ഇന്ത്യയില്‍ ക്ലെച്ച് പിടിച്ചില്ല, ഹോണ്ട നവിയുടെ കളികള്‍ ഇനി അങ്ങ് അമേരിക്കന്‍ നിരത്തുകളില്‍


2022 ജനുവരിയില്‍ തന്നെ ഈ വാഹനം അമേരിക്കന്‍ നിരത്തുകളില്‍ ഓടിത്തുടങ്ങും.

ഹോണ്ട നവി | Photo: Honda 2Wheelers India

ബൈക്കിന്റെ രൂപവും സ്‌കൂട്ടറിന്റെ സവിശേഷതകളുമായി ഇന്ത്യയിലെ ഏറ്റവും വലിയ ഇരുചക്ര വാഹന നിര്‍മാതാക്കളായ ഹോണ്ട വിപണിയില്‍ എത്തിച്ച സ്‌കൂട്ടറായിരുന്നു നവി. കാഴ്ചയില്‍ ഏറെ കുഞ്ഞനായിരുന്നെങ്കിലും 110 സി.സി. എന്‍ജിന്റെ കരുത്തുമായാണ് ഈ സ്‌കൂട്ടര്‍ എത്തിയിരുന്നത്. എന്നാല്‍, ഇന്ത്യയില്‍ പ്രതീക്ഷിച്ച വിജയം കാണാന്‍ കഴിയാതിരുന്നതിനാല്‍ 2020 മാര്‍ച്ച് മാസത്തോടെ ഈ സ്‌കൂട്ടര്‍ ഇന്ത്യന്‍ വിപണിയില്‍ നിന്ന് നിര്‍മാതാക്കള്‍ പിന്‍വലിക്കുകയായിരുന്നു.

എന്നാല്‍, ഇന്ത്യയില്‍ നിന്നുള്ള ഈ മടക്കം ഒരു അവസാനമായിരുന്നില്ലെന്ന് തെളിയിക്കുകയാണ് ഹോണ്ട. ഇന്ത്യയെക്കാള്‍ വലിയ വാഹന വിപണിയായ അമേരിക്കയിലേക്കാണ് നവി അവതരിപ്പിക്കാനൊരുങ്ങുന്നത്. 2022 ജനുവരിയില്‍ തന്നെ ഈ വാഹനം അമേരിക്കന്‍ നിരത്തുകളില്‍ ഓടിത്തുടങ്ങും. ഫെബ്രുവരിയില്‍ കാലിഫോര്‍ണിയയിലും എത്തിക്കുമെന്നാണ് ഹോണ്ട അറിയിച്ചിരിക്കുന്നത്. മിനിമോട്ടോ എന്ന സ്‌കൂട്ടര്‍ ശ്രേണിയിലേക്കാണ് ഹോണ്ട നവിയെ എത്തിക്കാനൊരുങ്ങുന്നത്.

ഇരുചക്ര വാഹനം ഓടിക്കാന്‍ പഠിക്കുന്നവര്‍ക്ക് ഏറെ ഉപകാരപ്രദമായ വാഹനമായിരിക്കും ഇതെന്നാണ് നിര്‍മാതാക്കളുടെ വാദം. അതുകൊണ്ടുതന്നെ ഈ വാഹനത്തിന് വലിയ സ്വീകാര്യത ലഭിക്കുമെന്നും കമ്പനി പ്രതീക്ഷിക്കുന്നുണ്ട്. ക്ലെച്ച്, ഗിയര്‍ തുടങ്ങിയവ ഇല്ലാത്തതും തിരക്കുള്ള പ്രദേശങ്ങളില്‍ അനായാസ പാര്‍ക്കിങ്ങ് സാധ്യമാകുന്നതും ഈ വാഹനം തിരഞ്ഞെടുക്കാനുള്ള കാരണമായി നിര്‍മാതാക്കള്‍ പറയുന്നു. 1807 ഡോളര്‍(1.34 ലക്ഷം രൂപ) ആയിരിക്കും ഇതിന്റെ വില.

Honda Navi

110 സി.സി. പെട്രോള്‍ എന്‍ജിനിലാണ് ഹോണ്ട നവി ഇന്ത്യയില്‍ എത്തിയിരുന്നത്. ഈ എന്‍ജിന്‍ 109.19 സി.സി. എട്ട് ബി.എച്ച്.പി. പവറും ഒമ്പത് എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. ഹോണ്ടയുടെ വി-മാറ്റിക് ഓട്ടോമാറ്റിക് ട്രാന്‍സ്മിഷനാണ് ഇതില്‍ നല്‍കിയിട്ടുള്ളത്. 765 എം.എം. സീറ്റ് ഹൈറ്റും 156 എം.എം. ഗ്രൗണ്ട് ക്ലിയറന്‍സുമാണ് ഈ സ്‌കൂട്ടറില്‍ നല്‍കിയിട്ടുള്ളത്. 99 കിലോഗ്രാമാണ് ഈ വാഹനത്തിന്റെ ഭാരം. നവിയുടെ ഇന്ത്യന്‍ പതിപ്പ് 45 കിലോമീറ്റര്‍ ഇന്ധനക്ഷമതയാണ് നല്‍കിയിരുന്നത്.

ഇരുചക്ര വാഹനങ്ങളിലേക്ക് പുതുതായി എത്തുന്ന റൈഡര്‍മാര്‍ക്കായി മിനിമോട്ടോ മോഡലുകള്‍ അവതരിപ്പിക്കുന്നതില്‍ ഹോണ്ടയ്ക്ക് വലിയ പാരമ്പര്യമുണ്ട്. ഇതിലേക്കാണ് നവി എന്ന മോഡല്‍ കൂടി എത്തുന്നത്. ലളിതമായ പ്രവര്‍ത്തനം ആകര്‍ഷകമായ ഡിസൈനിങ്ങ്, കുറഞ്ഞ ചെലവ് തുടങ്ങിവയാണ് ഹോണ്ട നവി ഉറപ്പുനല്‍കുന്നത്. ഇത് 2000 ഡോളറില്‍ താഴെ വിലയിലും ലഭ്യമാക്കുമെന്ന് അമേരിക്കന്‍ ഹോണ്ട സ്‌പോര്‍ട്‌സ് & എക്‌സ്പീരിയന്‍ഷ്യല്‍ മാനേജര്‍ അഭിപ്രായപ്പെട്ടു.

Content Highlights: American Honda confirmed today that the Navi miniMOTO will be offered in the U.S. market for the 202


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022

Most Commented