അമേരിക്കയിലെ ലോസ് ആഞ്ജലീസിൽ നടന്ന ഓട്ടോ ഷോയില്‍ സ്റ്റാര്‍ട്ട് അപ്പ് കമ്പനിയായ ഡൈവേര്‍ജെന്റ് അവതരിപ്പിച്ച ബൈക്കിന് ഒരു പ്രത്യേകതയുണ്ടായിരുന്നു. പക്ഷേ, അത് മറ്റു വാഹനങ്ങളെപ്പോലെ കാഴ്ചയില്‍ മാത്രമായിരുന്നില്ല. ത്രി ഡി പ്രിന്റ് ചെയ്ത ഷാസി കൊണ്ട് ഉണ്ടാക്കിയ ബൈക്ക് എന്നതായിരുന്നു ആ പ്രത്യേകത.
പ്രമുഖ ജാപ്പനീസ് ബൈക്ക് നിര്‍മാതാക്കളായ കവാസാക്കിയുടെ നിന്‍ജ എച്ച് 2 സ്‌പോര്‍ട്‌സ് ബൈക്കാണ് ഡൈവേര്‍ജെന്റ് അണിയറ പ്രവര്‍ത്തകര്‍ ത്രീ ഡി പ്രിന്റ് ചെയ്തത്. 215 കിലോ ഗ്രാം യഥാര്‍ത്ഥത്തില്‍ ഭാരം വരുന്ന ബൈക്കിന്റെ ത്രീ ഡി വേര്‍ഷന് ഭാരം നേര്‍ പകുതിയാണ്. ത്രീ ഡി പ്രിന്റഡ് ഷാസി മറ്റുള്ളവയേക്കാള്‍ കൂടുതല്‍ കാര്യക്ഷമതയും ഉറപ്പു നല്‍കുമെന്നാണ് കമ്പനി അവകാശപ്പെടുന്നത്.
എങ്കിലും ബൈക്കിന്റെ എല്ലാ ഭാഗങ്ങളും ത്രീ ഡി പ്രിന്റ് ചെയ്തതല്ല. കഴിഞ്ഞ വര്‍ഷം ഡൈവേര്‍ജെന്റ് ബ്ലേഡ് എന്ന പേരില്‍ ത്രീ ഡി പ്രിന്റഡ് കാര്‍ നിര്‍മിച്ചിരുന്നു. ബൈക്ക് മുതല്‍ ട്രക്ക് വരെയുള്ള വാഹനങ്ങളുടെ ഷാസി ത്രീ ഡിയില്‍ പ്രിന്റ് ചെയ്യാന്‍ സാധിക്കുമെന്ന് ഡൈവേര്‍ജെന്റ് സിഇഒ കെവിന്‍ സിഞ്ജര്‍ പറഞ്ഞു.
RELATED STORIES
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=80131df&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..