അവസാന മാസശമ്പളം ദുരിതാശ്വാസ നിധിയിലേക്ക്; എം.കെ രാജന്റെ നന്മ മനസ്സിന് ബിഗ് സല്യൂട്ട്
സര്‍വീസിലെ അവസാന മാസത്തെ ശമ്പളം പൂര്‍ണമായും മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി ഫിനാന്‍സ് ഓഫീസര്‍. കോഴിക്കോട് കലക്ടറേറ്റിലെ സീനിയര്‍ ഫിനാന്‍സ് ഓഫീസര്‍ എം.കെ രാജനാണ് ഈ മാസത്തെ ശമ്പളം ദുരിതാശ്വാസ നിധിയിലേക്ക് നല്‍കിയത്. 29 വര്‍ഷത്തെ സര്‍sവീസ് ഇന്ന് അവസാനിക്കുകയാണ്. മുഖ്യമന്ത്രി സാലറി ചലഞ്ച് അഭ്യര്‍ഥന നടത്തിയതോടെ സര്‍വീസിലെ അവസാനമാസത്തെ ശമ്പളം എന്തു ചെയ്യണമെന്ന് കോഴിക്കോട് കളക്ടറേറ്റിലെ സീനിയര്‍ ഫിനാന്‍സ് ഓഫീസര്‍ എം.കെ. രാജന് സംശയമുണ്ടായിരുന്നില്ല. ദുരിതാശ്വാസ നിധിയിലേക്ക് സംഭാവന ചെയ്തു. ഇനി വരുന്ന മാസങ്ങള്‍ക്കായി മറ്റുള്ലവരും ചലഞ്ച് ഏറ്റെടുക്കണമെന്നും അദ്ദേഹം പറയുന്നു. പ്രളയം തകര്‍ത്ത കവളപ്പാറ, പുതുമല മേഖലയില്‍ വീട് വെച്ചു നല്‍കുന്ന ഉപദേശക സമിതി അംഗം കൂടിയാണ് എം.കെ. രാജന്
