പുതിയ കോഴ്സുകളുടെ തിളക്കത്തിൽ മികവോടെ സെയ്ന്റ്ഗിറ്റ്സ്
ഉന്നത വിദ്യാഭ്യാസരംഗത്ത് രണ്ട് പതിറ്റാണ്ടുകളായി നിരന്തരം മികവു തെളിയിച്ചുകൊണ്ട് മുന്നേറുന്ന സെയ്ന്റ്ഗിറ്റ്സ് പുതിയ കാലഘട്ടത്തിന് അനുയോജ്യമായ പുതിയ കോഴ്സുകൾ ആവിഷ്കരിച്ചിരിക്കുന്നു. ആഗോളതലത്തിലും ദേശീയതലത്തിലുമുണ്ടായ മാറ്റങ്ങൾ അപഗ്രഥിച്ച്, വ്യാവസായികലോകത്തിന്റെ ആവശ്യങ്ങൾക്കനുസരിച്ചു നിരന്തരം മാറ്റം വരുത്തുന്ന പാഠ്യപദ്ധതിയും പഠന ശൈലിയിലെ വൈവിധ്യവും കൈമുതലാക്കി കോട്ടയം ജില്ലയിൽ സ്ഥിതിചെയ്യുന്ന സെയ്ന്റ്ഗിറ്റ്സ് കലാലയങ്ങൾ വിദ്യാഭ്യാസരംഗത്ത് അന്താരാഷ്ട്ര സഹകരണം ഉൾപ്പെടെ തിളക്കമാർന്ന നേട്ടങ്ങളുമായി മികവിന്റെ പടവുകൾ കയറുകയാണ്.
മാനേജ്മെൻറ് വിദ്യാഭ്യാസ രംഗത്ത് പുതുതായി രണ്ടു കോഴ്സുകളാണ് ആരംഭിക്കുന്നത്. അഞ്ചുവർഷം നീണ്ടുനിൽക്കുന്ന ഇന്റഗ്രേറ്റഡ് എം.ബി.എ. കോഴ്സ്, മാനേജ്മെന്റ് പഠനരംഗത്തെ നിലവിലുള്ള സമ്പ്രദായ രീതികളെയും ഘടനകളെയും മാറ്റിമറിക്കുന്ന ഒന്നായിരിക്കും. പ്ലസ് ടു പഠനം പൂർത്തിയാക്കുന്ന വിദ്യാർഥികൾക്ക് ബിരുദപഠനം കൂടാതെ തന്നെ കോർപ്പറേറ്റ് രംഗത്തേക്ക് തികഞ്ഞ പ്രൊഫഷണൽ ആയി ഇറങ്ങാൻ സാധിക്കുന്ന രീതിയിലാണ് ഈ കോഴ്സ് ഡിസൈൻ ചെയ്തിരിക്കുന്നത്. മാനേജ്മെൻറ് രംഗത്ത് മറ്റൊരു പുതിയ കോഴ്സ് MBA in Logistics and Supply Chain Management എന്നതാണ്. ബിരുദധാരികൾക്ക് അപേക്ഷിക്കാവുന്ന ഈ പ്രോഗ്രാം ആഗോള രംഗത്തെ മികച്ച കമ്പനികളിൽ നേതൃത്വശേഷി തെളിയിക്കാൻ വിദ്യാർത്ഥികളെ പ്രാപ്തരാക്കുന്ന രീതിയിലാണ് ആവിഷ്കരിച്ചിട്ടുള്ളത്.
