ഇരുചക്ര വാഹനങ്ങളിലും എയര്‍ബാഗിന്റെ സുരക്ഷ; പുതിയ സംവിധാനം ഒരുക്കാന്‍ ഹോണ്ട


ഇരുചക്ര വാഹനങ്ങളില്‍ നല്‍കുന്ന മൂന്ന് എയര്‍ബാഗ് ഡിസൈന്‍ ഉള്‍പ്പെടെയാണ് ഹോണ്ട പേറ്റന്റ് അപേക്ഷ നല്‍കിയിട്ടുള്ളത്.

എയർബാഗ് പേറ്റന്റ് ചിത്രം | Photo: Car and Bike

കാറുകളിലും മറ്റും സുരക്ഷയൊരുക്കുന്നതില്‍ എയര്‍ ബാഗ് വഹിക്കുന്ന പങ്ക് വളരെ വലുതാണ്. ഇത് കണക്കിലെടുത്ത് കാറുകളില്‍ അടുത്തിടെ എയര്‍ ബാഗ് നിര്‍ബന്ധമാക്കിയിരിന്നു. എന്നാല്‍, ഈ സംവിധാനം ഇരുചക്ര വാഹനങ്ങളില്‍ നല്‍കിയാലോ..? മോട്ടോര്‍ സൈക്കിളുകളില്‍ എയര്‍ ബാഗ് നല്‍കുന്നതിനുള്ള നീക്കത്തിലാണ് ജാപ്പനീസ് വാഹന നിര്‍മാതാക്കളായ ഹോണ്ട. ഇതിന്റെ ആദ്യ ചുവടുവയ്പ്പായി ഇരുചക്ര വാഹനങ്ങളിലെ എയര്‍ ബാഗ് സംവിധാനത്തിനായി ഹോണ്ട പേറ്റന്റ് സമര്‍പ്പിച്ചു.

ഇരുചക്ര വാഹനങ്ങളില്‍ നല്‍കുന്ന മൂന്ന് എയര്‍ ബാഗ് ഡിസൈന്‍ ഉള്‍പ്പെടെയാണ് ഹോണ്ട പേറ്റന്റ് അപേക്ഷ നല്‍കിയിട്ടുള്ളത്. ഹോണ്ടയുടെ കൂടുതല്‍ മോഡലുകളില്‍ ഈ സുരക്ഷ സംവിധാനം ഒരുക്കുന്നതിനായി ഇത്രയും ഡിസൈനുകള്‍ നല്‍കിയിട്ടുള്ളതെന്നാണ് സൂചന. ഇരുചക്ര വാഹനാപകടങ്ങളില്‍ 68 ശതമാനവും മുന്നില്‍നിന്ന് നേരിട്ടുള്ള ഇടിയിലൂടെയാണെന്നാണ് ഹോണ്ടയുടെ വിലയിരുത്തല്‍. അതുകൊണ്ട് തന്നെ വാഹനത്തിന്റെ മുന്‍ഭാഗത്താണ് എയര്‍ ബാഗ് നല്‍കാന്‍ ഉദേശിക്കുന്നത്.

റൈഡറിനുണ്ടാകുന്ന ചലനമാണ് ഇരുചക്ര വാഹനങ്ങളില്‍ എയര്‍ ബാഗ് നല്‍കുന്നതിലെ പ്രധാന വെല്ലുവിളി. കാര്‍ പോലുള്ള വാഹനങ്ങളില്‍ സീറ്റിലിരിക്കുന്നയാള്‍ക്ക് കാര്യമായ ചലനം സംഭവിക്കുന്നില്ല. സ്‌കൂട്ടറും മോട്ടോര്‍ സൈക്കിളുമായി താരതമ്യം ചെയ്യുമ്പോള്‍ സ്‌കൂട്ടര്‍ ഒടിക്കുന്ന ആളിനാണ് ചലനം കുറവ് അനുഭവപ്പെടുന്നത്. അതുകൊണ്ട് തന്നെ സ്‌കൂട്ടറുകളിലായിരിക്കും എയര്‍ ബാഗ് ഒരുക്കുകയെന്നാണ് പേറ്റന്റ് ചിത്രങ്ങള്‍ നല്‍കുന്ന സൂചനകള്‍.

ഹോണ്ടയുടെ PCX-ടൈപ്പ് സ്‌കൂട്ടറുകളാണ് പേറ്റന്റ് ചിത്രത്തില്‍ നല്‍കിയിട്ടുള്ളത്. കര്‍ട്ടണ്‍ എയര്‍ ബാഗുകളാണ് ഇതില്‍ ഒരുക്കുക. ഇതിനുപുറമെ, ഇരുചക്ര വാഹനങ്ങളില്‍ നല്‍കുന്നതിനുള്ള നിരവധി എയര്‍ ബാഗ് ഓപ്ഷനുകള്‍ ഹോണ്ടയുടെ റിസര്‍ച്ച് ആന്‍ഡ് ഡെവലപ്പ്‌മെന്റ് വിഭാഗം ഒരുക്കുന്നുണ്ടെന്നാണ് റിപ്പോര്‍ട്ട്. എന്നാല്‍ ഹോണ്ടയുടെ ഈ പദ്ധതി എപ്പോള്‍ യാഥാര്‍ഥ്യമാകുമെന്നതില്‍ വ്യക്തതയില്ല. അവസാന ഡിസൈനിനായി ഇനിയും കാത്തിരിക്കേണ്ടി വരുമെന്നാണ് റിപ്പോര്‍ട്ട്.

എന്നാല്‍, ഹോണ്ടയുടെ ആഡംബര ക്രൂയിസര്‍ ബൈക്കായ ഗോള്‍ഡ് വിങ്ങില്‍ എയര്‍ ബാഗ് നല്‍കിയാണ് എത്തുന്നത്. കാറിലേത് പോലെയുള്ള സീറ്റുകള്‍ നല്‍കിയിട്ടുള്ളത് കൊണ്ട് ഡ്രൈവറിന്റെ ചലനം കുറവാണെന്നതാണ് ഈ ബൈക്കിന്റെ പ്രത്യേകത. ബലൂണ്‍ എയര്‍ ബാഗാണ് ഗോള്‍ഡ് വിങ്ങില്‍ നല്‍കിയിട്ടുള്ളത്. 15 വര്‍ഷം മുമ്പുതന്നെ ഈ ആഡംബര ബൈക്കുകളില്‍ എയര്‍ ബാഗ് നല്‍കിയിരുന്നതായാണ് സൂചന. അടുത്തിടെ അവതരിപ്പിച്ച പുതിയ പതിപ്പിലും എയര്‍ ബാഗ് ഹൈലൈറ്റാണ്.

Source: Car and Bike

Content Highlights: Honda Planning To Give Airbag In Motorcycles


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented