വനയോര-മലയോര മേഖലയോട് സർക്കാരിന് ശത്രുതാപരമായ നിലപാട്; കുടിയിറക്കാനുള്ള പദ്ധതിയാണോയെന്ന് സംശയം

പിണറായി സർക്കാർ വന്നതുമുതൽ വനയോര-മലയോര മേഖലയോട് ശത്രുതാപരമായ നിലപാടാണ് സ്വീകരിക്കുന്നതെന്നും ഇതിന് കാരണമെന്താണെന്ന് മനസിലാവുന്നില്ലെന്നും മാത്യു കുഴൽനാടൻ എംഎൽഎ. ഏറ്റവും ഒടുവിലായി കേരള സർക്കാർ കൊണ്ടുവന്ന കേരള ഫോറസ്റ്റ് അമൻമെന്റ് ബിൽ 2024 ൽ പറയുന്ന ഒരു പ്രധാനപ്പെട്ട കാര്യം വനവുമായി ബന്ധപ്പെട്ട് വനംവകുപ്പിലെ റേഞ്ച് ഓഫീസറിനും താഴെയുള്ള ഉദ്യോ​ഗസ്ഥന് അടക്കം അധികാരങ്ങൾ വർധിപ്പിക്കുക എന്നതാണ്. വനംനിയമവുമായി ബന്ധപ്പെട്ട കുറ്റകൃത്യം ചെയ്തുവെന്ന് സംശയം തോന്നിയാൽ വനംവകുപ്പ് ഉദ്യോ​ഗസ്ഥർക്ക് വാറന്റ് ഇല്ലാതെ ആളുകളെ അറസ്റ്റ് ചെയ്യാനുള്ള അധികാരം ലഭിക്കും. അതി​ഗുരുതരമായ അധികാരദുർവിനിയോ​ഗമാണ് സംഭവിക്കാൻ പോകുന്നത്. പാവപ്പെട്ട കർഷകരെയും കുടിയേറ്റകാരെയും നിയമംവിട്ട് ഉദ്യോ​ഗസ്ഥർ ഉപദ്രവിച്ചുകൊണ്ടിരിക്കുന്ന ഈ സമയത്താണ് വീണ്ടും ഇതുപോലുള്ള അധികാരങ്ങൾ നൽകുന്നത്. വനയോര-മലയോര മേഖലയിലെ ആളുകളെ കുടിയിറക്കാനുള്ള അലിഖിതമായ ഒരു പദ്ധതി നടത്തുകയാണോ എന്ന് സംശയമുണ്ട്. കോതമം​ഗലം ബ്ലോക്ക് പഞ്ചായത്ത് അവരുടെ പണം മുടക്കി ഫെൻസിങ് ചെയ്യുന്നതിനുള്ള അനുമതി ചോദിച്ചിട്ട് അതുപോലും കൊടുത്തില്ല. ഖജനാവിൽ പണമില്ലെന്ന് പറഞ്ഞിട്ടാണ് ഫെൻസിങ് ചെയ്യാത്തതെന്ന് പറഞ്ഞിട്ട് ബ്ലോക്ക് പഞ്ചായത്ത് മുന്നോട്ട് വന്നിട്ട് അതിനുപോലും സർക്കാർ അനുമതി നിഷേധിച്ചെന്നും അദ്ദേഹം കൂട്ടിച്ചേർത്തു.  

Inshort: MLA Mathew Kuzhalnadan criticizes Kerala`s Forest Amendment Bill 2024, citing concerns over increased powers for forest officials and potential for abuse against farmers and settlers.

Content Highlights: Kerala Forest Amendment Bill 2024: Concerns Raised