കൗമാരം കടക്കുംമുമ്പേ തുടങ്ങുന്ന മദ്യപാനവും പുകയില ചവയ്ക്കലും, ഗോത്രം ലഹരിച്ചുഴിയിൽ/ Part 3

‘‘ചെക്കന്മാരെല്ലാം കണക്കാ... 14, 15 വയസ്സിൽ തുടങ്ങും. കള്ളുകുടിച്ച് അടിപിടിയും ചീട്ടുകളിയും അടുത്തുള്ള തോട്ടത്തിൽ കയറി കളവും. ഇന്നലെയുംകൂടി പോലീസ് വന്നതേയുള്ളൂ... ഇപ്പം പെണ്ണുങ്ങളും തുടങ്ങിയിട്ടുണ്ട്.’’ -കോക്കുഴി ചാമുണ്ടി കോളനിയിലുള്ളവർക്ക് രോഷം അടക്കാനാവുന്നില്ല. പരാതികളത്രയും സ്വന്തം ഊരിലെ ചെറുപ്പക്കാരെക്കുറിച്ചാണ്. കുടിച്ചുകുടിച്ച് നശിക്കുകയാണ് എല്ലാം, പത്രക്കാരോട് പറഞ്ഞതിനായിരിക്കും ഇന്നത്തെ വഴക്ക്. പേരെഴുതല്ലേ എന്നഭ്യർഥിച്ച് ഓരോരുത്തരും പിൻവാങ്ങി. പണിയക്കോളനിയിൽ മദ്യപരുടെ വൈകീട്ടുള്ള വഴക്ക് ‘ഐഡന്റിറ്റി’ ആയാണ് പൊതുസമൂഹം കാണുന്നത്.

കൗമാരം കടക്കുംമുമ്പേ തുടങ്ങുന്ന മദ്യപാനവും പുകയില ചവയ്ക്കലും യൗവനത്തോടെ അവരെ കീഴടക്കുകയാണ്.

Content Highlights: Paniyar Tribe Series