ഒറ്റമരത്തില്‍ കയ്യൊപ്പാല്‍ ഇലകള്‍ നിറച്ചു, പ്രകൃതിയെ സംരക്ഷിക്കാന്‍ അവര്‍ ഒന്നിച്ച് പ്രതിഞ്ജയെടുത്തു
ലോക പരിസ്ഥിതി ദിനത്തില്‍ മാതൃഭൂമി-ഫെഡറല്‍ ബാങ്ക് സീഡിന്റെ 17 വര്‍ഷത്തെ ജൈത്രയാത്ര കളമശ്ശേരി രാജഗിരി ഹയര്‍ സെക്കന്ററി സ്‌കൂളിലെ സീഡ് പ്രവര്‍ത്തകര്‍ക്കും വിദ്യാര്‍ഥികള്‍ക്കുമൊപ്പം ആഘോഷിച്ചു. എറണാകുളം സബ് കളക്ടര്‍ മീര കെ ഐഎഎസ് സീഡിന്റെ എറണാകുളം ഉപജില്ലയിലെ പ്രവര്‍ത്തനോദ്ഘാടനം നിര്‍വഹിച്ചു. പ്ലാസ്റ്റികിനോട് നോ പറയുക എന്ന ലക്ഷ്യമാണ് ഈ വര്‍ഷത്തെ സീഡ് പ്രവര്‍ത്തനങ്ങള്‍ മുന്നോട്ട് വയ്ക്കുന്നത്.
കോള്‍ പാടത്തിന്റെ കരയിലായിരുന്നു തന്റെ വീടെന്നും അനധികൃതമായി കോള്‍ പാടങ്ങള്‍ നികത്തുന്നത് തടയാന്‍ കളക്ടര്‍ വന്ന് സ്റ്റോപ് മെമോ നല്‍കിയത് ഒരു എട്ടാം ക്ലാസുകാരിയുടെ മനസില്‍ കിടന്നിരുന്നുവെന്നും പിന്നീട് 2018ലെ പ്രളയ ശേഷം കളക്ടര്‍ ആവണമെന്ന എന്ന മോഹം മനസിലേക്കെത്തുകയായിരുന്നുവെന്ന് മീര ഐഎഎസ് പറഞ്ഞു