BJP സ്തുതിപാഠകനിൽനിന്ന് വിമർശകനിലേക്ക്: അർണബ് ഗോസ്വാമിയുടെ ചുവടുമാറ്റത്തിനു പിന്നിലെന്ത്?

ആർക്കും വിശ്വസിക്കാനാവാത്ത മാറ്റമാണിത്. ബിജെപി സർക്കാരിന്റെയും നയങ്ങളുടെയും വലതുപക്ഷത്തിന്റെയും ഏറ്റവും വലിയ വക്താവായിരുന്ന അർണബ് രഞ്ജൻ ഗോസ്വാമി കേന്ദ്രസർക്കാരിനെ പരസ്യമായി തൊലിയുരിക്കുകയാണ്! ഏതാനും ആഴ്ചകളായി നരേന്ദ്രമോദി സർക്കാരിനെ പ്രതിക്കൂട്ടിലാക്കുന്ന വിഷയങ്ങൾ ഒന്നിനു പുറകേ മറ്റൊന്നായി ചർച്ചയ്‌ക്കെടുക്കുകയാണ് അദ്ദേഹം. തിങ്കളാഴ്ച രാത്രി അദ്ദേഹം നടത്തിയ മൂന്നു ഡിബേറ്റുകളുടെയും വിഷയങ്ങൾ ബിജെപിയെ വിഷമിപ്പിക്കുന്നതായിരുന്നു. ആരാവല്ലി മലനിരകളെ തകർക്കാനുള്ള നീക്കം, അഗസ്ത വെസ്റ്റ്‌ലണ്ട് കോഴക്കേസിലെ പ്രതി ക്രിസ്റ്റ്യൻ മിഷേലിന് ജാമ്യം കിട്ടിയതിനു വഴിവെച്ച സാഹചര്യം, തുർക്കി യാത്രാവിമാനങ്ങൾക്ക് ഇന്ത്യയിൽ ഓപ്പറേഷൻ തുടരാൻ അനുമതി കൊടുത്തതിലെ ദേശവിരുദ്ധത. പിന്നാലെ വന്ന മുൻ സുപ്രീംകോടതി ചീഫ് ജസ്റ്റിസ് ബിആർ ഗവായിയുമായുള്ള തൽസമയഅഭിമുഖം ആരും മറക്കാനിടയില്ല. അഭിമുഖം എന്നതിനെക്കാൾ ചോദ്യം ചെയ്യലെന്നു തോന്നിച്ച സംവാദം! എന്താണ് സംഭവിക്കുന്നത്? വർഷങ്ങളായി അദ്ദേഹത്തെ പിന്തുടരുന്ന ലക്ഷക്കണക്കായ പ്രേക്ഷകരും നിരീക്ഷകരും ചോദിക്കുകയാണ്, അർണബിനെന്തു പറ്റി?

Content Highlights: Arnab Goswami, long seen as a BJP ally, has stunned viewers by openly questioning the Modi government on issues ranging from Aravalli destruction to AgustaWestland and national security concerns.