എൻജിനിയറിങ് വിദ്യാഭ്യാസരംഗത്ത് രണ്ട് നൂതന കോഴ്സുകൾക്ക് കോളേജ് ഇത്തവണ തുടക്കം കുറിക്കുകയാണ്. ആർട്ടിഫിഷ്യൽ ഇൻറലിജൻസിന്റെയും ഡീപ് ലേണിംഗിന്റെയും ഇൻറർനെറ്റ് ഓഫ് തിങ്ക്സിന്റെയും കാലഘട്ടത്തിൽ ഈ നൂതന മേഖലകളെ സംയോജിപ്പിച്ചുകൊണ്ടാണ് ബി.ടെക് ഇലക്ട്രോണിക്സ് ആൻഡ് കമ്പ്യൂട്ടർ എൻജിനിയറിങ് അവതരിപ്പിക്കുന്നത്. അതിവേഗം വളരുന്ന രണ്ട് സാങ്കേതിക മേഖലകളുടെയും കൃത്യമായ സമന്വയം സാധ്യമാക്കുന്ന ഈ എൻജിനിയറിങ് ബ്രാഞ്ച് വിദ്യാർത്ഥികൾക്ക് ഇൻഡസ്ട്രിയിൽ ഒരു മുതൽക്കൂട്ട് തന്നെയായിരിക്കും ഉളവാക്കുക. കൂടാതെ നിലവിലുള്ള ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിങ് ബ്രാഞ്ചിന് പുറമേ, വി.എൽ.എസ്.ഐ ഡിസൈൻ ആൻഡ് ടെക്നോളജിയിൽ സ്പെഷലൈസേഷനുള്ള ഇലക്ട്രോണിക്സ് എൻജിനിയറിങ് ബ്രാഞ്ച് കൂടി ഈ വർഷം മുതൽ ആരംഭിക്കുകയാണ്. സെമി കണ്ടക്ടർ ചിപ്പ് നിർമാണത്തിൽ രാജ്യം ഒരു കുതിപ്പിന് ഒരുങ്ങുന്ന ഈ കാലഘട്ടത്തിൽ ചിപ്പ് ഡിസൈനിങ്ങിന്റെയും മാനുഫാക്ചറിങ്ങിന്റെയും അടിസ്ഥാനതത്വങ്ങളും സാങ്കേതിക പ്രായോഗിക പാഠങ്ങളും ഉൾക്കൊള്ളുന്ന ഈ ബ്രാഞ്ച്, കോർ ഇലക്ട്രോണിക്സ് ഏരിയകളിൽ ജോലി ചെയ്യാൻ താല്പര്യമുള്ള വിദ്യാർഥികൾക്ക് സുവർണാവസരമാണ് സൃഷ്ടിക്കുക. നിലവിൽ കേരളത്തിൽ അപൂർവം കോളേജുകളിൽ മാത്രമുള്ള കേഡൻസ് പോലെയുള്ള ചിപ്പ് ഡിസൈൻ സോഫ്റ്റ്വെയറുകളും ഹാർഡ്വെയറുകളും ഉൾപ്പെടെ സജ്ജമാക്കിയിരിക്കുന്ന അത്യാധുനിക ലാബുകളും ഗവേഷണ സൗകര്യങ്ങളും എംടെക് സൗകര്യവും നിലവിലുള്ളപ്പോൾ ഈ പുതിയ കോഴ്സ് അവസരങ്ങളുടെ പുതുലോകമാണ് തുറക്കുന്നത്.
മികച്ച പശ്ചാത്തല സൗകര്യങ്ങൾക്കൊപ്പം ശരിയായ മാർഗനിർദേശവും പ്രചോദനവും സെയ്ന്റ്ഗിറ്റ്സ് വിദ്യാർഥികൾക്ക് വിജയവിഹായസുകൾ കീഴടക്കുന്നതിൽ നിർണായകമാകുന്നുണ്ട്. പ്രശസ്ത ശാസ്ത്രജ്ഞ മേരി ക്യൂറിയുടെ പേരിൽ യൂറോപ്യൻ കമ്മീഷൻ സഹ-ധനസഹായം നൽകുന്ന 'ഫ്യൂച്ചർ' എന്ന അഭിമാനകരമായ സ്കോളർഷിപ്പ് സെയ്ന്റ്ഗിറ്റ്സിന്റെ മെക്കാനിക്കൽ ബ്രാഞ്ചിലെ പൂർവവിദ്യാർഥിയായ ഡോ. ജോണി വർഗീസ് ഒരു അന്തർദേശീയ മത്സരത്തിൽ കരസ്ഥമാക്കിയത് അടുത്ത കാലത്താണ്. സെയ്ന്റ്ഗിറ്റ്സ് കോളേജ് ഒഫ് എൻജിനിയറിങ്ങിൽ നിന്നും ഇലക്ട്രോണിക്സ് ആൻഡ് കമ്മ്യൂണിക്കേഷനിൽ ബി.ടെക് പാസായ ജോയൽ ഏബ്രഹാം ഇപ്പോൾ പുറത്തുവന്ന സിവിൽ സർവീസ് പരീക്ഷയിൽ 167-ാം റാങ്ക് നേടി കോളേജിന്റെ അഭിമാനമുയർത്തിയിരിക്കുന്നു.
വിദ്യാഭ്യാസ, സാങ്കേതിക, മാനേജ്മെൻറ്, ബിസിനസ് രംഗങ്ങളിലെ പ്രതിഭാശാലികളായ നേതാക്കൾ ഒത്തുചേർന്ന് 2002 -ൽ ആരംഭിച്ച സെയ്ന്റ്ഗിറ്റ്സ് ഗ്രൂപ്പിന് ഇന്ന് അഞ്ച് കലാലയങ്ങളാണ് ഉള്ളത്.എൻജിനിയറിംഗ് പഠനത്തിനായി സെയ്ന്റ്ഗിറ്റ്സ് കോളേജ് ഓഫ് എൻജിനിയറിങ്, കൊമേഴ്സ്-ബിസിനസ് പഠനത്തിനായി സെയ്ന്റ്ഗിറ്റ്സ് കോളേജ് ഓഫ് അപ്ലൈഡ് സയൻസസ്, മാനേജ്മെൻറ് വിദ്യാഭ്യാസരംഗത്ത് സെയ്ന്റ്ഗിറ്റ്സ് ഇൻസ്റ്റ്യൂട്ട് ഓഫ് മാനേജ്മെൻറ്, വിവരസാങ്കേതികവിദ്യമേഖലയിലെ പ്രായോഗികപഠനങ്ങൾക്കായി സെയ്ന്റ്ഗിറ്റ്സ് ഇൻസ്റ്റിറ്റ്യൂട്ട് ഓഫ് കംപ്യൂട്ടർ ആപ്ലിക്കേഷൻസ്, ബാച്ചിലർ ഓഫ് ഡിസൈൻ (ബി ഡെസ്.) പഠനകേന്ദ്രമായ സെയ്ന്റ്ഗിറ്റ്സ് ഡിസൈൻ സ്കൂൾ എന്നിവയാണ് അതാത് മേഖലകളിൽ ഈടുറ്റ മുദ്ര പതിപ്പിച്ചിരിക്കുന്നത്.
ഓട്ടോണോമി (സ്വയംഭരണം) ലഭിച്ച കേരളത്തിലെ കലാലയങ്ങളിലൊന്നായ സെയ്ന്റ്ഗിറ്റ്സ് കോളേജ് ഓഫ് എൻജിനിയറിങ്, എ.പി.ജെ അബ്ദുൽ കലാം ടെക്നോളോജിക്കൽ യൂണിവേഴ്സിറ്റിയുമായി അഫിലിയേറ്റ് ചെയ്തിരിക്കുന്നു. എൻജിനിയറിങ് പഠന ശാഖകൾക്ക് ഇൻസ്റ്റിറ്റ്യൂട്ട് ഓഫ് എൻജിനിയേഴ്സ് (ഐ.ഇ) അക്രഡിറ്റേഷനും അഞ്ച് എൻജിനിയറിങ് ബ്രാഞ്ചുകൾക്കും, എം.സി.എ, എം.ബി.എ കോഴ്സുകൾക്കും നാഷണൽ ബോർഡ് ഓഫ് അക്രഡിറ്റേഷന്റെ (എൻ. ബി. എ) അംഗീകാരവും ലഭിച്ചിട്ടുള്ളതാണ്. B Tech, M Tech, Integrated MCA, MCA, MBA, ബി ഡിസൈൻ എന്നീ കോഴ്സുകളാണ് സെയ്ൻറ്ഗിറ്റ്സ് കോളജ് ഓഫ് എൻജിനിയറിങ്ങിൽ നടന്നുവരുന്നത്. കൂടാതെ, സാങ്കേതിക-മാനേജ്മെൻറ് വിഷയങ്ങളിൽ സാങ്കേതിക സർവകലാശാലയുടെ കീഴിൽ ഗവേഷണം ചെയ്യുന്നതിനുള്ള സൗകര്യവും ഈ സ്ഥാപനത്തിലുണ്ട്. പഠനശാഖകൾക്ക് അക്രഡിറ്റേഷൻ ലഭിച്ചിട്ടുള്ളതിനാൽ ഇവിടെ വിദ്യാഭ്യാസം പൂർത്തിയാക്കുന്ന വിദ്യാർഥികൾക്ക് അന്താരാഷ്ട്രതലത്തിലുള്ള തൊഴിൽലഭ്യത പതിന്മടങ്ങ് വർധിക്കുന്നു
പാഠ്യപദ്ധതിയും അധ്യാപനരീതികളും മറ്റും സ്ഥാപനം കാലോചിതമായി രൂപപ്പെടുത്തി പരിഷ്കരിക്കുമെങ്കിലും ബിരുദം നൽകുന്നത് സാങ്കേതിക സർവ്വകലാശാല തന്നെയാണ്. സംസ്ഥാനത്തെ സാങ്കേതിക സർവ്വകലാശാലയായ കെ.ടി.യു-വിൻറെ 2022-ലെ റിസൾട്ട് പ്രകാരം ബി.ടെക് ബിരുദത്തിനർഹരായ കേരളത്തിലെ നൂറ്റമ്പതോളം കോളേജുകളിലെ വിദ്യാർഥികളുടെ എണ്ണം കണക്കിലെടുക്കുമ്പോൾ ആദ്യ പതിനാലിനുള്ളിലാണ് സെയ്ന്റ്ഗിറ്റ്സ് നിലകൊള്ളുന്നത്. കൂടാതെ, മികച്ച വിദ്യാർഥികൾക്ക് മാത്രം നിശ്ചിത മാനദണ്ഡങ്ങളിലൂടെ നേടാൻ കഴിയുന്ന ബി.ടെക് (ഓണേഴ്സ്) കോളേജിലെ നൂറ് പ്രതിഭകൾ കരസ്ഥമാക്കിയപ്പോൾ, ആ നേട്ടം കൈവരിച്ചവരുടെ എണ്ണം സംസ്ഥാനത്ത് മൂന്നാമത് ആണെന്നത് സെയ്ന്റ്ഗിറ്റ്സ് കോളേജിൻറെ ഉയർന്ന റേറ്റിങ് വെളിവാക്കുന്നു.
പബ്ലിക് സ്പീക്കിംഗ്, പ്രൊഫഷണൽ റൈറ്റിംഗ്, ബയോഡേറ്റ തയ്യാറാക്കൽ തുടങ്ങിയ സോഫ്റ്റ് സ്കില്ലുകളിലുള്ള പരിശീലനം വിദ്യാർഥികളുടെ നേതൃത്വപാടവം, ടീം വർക്ക്, ആശയവിനിമയശേഷി എന്നിവയുടെ വികസനത്തിന് സഹായിക്കുന്നു. കോളേജിലെ പ്രത്യേക ആഡ്-ഓൺ കോഴ്സുകളും വർക്ഷോപ്പുകളും സെമിനാറുകളും ഹാക്കത്തോണുകളും കമ്പനികൾക്ക് മുന്നിൽ സെയ്ന്റ്ഗിറ്റ്സ് വിദ്യാർഥികളുടെ റേറ്റിങ് ഉയർത്തിയിട്ടുണ്ട്. മികച്ച കമ്പനികളിൽ ഉയർന്ന പൊസിഷനുകളിൽ ജോലി ലഭിക്കുവാൻ വിദ്യാർഥികളെ പ്രാപ്തരാക്കുന്ന സുസജ്ജമായ പ്ലേസ്മെന്റ് ഡിപ്പാർട്ട്മെൻറ് വഴി ഇരുനൂറിലധികം കമ്പനികളിൽ സ്വദേശത്തും വിദേശത്തുമായി വിദ്യാർഥികൾ ജോലി നേടിയിട്ടുണ്ട്. ഇന്ത്യൻ ആർമി, ഇന്ത്യൻ നേവി, എംആർഎഫ്, ഇൻഫോസിസ്, ഐ.ടി.സി, ഫെഡറൽ ബാങ്ക് തുടങ്ങിയ പ്രമുഖ കമ്പനികൾ ക്യാമ്പസിൽ വന്ന് മിടുക്കരായ വിദ്യാർഥികളെ തെരഞ്ഞെടുക്കുന്നു. ഐ.ബി.എം, ടി.സി.എസ്, ഈ.വൈ, ഡെലോയിറ്റ്, മാർലാബ്സ്, വിപ്രോ, എസ്.എ.പി ലാബ്സ്, ആമസോൺ, യു.എസ്.ടി ഗ്ലോബൽ, കോഗ്നിസൻറ്, മഹീന്ദ്രാ, ടാറ്റാ ELXSI, Entuple Technologies, സൗത്ത് ഇന്ത്യൻ ബാങ്ക് തുടങ്ങി ലോക വ്യാവസായിക രംഗത്തെയും രാജ്യത്തെയും മുൻനിര കമ്പനികൾ വിദ്യാർഥികളെ റിക്രൂട്ട് ചെയ്തുവരുന്നു.
വ്യാവസായിക വാണിജ്യ ലോകത്തിൻറെ ആവശ്യങ്ങൾ കണ്ടറിഞ്ഞ് ഏറ്റവും പുതുമയുള്ള കോഴ്സുകളും അതിനു സഹായകരമാകുന്ന നൂതന വിദ്യാഭ്യാസ രീതിയുമാണ് സെയ്ൻറ്ഗിറ്റ്സ് പിന്തുടരുന്നത്. പരമ്പരാഗത കോഴ്സുകൾക്ക് പുറമേ റോബോട്ടിക്സ് ആൻഡ് ഓട്ടോമേഷൻ, ഫുഡ് ടെക്നോളജി, ബി.ഡിസൈൻ കോഴ്സുകൾ ആരംഭിച്ചത് അതിനു തെളിവാണ്. ഹാൻഡ്സ് ഓൺ ട്രെയിനിംഗും പരമ്പരാഗത ക്ലാസ്റൂം പഠനത്തിന്റെയും സമന്വയമാണ് ആധുനികകാലത്തെ വിദ്യാർഥികൾക്ക് വേണ്ടത്. ഏറ്റവും പുതിയസാങ്കേതികവിദ്യകളിൽ വിദ്യാർഥികളെ സജ്ജരാക്കുന്നതിനായി സ്ഥാപിതമായ സെയ്ൻറ്ഗിറ്റ്സ് ഇൻസ്റ്റിറ്റ്യൂട്ട് ഓഫ് ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിങ് (എ.ഐ. & എം. എൽ), ഏതു കോഴ്സിലുമുള്ള വിദ്യാർഥികൾക്ക് നിർമിതബുദ്ധി, മെഷീൻ ലേണിങ് എന്നീ അതിവേഗം വളരുന്ന മേഖലകളിൽ പ്രത്യേക പരിശീലനം നൽകുന്നു. അന്താരാഷ്ട്ര രംഗത്തെ മുൻനിര സർവകലാശാലയായ അമേരിക്കയിലെ ലോവലിലുള്ള യൂണിവേഴ്സിറ്റി ഓഫ് മസാച്ചുസെറ്റ്സുമായി ചേർന്ന് പഠന മേഖലയിൽ പുതിയ ഉയരങ്ങൾ താണ്ടുവാൻ ഉതകുന്ന ട്വിന്നിങ് പ്രോഗ്രാമുകൾ പ്രോഗ്രാമുകൾ വിദ്യാർഥികൾക്ക് ആഗോളതലത്തിൽ അവസരങ്ങളുടെ പുതുലോകം തുറക്കുന്നു.
എൻജിനിയറിങ് മേഖലയിലെ നവീകരണം, അത്യാധുനിക സാങ്കേതികവിദ്യകൾ, ആശയങ്ങൾ, സംവിധാനങ്ങൾ എന്നിവ മനസിലാക്കി വിദ്യാർഥികൾക്ക് ഏറ്റവും കാലികമായ എൻജിനിയറിങ് പ്രവണതകളിൽ അവഗാഹം ഉണ്ടെന്ന് ഉറപ്പാക്കുന്നതിനായി സെയ്ന്റ്ഗിറ്റ്സ് കോഴ്സുകൾ പരിഷ്കരിക്കുകയും പുതുതലമുറ കോഴ്സുകൾ ആരംഭിക്കുകയും ചെയ്തുവരുന്നു. ഇതിനും പുറമേ നൈപുണ്യ വികസനത്തിനായും മൂല്യാധിഷ്ഠിതമായും ഹ്രസ്വകോഴ്സുകൾ കരിക്കുലത്തിൽ ഉൾക്കൊള്ളിക്കുന്നുമുണ്ട്.
സിലബസ് പൂർത്തിയാകാതിരിക്കലും പരീക്ഷാഫലത്തിനുള്ള കാലതാമസവും ആണ് കേരളത്തിലെ കോളേജുകളെ സംബന്ധിച്ചു വിദ്യാർഥികൾക്കും രക്ഷിതാക്കൾക്കും കമ്പനികൾക്കുമുള്ള ആക്ഷേപങ്ങൾ. എൻജിനിയറിങ് ബിരുദധാരികളെ റിക്രൂട്ട് ചെയ്യുന്നതിനായി കമ്പനികൾ കേരളം തെരഞ്ഞെടുക്കാതെ മറ്റു സംസ്ഥാനങ്ങൾ തേടിപ്പോകുന്നത് ഇതേ കാരണം കൊണ്ട് തന്നെയാണ്. വ്യാവസായിക ലോകവുമായി നേരിട്ട് ബന്ധപ്പെട്ട്, തൊഴിൽലഭ്യത മുഖ്യഘടകം ആയിരിക്കുന്ന എൻജിനിയറിങ് വിദ്യാഭ്യാസ പദ്ധതിയിൽ കൃത്യസമയത്തുള്ള കോഴ്സ് പൂർത്തീകരണവും യഥാസമയത്തുള്ള ഫലപ്രഖ്യാപനവും സെയ്ന്റ്ഗിറ്റ്സ് ഓട്ടോണോമി കലാലയത്തിലെ വിദ്യാർഥികളെ പഠനകാലയളവ് പൂർത്തിയാക്കുന്നതിന് മുമ്പ് തന്നെ ജോലി നേടുവാൻ പ്രാപ്തരാക്കുന്നു. ഓട്ടോണോമസ് പദവിയിലൂടെ ലഭ്യമായ ഫ്ളെക്സിബിലിറ്റി ഇൻഡസ്ട്രിയുമായി കൂടുതൽ ശക്തമായ ബന്ധം ഉണ്ടാക്കുന്നതിനും അതുവഴി ഇന്റേൺഷിപ്പുകളും പ്ലേസ്മെന്റുകളും ഉറപ്പാക്കുന്നതിനും സെയ്ന്റ്ഗിറ്റ്സിനു സാധിക്കുന്നുണ്ട്.
വിദ്യാർഥികളുടെ ഇടയിലെ പുതിയ ആവേശമായ സംരംഭകത്വവും നൂതന ആശയങ്ങളുടെ ആവിഷ്കരണവും പ്രോത്സാഹിപ്പിക്കുന്നതിനുള്ള ദൗത്യം ആരംഭകാലം മുതൽ കോളേജ് പിന്തുടർന്നുവരുന്നു. വിവിധ ഇൻഡസ്ട്രികളുമായി യോജിച്ചു നടത്തുന്ന സൃഷ്ടി എന്ന ദേശീയ തലത്തിലുള്ള എൻജിനിയറിംഗ് പ്രോജക്ട് പ്രദർശനത്തിൽ വിവിധ സംസ്ഥാനങ്ങളിൽ നിന്നുള്ള പ്രതിഭകൾ പങ്കെടുക്കുന്നു. കൂടാതെ, കേരള സർക്കാരിൻറെ സ്റ്റാർട്ടപ്പ് മിഷൻ അംഗീകാരമുള്ള ഇൻറർനെറ്റ് ഓഫ് തിങ്സ് ലാബും ഫാബ് ലാബും വിദ്യാർഥികളെ നവീന ടെക്നോളജികൾ ഉപയോഗിക്കുവാൻ പ്രാപ്തരാക്കുന്നു. ഇന്ത്യാ ഗവണ്മെന്റിൻറെ കീഴിൽ ഐടി, ഇലക്ട്രോണിക്സ്, അനുബന്ധ മേഖലകൾ എന്നിവയിൽ ഗവേഷണവും വികസനവും നടത്തുന്നതിനുള്ള സ്ഥാപനമായ സി-ഡാക്കുമായി കോളേജിലെ ഗവേഷകർക്കും വിദ്യാർഥികൾക്കും മാർഗനിർദേശങ്ങൾ നൽകുന്നതിനുള്ള ധാരണാപത്രം ഒപ്പിട്ടുകഴിഞ്ഞു.കേന്ദ്ര സർക്കാരിൻറെ എഫ്.എസ്.എസ്.എ-യുടെ കീഴിൽ പ്രവർത്തിക്കുന്ന ഫുഡ് സേഫ്റ്റി ട്രെയിനിങ് സർട്ടിഫിക്കേഷന്റെ അംഗീകൃത പരിശീലന കേന്ദ്രം കൂടിയാണ് സെയ്ൻറ്ഗിറ്റ്സ്.
വിദ്യാഭ്യാസരംഗത്തെ സൂക്ഷ്മാംശങ്ങളിൽ പോലും പുലർത്തുന്ന ഗുണനിലവാരമാണ് സെയ്ന്റ്ഗിറ്റ്സിന്റെ വിജയത്തിന് പിന്നിലെ അടിസ്ഥാനപാഠം. കഴിഞ്ഞ കാലഘട്ടങ്ങളിലെ മികവിന്റെ അടിസ്ഥാനത്തിൽ ലഭിച്ച ഓട്ടോണോമി പദവി, ഇൻഡസ്ട്രിക്കനുയോജ്യമായ സിലബസ് ഉണ്ടാക്കാൻ തങ്ങളെ പ്രാപ്തരാക്കിയെന്ന് സെയ്ന്റ്ഗിറ്റ്സ് ഡയറക്ടർ തോമസ്.ടി. ജോൺ അവകാശപ്പെടുന്നു. യു.ജി.സി മോഡൽ അനുസരിച്ച് ഓൺലൈനിൽ മറ്റു യൂണിവേഴ്സിറ്റികളിലെയും കോഴ്സെറാ, ലിങ്ക്ഡിൻ തുടങ്ങിയ പ്രമുഖ ഓൺലൈൻ എഡ്യുക്കേഷൻ പോർട്ടലുകളിലെയും കോഴ്സുകൾ ചെയ്യാനും കരിക്കുലം അനുവദിക്കുന്നുണ്ട്. മികച്ച വിദ്യാർഥികൾക്ക് പഠന ചെലവുകളുടെ ആയാസം കുറയ്ക്കാനായി നിരവധി സ്കോളർഷിപ്പുകൾ വർഷങ്ങളായി നൽകിവരുന്നുണ്ട്. തികച്ചും മത്സരാധിഷ്ഠിതമായ മേഖലയിൽ തങ്ങളുടേതായ ഇടം നേടുക മാത്രമല്ല 'ലേൺ ഗ്രോ എക്സൽ'എന്ന സ്ഥാപനത്തിൻറെ ആപ്തവാക്യം അന്വർത്ഥമാക്കിക്കൊണ്ട് മികവിന്റെ പുതിയ പന്ഥാവുകളിലൂടെ സഞ്ചരിക്കുകയാണ് സെയ്ന്റ്ഗിറ്റ്സ്.
കൂടുതൽ വിവരങ്ങൾക്ക്
ഫോൺ - 91 481 2430349, 2436169, 2436170
ഇമെയിൽ - mail@saintgits.org
വെബ്സൈറ്റ്- https://saintgits.org
Content Highlights: Saintgists