ബി.എസ്.4-മോഡലിനെക്കാള്‍ വില കുറച്ച് ബെനെലി TRK 502 X ബി.എസ്.6 പതിപ്പ് അവതരിപ്പിച്ചു


സുസുക്കി വി-സ്‌റ്റോം 65- XT, കവാസാക്കി വെര്‍സിസ് 650, ഹോണ്ട സി.ബി.500 X എന്നീ മോഡലുകളാണ് TRK 502 X-ന്റെ എതിരാളികള്‍.

ബെനെലി TRK 502 X | Photo: India.Benelli

റ്റാലിയന്‍ ബൈക്ക് നിര്‍മാതാക്കളായ ബെനെലിയുടെ മിഡ് റേഞ്ച് അഡ്വഞ്ചര്‍ ബൈക്കായ TRK 502 X-ന്റെ 2021 പതിപ്പ് ഇന്ത്യയില്‍ അവതരിപ്പിച്ചു. ബി.എസ്-6 എന്‍ജിനിലെത്തിയിട്ടുള്ള ഈ ബൈക്കിന് 5.19 ലക്ഷം രൂപ മുതല്‍ 5.29 ലക്ഷം രൂപ വരെയാണ് എക്‌സ്‌ഷോറും വില. ഇത് ലോഞ്ചിനോട് അനുബന്ധിച്ചുള്ള പ്രത്യേക വിലയാണെന്നാണ് സൂചന. ബി.എസ്.4 മോഡലിനെക്കാള്‍ 31000 രൂപ വില കുറച്ചാണ് ബി.എസ്-6 മോഡല്‍ എത്തിയിട്ടുള്ളതെന്നതാണ് TRK 502 X-ന്റെ ഈ വരവിലെ പ്രധാന പ്രത്യേകത.

മുന്‍ മോഡലുകളില്‍ നിന്ന് രൂപത്തില്‍ കാര്യമായ മാറ്റമില്ലാതെയാണ് ഈ വാഹനം എത്തിയിട്ടുള്ളത്. ബാക്ക്‌ലിറ്റ് സ്വിച്ച്ഗിയര്‍, അലുമിനിയം-ഫ്രെയിം നോക്കിള്‍ ഗാര്‍ഡ്‌സ്, രൂപമാറ്റം വരുത്തിയിട്ടുള്ള മിറര്‍, പുതിയ ഹാന്‍ഡില്‍ ബാര്‍ ഗ്രിപ്പ് എന്നിവയിലാണ് പ്രധാനമായും പുതുമ വരുത്തിയിട്ടുള്ളത്. പുതിയ ലേഔട്ടിലുള്ള ഇന്‍സ്ട്രുമെന്റ് കണ്‍സോളാണ് ഇതില്‍ സ്ഥാനം പിടിച്ചിട്ടുള്ളത്. ഓറഞ്ച് എല്‍.സി.ഡിയും ബാക്ക്‌ലിറ്റ് അനലോഗ് ടാക്കോമീറ്ററും TRK 502 X-ല്‍ നല്‍കിയിട്ടുണ്ട്.

മുന്നില്‍ 19 ഇഞ്ച് വലിപ്പവും പിന്നില്‍ 17 ഇഞ്ച് വലിപ്പവുമുള്ള ടയറുകളാണ് ഈ സാഹസിക ബൈക്കില്‍ കൊടുത്തിയിട്ടുള്ളത്. ഏത് പ്രതലത്തിലും അനായാസ യാത്ര ഉറപ്പാക്കാന്‍ 220 എം.എം. ഗ്രൗണ്ട് ക്ലിയറന്‍സും ഒരുക്കിയിട്ടുണ്ട്. 20 ലിറ്ററാണ് ഫ്യുവല്‍ ടാങ്ക് കപ്പാസിറ്റി. വലിയ വിന്‍ഡ് സ്‌ക്രീനാണ് TRK 502 X-ലെ മറ്റൊരു ഹൈലൈറ്റാണ്. അഡ്വഞ്ചര്‍ ബൈക്കിന്റെ ഭാവങ്ങള്‍ നല്‍കുന്നതിനായി പിന്നില്‍ കാസ്റ്റ് അലുമിനിയം ബോക്‌സ് ബ്രാക്കറ്റും ഒരുക്കിയിരിക്കുന്നു.

ബി.എസ്-6 നിലവാരത്തിലുള്ള 499 സി.സി. പാരാലല്‍-ട്വിന്‍ എന്‍ജിനാണ് TRK 502 X-ല്‍ പ്രവര്‍ത്തിക്കുന്നത്. ഇത് 46.8 ബി.എച്ച്.പി. പവറും 46 എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. ആറ് സ്പീഡ് ഗിയര്‍ബോക്‌സാണ് ഇതില്‍ ട്രാന്‍സ്മിഷന്‍ നിര്‍വഹിക്കുന്നത്. മുന്നില്‍ 320 എം.എം. ഡ്യുവല്‍ ഡിസ്‌ക്കും പിന്നില്‍ 260 എം.എം. സിംഗിള്‍ ഡിസ്‌കുമാണ് സുരക്ഷ ഉറപ്പാക്കുന്നത്. 2220 എം.എം. നീളത്തിലും 1480 എം.എം. ഉയരത്തിലുമാണ് TRK 502 X ഒരുങ്ങിയിട്ടുള്ളത്.

അവതരണത്തിന് പിന്നാലെ തന്നെ TRK 502 X അഡ്വഞ്ചര്‍ ബൈക്കിന്റെ ബുക്കിങ്ങ് ആരംഭിച്ചതായി ബെനെലി അറിയിച്ചു. 10,000 രൂപ അഡ്വാന്‍സ് തുക ഈടാക്കിയാണ് ഈ ബൈക്കിന്റെ ബുക്കിങ്ങ് സ്വീകരിക്കുന്നത്. മൂന്ന് വര്‍ഷത്തേക്ക് കിലോമീറ്റര്‍ പരിധി ഇല്ലാതെ വാറിന്റിയാണ് TRK 502 X-ന് നല്‍കുന്നത്. സുസുക്കി വി-സ്‌റ്റോം 65- XT, കവാസാക്കി വെര്‍സിസ് 650, ഹോണ്ട സി.ബി.500 X എന്നീ മോഡലുകളാണ് TRK 502 X-ന്റെ എതിരാളികള്‍.

Content Highlighst: 2021 Model Benelli TRK 502 X Adventure Bike Launched With BS6 Engine

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


09:55

പവർ പാക്ക്ഡ് 'പാലാപ്പള്ളി'; കടുവയിലെത്തിയ കഥ പറഞ്ഞ് സോൾ ഓഫ് ഫോക്ക് ബാൻഡ് | Soul of Folk

Aug 14, 2022

Most Commented