'ആ മനുഷ്യൻ്റെ ചേതനയറ്റമുഖം കാണാൻ ആഗ്രഹിക്കുന്നില്ല, ആ കൃതികൾ ലോകമുള്ളിടത്തോളം കാലം നിലനിൽക്കും'
അക്ഷരങ്ങള്‍ കൂട്ടിവായിക്കാന്‍ തുടങ്ങിയ കാലംമുതല്‍ എം.ടി. വാസുദേവന്‍ നായര്‍ എന്ന എഴുത്തുകാരന്‍ തന്നോടൊപ്പമുണ്ടെന്ന് സംവിധായകനും നടനുമായ മധുപാല്‍.
''അദ്ദേഹം എഴുതിയ കഥാപാത്രങ്ങള്‍ എനിക്ക് മുന്‍പിലുണ്ടെന്ന രീതിയില്‍ കാണാന്‍ പറ്റിയിരുന്നു. ആ മനുഷ്യര്‍ നമുക്ക് മുന്‍പിലുണ്ടെന്ന രീതിയില്‍ എഴുതിയ കഥാകാരനാണ് എം.ടി. അദ്ദേഹത്തിന്റെ ഓരോ വാക്കിനും അതിന്റേതായ അര്‍ഥമുണ്ടായിട്ടുണ്ട്. ഭാഷയെ കൃത്യമായി അടയാളപ്പെടുത്തി. ഭാഷയ്ക്ക് വേണ്ടി അത്രമേല്‍ സഹായംചെയ്തു. തുഞ്ചന്‍ സ്മാരകവുമായി ബന്ധപ്പെട്ട് ഒരുപാട് കാര്യങ്ങള്‍ചെയ്തു.