ലുക്ക് ക്ലിക്കായി; നാല് ദിവസത്തില്‍ കബീറ ഇലക്ട്രിക് ബൈക്കുകള്‍ വിറ്റു തീര്‍ന്നു


ഗോവ ആസ്ഥാനമായി പ്രവര്‍ത്തിക്കുന്ന ഇലക്ട്രിക് വാഹന നിര്‍മാതാക്കളാണ് കബീറ മൊബിലിറ്റി.

കബീറ ഇലക്ട്രിക് ബൈക്കുകൾ | Photo: Kabira Mobility

സ്‌പോര്‍ട്‌സ് ബൈക്കുകളെ വെല്ലുന്ന ലുക്കില്‍ കഴിഞ്ഞ ദിവസമാണ് കബീറയുടെ ഇലക്ട്രിക് ബൈക്കുകളായ കെ.എം.3000, കെ.എം.4000 മോഡലുകള്‍ വിപണിയില്‍ അവതരിപ്പിച്ചത്. മികച്ച പെര്‍ഫോമെന്‍സും കാര്യക്ഷമമായ റേഞ്ചും ഉറപ്പ് നല്‍കി എത്തിയ ഈ ബൈക്കിന്റെ ആദ്യ ബാച്ച് അവതരിപ്പിച്ച് നാല് ദിവസത്തിനുള്ളില്‍ വിറ്റഴിച്ചതായി കബീറ അറിയിച്ചു. ഇരു ബൈക്കുകളുടേതുമായി 5000 യൂണിറ്റാണ് ആദ്യ ബാച്ചില്‍ എത്തിയിരുന്നത്.

ഗോവ ആസ്ഥാനമായി പ്രവര്‍ത്തിക്കുന്ന ഇലക്ട്രിക് വാഹന നിര്‍മാതാക്കളാണ് കബീറ മൊബിലിറ്റി. മുമ്പ് ഇലക്ട്രിക് സ്‌കൂട്ടറുകള്‍ വിപണിയില്‍ എത്തിച്ചിട്ടുള്ള ഈ വാഹന നിര്‍മാതാക്കള്‍ കഴിഞ്ഞ ദിവസമാണ് ഹൈ സ്പീഡ് ഇലക്ട്രിക് ബൈക്കുകള്‍ അവതരിപ്പിച്ചത്. കെ.എം.3000, കെ.എം.4000 എന്നീ പേരുകളില്‍ എത്തിയ ഈ ബൈക്കുകള്‍ക്ക് യഥാക്രമം 1.26 ലക്ഷം രൂപയും 1.36 ലക്ഷം രൂപയുമാണ് ഇന്ത്യയിലെ എക്‌സ്‌ഷോറൂം വില.

കെ.എം.3000 മോഡലാണ് ഈ നിരയിലെ അടിസ്ഥാന പതിപ്പ്. നാല് കിലോ വാട്ട് ബാറ്ററി പാക്കും ആറ് കിലോ വാട്ട് ബ്രഷ്ലെസ് ഡി.സി. ഇലക്ട്രിക്ക് മോട്ടോറുമാണ് (ബി.എല്‍.ഡി.സി) ഈ വാഹനത്തിലാണ് പ്രവര്‍ത്തിക്കുന്നത്. ഇക്കോ, സ്പോര്‍ട്സ് എന്നീ മോഡുകളാണ് ഇതിലുള്ളത്. ഇക്കോ മോഡില്‍ 120 കിലോ മീറ്റര്‍ റേഞ്ചാണ് ഈ വാഹനം ഒരുക്കുന്നത്. അതേസമയം, സ്പോര്‍ട്സ് മോഡല്‍ 100 കിലോ മീറ്റര്‍ വേഗതയ്ക്കൊപ്പം 60 കിലോ മീറ്റര്‍ റേഞ്ചും ഉറപ്പുനല്‍കുന്നുണ്ട്.

കബീറ കെ.എം.4000 ആണ് ഉയര്‍ന്ന വകഭേദം. 4.4 കിലോ വാട്ട് ബാറ്ററിയും എട്ട് കിലോ വാട്ട് മോട്ടോറുമാണ് ഈ ബൈക്കില്‍ പ്രവര്‍ത്തിക്കുന്നത്. ഇക്കോ മോഡില്‍ 150 കിലോ മീറ്റര്‍ റേഞ്ചാണ് കെ.എം.4000 നല്‍കുന്നത്. സ്പോര്‍ട്സ് മോഡില്‍ 120 കിലോ മീറ്റര്‍ വേഗതയ്ക്കൊപ്പം 90 കിലോ മീറ്റര്‍ റേഞ്ചുമാണ് ഉറപ്പുനല്‍കുന്നത്. കെ.എം.3000-ന് 3.3 സെക്കന്റിലും കെ.എം.4000 3.1 സെക്കന്റിലും 40 കിലോ മീറ്റര്‍ വേഗത കൈവിക്കുമെന്നാണ് നിര്‍മാതാക്കള്‍ അവകാശപ്പെടുന്നത്.

കെ.എം.3000-ന് 2100 എം.എം. നീളവും 760 എം.എം. വീതിയും 1200 എം.എം. ഉയരവുമാണുള്ളത്. 1430 എം.എം. വീല്‍ബേസും 179 എം.എം. ഗ്രൗണ്ട് ക്ലിയറന്‍സും 830 എം.എം. സീറ്റ് ഹൈറ്റുമാണ് ഈ ബൈക്കിനുള്ളത്. 138 കിലോയാണ് കെ.എം.3000-ന്റെ ആകെ ഭാരം. അതേസമയം, 2050 എം.എം. നീളവും 740 എം.എം. വീതിയും 1280 എം.എം. ഉയരവുമാണ് കെ.എം.4000-ന്റെ അളവുകള്‍. 1280 എം.എം.വീല്‍ബേസും 200 എം.എം. വീല്‍ബേസും ഇതില്‍ ഒരുക്കിയിട്ടുണ്ട്. 147 കിലോയാണ് ഭാരം.

Source: India Car News

Content Highlights; Kabira Electric Bike First Batch Sold Out In Four Days


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented