15വര്‍ഷം കഴിഞ്ഞ ബൈക്കുണ്ടോ..? 15,000 രൂപ മുടക്കിയാല്‍ വൈദ്യുതിയിലേക്ക് മാറ്റാം


ഏഴ് മണിക്കൂര്‍ ചാര്‍ജ് ചെയ്താല്‍ 100 കിലോമീറ്ററോളം സഞ്ചരിക്കാന്‍ പറ്റും.

രൂപമാറ്റം വരുത്തി നിർമിച്ച ഇലക്ട്രിക്ക് ബൈക്കുമായി കുറ്റിപ്പുറം എം.ഇ.എസ്. എൻജി. കോളേജിലെ വിദ്യാർഥികളും അധ്യാപകരും | ഫോട്ടോ: മാതൃഭൂമി

നിങ്ങളുടെ കൈവശം 15 വര്‍ഷം പഴക്കമുള്ള ബൈക്കുണ്ടോ..? ഉണ്ടെങ്കില്‍ കുറഞ്ഞ ചെലവില്‍ നിങ്ങള്‍ക്കതിനെ ഇലക്ട്രിക്ക് ബൈക്ക് ആക്കി മാറ്റാം. കുറ്റിപ്പുറം എം.ഇ.എസ്. എന്‍ജി. കോളേജിലെ മെക്കാനിക്കല്‍ വിദ്യാര്‍ഥികളാണ് പുതിയ ആശയത്തിനു പിന്നില്‍.

15 വര്‍ഷം കഴിഞ്ഞ ബൈക്കുകള്‍ തുടര്‍ന്ന് ഉപയോഗിക്കണമെങ്കില്‍ റീറജിസ്ട്രേഷന്‍ നടത്തേണ്ടതുണ്ട്. കാലപ്പഴക്കത്താല്‍ നശിച്ചുതുടങ്ങിയ ബൈക്കുകള്‍ വീണ്ടും രജിസ്റ്റര്‍ചെയ്ത് ഉപയോഗിക്കുന്നതിനുപകരം അവ ഇലക്ട്രിക് ബൈക്കുകളാക്കി രൂപമാറ്റം വരുത്തുന്ന വിദ്യയാണ് വിദ്യാര്‍ഥികള്‍ കണ്ടുപിടിച്ചിരിക്കുന്നത്.

അവസാനവര്‍ഷ മെക്കാനിക്കല്‍ വിദ്യാര്‍ഥികളായ ആദില്‍ അലി, സി.പി. ആദില്‍, അഥിന്‍ ഗോപുജ്, കെ.എം. അഫ്സല്‍ മുഹമ്മദ് എന്നിവരാണ് കണ്ടുപിടിത്തത്തിന് പിന്നില്‍. മെക്കാനിക്കല്‍ മേധാവി ഡോ. ഐ. റഹുമ്മത്തുന്‍സ, എം.ജി. പ്രിന്‍സ്, അലി, ബേബി, ഇലക്ട്രിക്കല്‍ വിഭാഗം അധ്യാപകനായ ഷാഫി എന്നിവരുടെ നേതൃത്വത്തിലാണ് ബൈക്ക് രൂപമാറ്റം വരുത്തിയത്.

ഇങ്ങനെ പരിഷ്‌കരിക്കുന്നതിലൂടെ വാഹനം ദീര്‍ഘകാലം ഉപയോഗിക്കാനാവും. വാഹനങ്ങളില്‍ നിന്നുണ്ടാകുന്ന മലിനീകരണവും ഇതുവഴി വലിയതോതില്‍ കുറയ്ക്കാനാവും. നിലവില്‍ മാര്‍ക്കറ്റില്‍ 60,000 രൂപ മുതലാണ് ഇലക്ട്രിക് സ്‌കൂട്ടറുകളുടെ വില.

15,000 രൂപ മുടക്കിയാല്‍ ബൈക്കിനെ ഇലക്ട്രിക് പതിപ്പിലേക്ക് മാറ്റാനാകുമെന്നാണ് പ്രത്യേകത. വീട്ടില്‍ത്തന്നെ ചാര്‍ജ് ചെയ്യാന്‍ പറ്റുന്നവയാണ് ഇവ. ഏഴ് മണിക്കൂര്‍ ചാര്‍ജ് ചെയ്താല്‍ 100 കിലോമീറ്ററോളം സഞ്ചരിക്കാന്‍ പറ്റും.

Content Highlights: Engineering Students Converts Petrol Bike In To Electric Powered Bike


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented