ഏറ്റവും ഉയര്‍ന്ന റേഞ്ച്, ഊരി മാറ്റാവുന്ന ബാറ്ററി; 'ഒല' ഇലക്ട്രിക് സ്‌കൂട്ടര്‍ അല്‍പ്പം സ്‌പെഷലാണ്


അടുത്ത മാസം ഇലക്ട്രിക് സ്‌കൂട്ടറുകള്‍ക്കായുള്ള പ്രീ ബുക്കിങ് ആരംഭിക്കുമെന്നാണ് സൂചന.

ഒല ഇലക്ട്രിക് സ്‌കൂട്ടർ | Photo: Ola Electric

ബെംഗളൂരു ആസ്ഥാനമായുള്ള ഓണ്‍ലൈന്‍ ടാക്‌സി സേവന കമ്പനിയായ 'ഒല കാബ്സി'ന്റെ കീഴില്‍ ആരംഭിക്കുന്ന 'ഒല ഇലക്ട്രിക് ' ഉടന്‍ ഉത്പാദനം ആരംഭിക്കും. ഇലക്ട്രിക് സ്‌കൂട്ടറുകള്‍ ഉത്പാദിപ്പിച്ചുകൊണ്ടാണ് കമ്പനി വൈദ്യുത വാഹന രംഗത്തേക്ക് ചുവടുവയ്ക്കുന്നത്. തമിഴ്നാട്ടില്‍ 2,400 കോടി രൂപ മുതല്‍മുടക്കില്‍ തുടങ്ങുന്ന ഈ പദ്ധതി 10,000 പേര്‍ക്ക് തൊഴിലവസരമൊരുക്കും.

അടുത്ത മാസം ഇലക്ട്രിക് സ്‌കൂട്ടറുകള്‍ക്കായുള്ള പ്രീ ബുക്കിങ് ആരംഭിക്കുമെന്നാണ് സൂചന. ഒരു ലക്ഷത്തിനും ഒന്നര ലക്ഷത്തിനുമിടയിലാകും വില. ഒലയുടെ മേധാവി ഭാവിഷ് അഗര്‍വാള്‍ ബെംഗളൂരു നഗരത്തിലൂടെ സ്‌കൂട്ടറോടിക്കുന്ന വീഡിയോ സാമൂഹിക മാധ്യമങ്ങളില്‍ പ്രസിദ്ധീകരിച്ചിരുന്നു. ഇതിനൊപ്പം ഈ സ്‌കൂട്ടറിന്റെ ഏതാനും ഫീച്ചറുകളും പുറത്തുവന്നിട്ടുണ്ട്.

ഇന്ത്യയിലെ ഇലക്ട്രിക് സ്‌കൂട്ടറുകളില്‍ ഏറ്റവും ഉയര്‍ന്ന റേഞ്ച് നല്‍കിയായിരിക്കും ഒലയുടെ ഇലക്ട്രിക് മോഡല്‍ വിപണിയില്‍ എത്തുകയെന്നാണ് കമ്പനി മേധാവി ഉറപ്പുനല്‍കുന്നത്. ആപ്പ് ഉപയോഗിച്ച് പ്രവര്‍ത്തിപ്പിക്കാന്‍ സാധിക്കുന്ന സ്റ്റോറേജ് സ്‌പേസ് ഇതില്‍ നല്‍കും. ഊരി മാറ്റാന്‍ സാധിക്കുന്ന ലിഥിയം അയേണ്‍ ബാറ്ററി, ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, ക്ലൗഡ് കണക്ടിവിറ്റി തുടങ്ങിയവ ഈ ഇ-സ്‌കൂട്ടറില്‍ ഉണ്ടാകും.

Ola Electric

ഒലയുടെ ഇലക്ട്രിക് സ്‌കൂട്ടറിന്റെ ഡിസൈന്‍ സംബന്ധിച്ച വിവരങ്ങള്‍ മുമ്പേ പുറത്തുവന്നിരുന്നു. മാറ്റ് ബ്ലാക്ക് നിറത്തിലാണ് സ്‌കൂട്ടര്‍ വിപണിയില്‍ എത്തുന്നതെന്നാണ് സൂചന. എല്‍.ഇ.ഡി. ഹെഡ്‌ലാമ്പ്, അലോയി വീലുകള്‍, നേര്‍ത്ത ഇന്റിക്കേറ്റര്‍ ലൈറ്റ്, പുതിയ ഡിസൈനില്‍ ഒരുങ്ങിയിട്ടുള്ള ഗ്രാബ് റെയില്‍, എല്‍.ഇ.ഡി. ടെയ്ല്‍ലാമ്പ് തുടങ്ങിയവയാണ് ഈ ഇലക്ട്രിക് ബൈക്കിനെ കാഴ്ചയില്‍ സ്റ്റൈലിഷാക്കുന്നത്.

2400 കോടി രൂപ മുതല്‍മുടക്കിലാണ് ഒലയുടെ ഇലക്ട്രിക് വാഹന നിര്‍മാണ പ്ലാന്റ് ഒരുങ്ങുന്നത്. പ്രതിവര്‍ഷം ഒരു കോടി വാഹനങ്ങള്‍ നിര്‍മിക്കാന്‍ ശേഷിയുള്ളതായിരിക്കും ഈ പ്ലാന്റ്. 2000-ത്തോളം ആളുകള്‍ക്കാണ് ആദ്യ ഘട്ടത്തില്‍ ഈ പ്ലാന്റില്‍ തൊഴിലവസരങ്ങള്‍ ഒരുങ്ങുന്നത്. രാജ്യത്ത് ഇന്നുള്ള ഏറ്റവും മികച്ച ഗ്രീന്‍ ഫാക്ടറിയായാണ് ഒലയുടെ നിര്‍മാണ യൂണിറ്റ് ആരംഭിക്കുന്നതെന്നുമാണ് വിവരം.

Content Highlights: Ola Electric Scooter To Launch Soon, Ola First Electric Scooter

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented