാണ് തമിഴ്‌നാട്. സംസ്ഥാനത്ത് കോവിഡ് പ്രതിസന്ധികള്‍ രൂക്ഷമായിരിക്കുന്ന പശ്ചാത്തലത്തിലാണ് സര്‍ക്കാരിന്റെ പ്രതിരോധ പ്രവര്‍ത്തനങ്ങള്‍ കരുത്തേകാന്‍ റോയല്‍ എന്‍ഫീല്‍ഡ് മുന്നിട്ടിറങ്ങിയിരിക്കുന്നത്.

തമിഴ്‌നാടിനെ സ്വന്തം കുടുംബമായാണ് റോയല്‍ എന്‍ഫീല്‍ഡ് കണക്കാക്കുന്നത്. അതുകൊണ്ട് തന്നെ ഈ പ്രതിസന്ധി ഘട്ടത്തില്‍ സഹായിക്കേണ്ടത് ഞങ്ങളുടെ ഉത്തരവാദിത്വമായാണ് കാണുന്നത്. സംസ്ഥാനത്തെ സ്ഥിതിഗതികള്‍ വിലയിരുത്തിയ ശേഷം കൂടുതല്‍ സഹായമെത്തിക്കാനും റോയല്‍ എന്‍ഫീല്‍ഡ് പദ്ധതികള്‍ തയാറാക്കുന്നുണ്ടെന്ന് കമ്പനി മേധാവി അറിയിച്ചു.

കോവിഡ് പ്രതിസന്ധി മറികടക്കുന്നതിനായി ഇന്ത്യയിലെ മറ്റ് വാഹന നിര്‍മാതാക്കളും സഹായം പ്രഖ്യാപിച്ചിട്ടുണ്ട്. ഇന്ത്യയിലെ ഏറ്റവും വലിയ രണ്ടാമത്തെ വാഹന നിര്‍മാതാക്കളായ ഹ്യുണ്ടായി തമിഴ്‌നാട് സര്‍ക്കാരിന് അഞ്ച് കോടി രൂപയുടെ ധനസഹായം നല്‍കിയിരുന്നു. രാജ്യത്തിന്റെ വിവിധ സംസ്ഥാനങ്ങള്‍ക്കായി എം.ജി. മോട്ടോഴ്‌സ്, മഹീന്ദ്ര, ഹീറോ തുടങ്ങിയ കമ്പനികളും പ്രതിരോധ പ്രവര്‍ത്തനങ്ങളില്‍ പങ്കാളിയാകുന്നുണ്ട്.

Content Highlights: Royal Enfield Donates 2 Crore Rupees To Tamilnadu Covid Relief Fund


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

22:40

എന്റെ റൂംമേറ്റാണ് ഐഎഎസും ഐപിഎസും എന്താണെന്നെന്നെ പഠിപ്പിച്ചത് - കളക്ടർ കൃഷ്ണ തേജ | Interview Part 1

Sep 28, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented