മദ്യക്കുപ്പികൾ വഴിപാടായി നൽകുന്ന, ബുള്ളറ്റ് പ്രതിഷ്ഠയായ ക്ഷേത്രം | ഓം ബന്ന മന്ദിർ

മോട്ടോർ സൈക്കിളിനെ ദൈവമായി ആരാധിക്കുന്ന ഒരു ക്ഷേത്രത്തെക്കുറിച്ച് കേട്ടിട്ടുണ്ടോ? രാജസ്ഥാനിലെ ജോധ്പൂർ-പാലി ഹൈവേയിൽ സ്ഥിതി ചെയ്യുന്ന ഓം ബന്ന മന്ദിർ അല്ലെങ്കിൽ 'ബുള്ളറ്റ് ബാബ' ക്ഷേത്രം ഇന്ത്യയിലെ നിഗൂഢമായ ആരാധനാലയങ്ങളിൽ ഒന്നാണ്. 1988-ൽ അപകടത്തിൽ മരിച്ച ഓം സിംഗ് റാത്തോഡ് എന്ന യുവാവിന്റെ റോയൽ എൻഫീൽഡ് 350 ബുള്ളറ്റ് ബൈക്കാണ് (RNJ 7773) ഇവിടെ പ്രതിഷ്ഠ.

അപകടത്തിന് ശേഷം പോലീസ് സ്റ്റേഷനിൽ പൂട്ടയിട്ടിരുന്ന ബൈക്ക് രാത്രിയിൽ ദുരൂഹമായി അപ്രത്യക്ഷമാവുകയും അപകടസ്ഥലത്ത് തിരികെയെത്തുകയും ചെയ്ത സംഭവമാണ് ഈ ക്ഷേത്രനിർമ്മാണത്തിന് വഴിവെച്ചത്. ഇന്ന് ഹൈവേയിലൂടെ പോകുന്ന യാത്രക്കാരെ അപകടങ്ങളിൽ നിന്ന് സംരക്ഷിക്കുന്നത് ഈ ബുള്ളറ്റ് ബാബയാണെന്നാണ് ഇവിടുത്തുകാരുടെ വിശ്വാസം. പൂക്കൾക്കൊപ്പം മദ്യക്കുപ്പികൾ വഴിപാടായി നൽകുന്ന ഈ അപൂർവ്വ ക്ഷേത്രങ്ങളിലൊന്ന് കൂടിയാണ് 'ബുള്ളറ്റ് ബാബ' ക്ഷേത്രം

Content Highlights: Located on the Jodhpur-Pali highway in Rajasthan., Worships a Royal Enfield 350cc motorcycle belonging to the late Om Singh Rathore., Believed to protect travelers from highway accidents since 1988., Unique offerings include alcohol bottles alongside flowers.