ക്ലൈമാക്‌സില്‍ അഞ്ചു കോടിക്ക് നാല് താരങ്ങള്‍; രാജസ്ഥാന്‍ ബ്രാത്‌വെയ്റ്റാണെന്ന് ആകാശ് ചോപ്ര
ബെംഗളൂരു: ഐപിഎല്‍ ടീം രാജസ്ഥാന്‍ റോയല്‍സിനെ ട്വന്റി-20 ലോകകപ്പില്‍ അവസാന ഓവറില്‍ തകര്‍പ്പന്‍ ബാറ്റിങ്ങിലൂടെ വെസ്റ്റിന്‍ഡീസിനെ വിജയത്തിലെത്തിച്ച കാര്‍ലോസ് ബ്രാത്‌വെയ്റ്റിനോട് ഉപമിച്ച് ഇന്ത്യയുടെ മുന്‍ താരവും കമന്റേറ്ററുമായ ആകാശ് ചോപ്ര. യുട്യൂബ് ചാനലിലെ വീഡിയോയില്‍ രാജസ്ഥാന്റെ മികവിന് പത്തില്‍ എട്ടു മാര്‍ക്കും ചോപ്ര നല്‍കി.
'രാജസ്ഥാന്‍ റോയല്‍സിന്റെ പ്രകടനത്തിന് ഞാന്‍ എട്ടു മാര്‍ക്ക് നല്‍കുന്നു. അവസാന ഓവറില്‍ അവര്‍ നാല് ഫോര്‍ അടിച്ചിരിക്കുന്നു. 2016 ട്വന്റി-20 ലോകകപ്പ് ഫൈനലില്‍ കാര്‍ലോസ് ബ്രാത്‌വെയ്റ്റിന്റെ പ്രകടനം പോലെ ആയിരുന്നു അത്. കാരണം അഞ്ചു കോടി രൂപ മുതല്‍ മുടക്കിലാണ് അവര്‍ നാല് മികച്ച വിദേശ താരങ്ങളെ ടീമിലെത്തിച്ചത്.