കരുത്ത് ഉയര്‍ത്തി, യാത്രാസുഖം കൂടുതല്‍ മെച്ചപ്പെടുത്തി ഹീറോ എക്‌സ്പള്‍സ് 200 4വി അവതരിപ്പിച്ചു


ഹോണ്ട അടുത്തിടെ വിപണിയില്‍ എത്തിച്ചിട്ടുള്ള സി.ബി. 200X എന്ന വാഹനവുമായി നേരിട്ടുള്ള മത്സരത്തിനാണ് എക്‌സ്പള്‍സ് 200 4V എത്തിയിട്ടുള്ളത്.

ഹീറോ എക്‌സ്പൾസ് 200 4V | Photo: Hero Motocrop

ഹീറോയില്‍ നിന്ന് അടുത്ത കാലത്ത് നിരത്തുകളില്‍ എത്തിയതില്‍ ഏറ്റവും ജനപ്രീതി സ്വന്തമാക്കിയ മോഡലാണ് അഡ്വഞ്ചര്‍ ബൈക്ക് ശ്രേണിയില്‍ എത്തിയിട്ടുള്ള എക്‌സ്പള്‍സ് 200. റോഡുകളിലും ഓഫ് റോഡുകളിലും കുതിച്ച് പായാന്‍ ശേഷിയുള്ള ഈ വാഹനത്തിന്റെ പുതിയ ഒരു പതിപ്പ് കൂടി ഉത്സവ സീസണിന് മുന്നോടിയായി ഹീറോ വിപണിയില്‍ എത്തിച്ചിരിക്കുകയാണ്. ഫോര്‍ വാല്‍വ് എന്‍ജിനുമായെത്തിയ എക്‌സ്പള്‍സ് 200 4V-യാണ് ഹീറോയുടെ ഉത്സവ സമ്മാനം.

ഹോണ്ട അടുത്തിടെ വിപണിയില്‍ എത്തിച്ചിട്ടുള്ള സി.ബി. 200X എന്ന വാഹനവുമായി നേരിട്ടുള്ള മത്സരത്തിനാണ് എക്‌സ്പള്‍സ് 200 4V എത്തിയിട്ടുള്ളത്. 1.28 ലക്ഷം രൂപയാണ് ഈ വാഹനത്തിന്റെ എക്‌സ്‌ഷോറും വില. ഓണ്‍-റോഡ്, ഓഫ്-റോഡ് കാര്യക്ഷമത, മികച്ച സാങ്കേതികവിദ്യ, പുതുമയുള്ള സ്റ്റൈലിങ്ങ് തുടങ്ങിയവയാണ് എക്‌സ്പള്‍സ് ഫോര്‍ വാല്‍വ് മോഡലിന്റെ പ്രധാന കൈമുതലെന്നാണ് നിര്‍മാതാക്കളായ ഹീറോ മോട്ടോകോര്‍പ്പ് അവകാശപ്പെടുന്നത്.

Hero XPulse

കൂടുതല്‍ മെച്ചപ്പെട്ട ഡ്രൈവിങ്ങ് അനുഭവം ഉറപ്പാക്കുന്നതിനായി കൂടുതല്‍ കരുത്താര്‍ജിച്ചാണ് പുതിയ മോഡല്‍ എത്തിയിട്ടുള്ളത്. റെഗുലര്‍ മോഡലിനെക്കാള്‍ ആറ് ശതമാനം അധിക പവറും അഞ്ച് ശതമാനം അധിക ടോര്‍ക്കുമാണ് ഈ വാഹനത്തില്‍ നല്‍കിയിട്ടുള്ളത്. 19.1 പി.എസ്. പവറും 17.35 എന്‍.എം. ടോര്‍ക്കുമേകുന്ന 200 സി.സി. ശേഷിയുള്ള നാല് വാല്‍വ് ഓയില്‍ കൂള്‍ഡ് എന്‍ജിനാണ് ഹീറോ എക്‌സ്പള്‍സ് 4V-മോഡലിന് കുതിപ്പേകുന്നത്.

മികച്ച സീറ്റ് പ്രൊഫൈല്‍, പുതിയ ഡിസൈനിലുള്ള എല്‍.ഇ.ഡി. ഹെഡ്‌ലാമ്പ്, മെറ്റാലിക് ഫിനീഷിങ്ങിലുള്ള എന്‍ജിന്‍ തുടങ്ങിയവയാണ് ലുക്കില്‍ റെഗുലര്‍ മോഡലില്‍ നിന്ന് പുതിയ മോഡലിനെ വേറിട്ടതാക്കുന്നത്. ഫ്യുവല്‍ ടാങ്ക്, നക്കിള്‍ ഗാര്‍ഡ്, ഉയര്‍ന്ന് നില്‍ക്കുന്ന ഫ്രെണ്ട് ഫെന്‍ഡര്‍, എന്‍ജിന്‍ ഗാര്‍ഡ്, അത്യാവശ്യ വലിപ്പം നല്‍കിയിട്ടുള്ള വിന്‍ഡ് സ്‌ക്രീന്‍, ഉയര്‍ന്ന് നില്‍ക്കുന്ന എക്‌സ്‌ഹോസ്റ്റ് പൈപ്പ് എന്നിവ എക്‌സ്പള്‍സ് 200-ല്‍ നിന്ന് കടംകൊണ്ടവയാണ്.

Hero XPulse

ട്യൂബുലാര്‍ ഡയമണ്ട് ഫ്രെയിമിലാണ് ഈ ബൈക്ക് ഒരുങ്ങിയിരിക്കുന്നത്. മുന്നില്‍ ടെലിസ്‌കോപിക് ഫോര്‍ക്കും പിന്നില്‍ മോണോകോക്ക് സസ്‌പെന്‍ഷനുമാണ് ഈ ബൈക്കിലെ യാത്രകള്‍ സുഖകരമാക്കുന്നത്. സിംഗിള്‍ ചാനല്‍ എ.ബി.എസിനൊപ്പം മുന്നില്‍ 276 എം.എമ്മും പിന്നില്‍ 220 എം.എമ്മും വലിപ്പമുള്ള ഡിസ്‌ക് ബ്രേക്കാണ് ഈ ബൈക്കില്‍ സുരക്ഷ ഒരുക്കുന്നത്. സ്മാര്‍ട്ട് ഫോണ്‍ കണക്ടവിറ്റി, എല്‍.ഇ.ഡി. ഇന്‍സ്ട്രുമെന്റ് ക്ലെസ്റ്റര്‍ എന്നിവ റെഗുലര്‍ മോഡലിലേതിന് സമാനമാണ്.

Content Highlights: Hero Xpulse 200 4V Launched In India, Hero Motocrop

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented