കാനഡ വാതിൽ തുറക്കുമ്പോൾ: മാതൃഭൂമി-ഫെയർഫ്യൂച്ചർ കാനഡ, യുഎസ്എ വിദ്യാഭ്യാസ സെമിനാർ കൊച്ചിയിൽ നവംബർ 5 ന്

ലോകത്തിന്റെ ചെറുപ്പം ഇനി കാനഡയിലേക്ക് കണ്ണുനട്ടിരിക്കും... അഞ്ച് വർഷത്തിനുള്ളിൽ കാനഡയിലുണ്ടാവുക 25 ലക്ഷത്തോളം തൊഴിലവസരങ്ങളാണ്. കാനഡ എന്ന അവസരങ്ങളുടെ പറുദീസയിൽ ഇനി കുടിയേറ്റക്കാലമാണ്. മറ്റൊന്നു കൂടിയുണ്ട്, ലോകത്തെ ഏറ്റവും വലിയ രണ്ടാമത്തെ രാജ്യമായ കാനഡയിലെ പൗരൻമാരിൽ 70 ശതമാനവും ഏതാനും വർഷങ്ങൾക്കുള്ളിൽ വിരമിക്കും. ഈ പ്രതിസന്ധി മറികടക്കാൻ കനേഡിയൻ സർക്കാർ നടപടികൾ തുടങ്ങിക്കഴിഞ്ഞു. ലോകത്തിന്റെ വിവിധ ഭാഗങ്ങളിൽ നിന്നും 2024ൽ തന്നെ ഒമ്പതുലക്ഷം വിദ്യാർഥികളെ കാനഡയിൽ എത്തിക്കുക എന്നതാണ് ആദ്യഘട്ടത്തിൽ ചെയ്യുന്നത്.

ഇങ്ങനെ കാനഡയിലെത്തുന്ന വിദ്യാർഥികൾക്കും അവരുടെ കുടുംബത്തിനും പഠനം, ജോലി എന്നീ സൗകര്യങ്ങൾ ഒരുക്കുന്നതിനൊപ്പം കുറഞ്ഞ ചെലവിൽ വീടുകൾ വാങ്ങുന്നതിനുള്ള അവസരം, സ്ഥിരതാമസം എന്നിവയും സജ്ജമാക്കും. പ്രായപരിധിയില്ലാതെയാണ് കാനഡ ലോകത്തെ മുഴുവൻ സ്വീകരിക്കാനൊരുങ്ങുന്നത്. ഇന്ത്യൻ വിദ്യാർഥികളായിരിക്കും ഈ അവസരം പരമാവധി പ്രയോജനപ്പെടുത്തുകയെന്നാണ് കണക്കുകൂട്ടുന്നത്.

പക്ഷെ ഇന്ത്യൻ വിദ്യാർഥികൾ അടുത്തിടെ നേരിടുന്ന ഏറ്റവും വലിയ പ്രശ്നം കാനഡയിലെ കോളേജുകളിൽ അഡ്മിഷൻ ലഭിച്ചിട്ടും സ്റ്റുഡന്റ് വീസ റിജക്ഷൻ വരുന്നു എന്നതാണ്. വിദഗ്ധരല്ലാത്തവർ വീസ ഡോക്യുമെന്റേഷൻ ചെയ്യുന്നതാണ് പ്രശ്നം. വീസ കിട്ടുമെന്നുറപ്പുള്ളവർക്ക് പോലും റിജക്ഷൻ വരുന്നു. ഇവിടെയാണ് ഫെയർ ഫ്യൂച്ചർ പോലെയുള്ള സ്ഥാപനങ്ങളുടെ പ്രസക്തി. ഇരുപത് വർഷമായി കാനഡയിലെ ഗവൺമെന്റ് യൂണിവേഴ്സിറ്റികളുടെ ഒഫീഷ്യൽ റെപ്രെസെന്ററ്റീവ് ആയ ഫെയർ ഫ്യൂച്ചർ ഒരു ലക്ഷത്തിലേറെ വിദ്യാർത്ഥികൾക്കാണ് മാർഗനിർദേശങ്ങൾ നൽകിയിട്ടുള്ളത്.

പതിനേഴ് വയസ് മുതൽ 68 വയസ് വരെ ഉള്ളവർക്ക് സ്റ്റുഡന്റ് വീസ നേടി കൊടുത്തു എന്ന അത്യപൂർവ റെക്കോഡ് സൃഷ്ടിച്ച സൗത്ത് ഇന്ത്യയിലെ പ്രമുഖ സ്ഥാപനമാണ് ഫെയർ ഫ്യൂച്ചർ. സെപ്റ്റംബർ 2023ലെ ഇൻടേക്കിൽ ഫെയർ ഫ്യൂച്ചറിന്റെ കൊച്ചി ഓഫീസിൽ നിന്ന് മാത്രം 2,500ൽ ഏറെ വിദ്യാർഥികൾക്കാണ് കാനഡ സ്റ്റുഡന്റ് വീസ ലഭിച്ചത്. അതിൽ തന്നെ പ്ലസ്ടു / ഡിഗ്രി കഴിഞ്ഞവരും 30 മുതൽ 45 വയസ് കഴിഞ്ഞവരുമുണ്ടായിരുന്നു.

ഇതിനൊപ്പം നേരത്തെ പഠിച്ചിരുന്ന കോഴ്സുകളിൽ മാർക്ക് തീരെ കുറഞ്ഞു പോവുകയോ നിരവധി അരിയേഴ്സ്/ ബാക് പേപ്പേഴ്സ് വരികയോ ചെയ്തതിന്റെ പേരിൽ ഇനി ഒരു വിദേശ പഠനം സാധ്യമാകില്ല എന്ന് നിരാശപ്പെട്ടിരുന്ന ആയിരക്കണക്കിനു പേർക്കാണ് ഫെയർ ഫ്യൂച്ചർ കൃത്യമായ മാർഗനിർദേശങ്ങൾ നൽകിയത്. ഇതിലൂടെ ഇവർക്ക് കാനഡയിലേക്കുള്ള സ്റ്റുഡന്റ് വീസയും കാനഡയിൽ സ്ഥിരതാമസത്തിനുള്ള അവസരവും ലഭിച്ചു. ഫെയർ ഫ്യൂച്ചറിന്റെ നിരവധി വിദ്യാർഥികളാണ് കുടുംബസമേതം സ്റ്റുഡന്റ് വിസയിൽ കാനഡയിലേക്ക് എല്ലാ ഇൻടേക്കിലും പോയിക്കൊണ്ടിരിക്കുന്നത്. ജീവിതപങ്കാളിക്ക് ഫുൾടൈം ജോലി ചെയ്യാമെന്നുള്ളതും കുട്ടികൾക്ക് ഗ്രേഡ് 12 വരെ സൗജന്യ വിദ്യാഭ്യാസം ലഭിക്കും എന്നുള്ളതുമാണ് ആകർഷകമായ മറ്റൊരു കാര്യം.