സമാധാന നൊബേല് ഹിരോഷിമ - നാഗസാക്കി അണുബോംബ് സ്ഫോടനങ്ങള് അതിജീവിച്ചവരുടെ സംഘടനയ്ക്ക്
സ്റ്റോക്ഹോം: ഈ വര്ഷത്തെ സമാധാനത്തിനുള്ള നൊബേല് സമ്മാനം ജാപ്പനീസ് സംഘടനയായ നിഹോണ് ഹിഡാന്ക്യോയ്ക്ക്. ഹിരോഷിമയിലെയും നാഗസാക്കിയിലെയും അണുബോംബ് സ്ഫോടനം അതിജീവിച്ചവരുടെ സംഘടനയാണിത്. ഹിബാകുഷ എന്നും അറിയപ്പെടുന്നു, ആണവായുധങ്ങളില്ലാത്ത ഒരു ലോകം നേടാനുള്ള ശ്രമങ്ങള്ക്കും ആണവായുധങ്ങള് ഇനിയൊരിക്കലും ഉപയോഗിക്കരുതെന്ന ശക്തമായ ആഹ്വാനത്തിനും അടക്കമുള്ളവയ്ക്കാണ് അംഗീകാരം ലഭിച്ചത്.
അനുഭവങ്ങളെ അടിസ്ഥാനമാക്കിയുള്ള വിദ്യാഭ്യാസ കാമ്പെയ്നുകള് സൃഷ്ടിച്ചും, ആണവായുധങ്ങളുടെ വ്യാപനത്തിനും ഉപയോഗത്തിനും എതിരെ അടിയന്തര മുന്നറിയിപ്പുകള് നല്കിക്കൊണ്ടും ലോകമെമ്പാടും ആണവായുധങ്ങള്ക്കെതിരെ വ്യാപകമായ എതിര്പ്പ് സൃഷ്ടിക്കാനും ഏകീകരിക്കാനും ഹിബാകുