' ഒറ്റയാൾ സീറ്റ്'; ഇന്ത്യയുടെ സ്വന്തം ഇലക്ട്രിക് സ്‌കൂട്ടര്‍ മിസോ അവതരിപ്പിച്ചു


ഒറ്റത്തവണ ചാര്‍ജ് ചെയ്താല്‍ 75 കിലോമീറ്റര്‍ സഞ്ചരിക്കാന്‍ സാധിക്കുന്ന ഈ വാഹനം രണ്ട് മണിക്കൂറില്‍ 90 ശതമാനം ചാര്‍ജ് ചെയ്യാന്‍ കഴിയും.

-

കോവിഡ് കാലത്തെ യാത്രകൾക്കായി ഇന്ത്യയിലെ ആദ്യ 'സോഷ്യൽ ഡിസ്റ്റെൻസിങ്ങ്' ഇലക്ട്രിക് സ്കൂട്ടർ മിസോ അവതരിപ്പിച്ചു. പൂർണ ഇന്ത്യൻ നിർമിത വാഹനം എന്ന ഖ്യാതിയിലെത്തുന്ന മിസോ, ഗോറിൻ ഇ-മൊബിലിറ്റി, ഒപായി ഇലക്ട്രിക് എന്നീ കമ്പനികളുടെ സംയുക്ത സ്ഥാപനമായ ജെമോപായ് ആണ് നിർമിച്ചിരിക്കുന്നത്.

ഒരാൾക്ക് മാത്രം യാത്ര ചെയ്യാൻ സാധിക്കുന്ന രീതിയിലാണ് മിസോ മിനി ഇലക്ട്രിക് സ്കൂട്ടറിന്റെ രൂപകൽപ്പന. ഒറ്റത്തവ ചാർജ് ചെയ്താൽ 75 കിലോമീറ്റർ സഞ്ചരിക്കാൻ സാധിക്കുന്ന ഈ വാഹനം രണ്ട് മണിക്കൂറിൽ 90 ശതമാനം ചാർജ് ചെയ്യാൻ കഴിയും. 44,000 രൂപയാണ് ഈ ഇലക്ട്രിക് സ്കൂട്ടറിന്റെ എക്സ്ഷോറും വില.

പരമാവധി വേഗം മണിക്കൂറിൽ 25 കിലോമീറ്ററാണ്. അതുകൊണ്ടുതന്നെ ഈ സ്കൂട്ടറിന് രജിസ്ട്രേഷൻ പെർമിറ്റും ഡ്രൈവിങ്ങ് ലൈസൻസും ആവശ്യമില്ലെന്നാണ് നിർമാതാക്കൾ അവകാശപ്പെടുന്നത്. ഈ വാഹനത്തിന് മൂന്ന് വർഷത്തെ സൗജന്യ സർവീസ് വാറണ്ടിയാണ് നിർമാതാക്കളായ ജെമോപായ് ഉറപ്പുനൽകുന്നത്.

ക്യാരിയർ ഉള്ളതും ഇല്ലാത്തതുമായി രണ്ട് വേരിയന്റുകളിലാണ് മിസോ നിരത്തുകളിലെത്തുന്നത്. 120 കിലോഗ്രാമാണ് ഈ വാഹനത്തിലെ ക്യാരിയറിന്റെ ശേഷി. ഹെക്സ ഹെഡ്ലൈറ്റ്, എൽഇഡി ബാറ്ററി ഇന്റിക്കേറ്റർ എന്നിവ ഈ വാഹനത്തിലുണ്ട്. 1KW ലിഥിയം അയേൺ ബാറ്ററിയാണ് ഈ സ്കൂട്ടറിന് കരുത്തേകുന്നത്.

ഫെയറി റെഡ്, ഡീപ്പ് സ്കൈ ബ്ല്യു, ലൂസിയസ് ഗ്രീൻ, സൺസെറ്റ് ഓറഞ്ച് എന്നീ നാല് നിറങ്ങളിലാണ് മിസോ സ്കൂട്ടർ പുറത്തിറങ്ങുന്നത്. വാഹനത്തിന്റെ ലോഞ്ചിനോട് അനുബന്ധിച്ച് 2000 രൂപയുടെ ആനുകൂല്യങ്ങളാണ് നിർമാതാക്കൾ പ്രഖ്യാപിച്ചിരിക്കുന്നത്. അടുത്ത മാസത്തോടെ ഇന്ത്യയിലെ 60 ശതമാനം നഗരങ്ങളിലും ഈ വാഹനം എത്തുമെന്ന് നിർമാതാക്കൾ അറിയിച്ചു.

Content Highlights:Gemopai Launches Indias First Social Distancing Scooter Gemopai Miso

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


Sajjanar

5 min

നായകനില്‍നിന്ന് വില്ലനിലേക്ക്‌; പോലീസ് വാദങ്ങള്‍ ഒന്നൊന്നായി പൊളിഞ്ഞു, വ്യാജ ഏറ്റുമുട്ടല്‍ എന്തിന്?

May 21, 2022


modi

5 min

ലോകത്തെ മുഴുവൻ ഊട്ടുമെന്ന് പ്രഖ്യാപനം,തിരുത്തല്‍; ഗോതമ്പിൽ മോദി ട്രാക്ക് മാറ്റിയതെന്തിന്?

May 20, 2022

More from this section




Most Commented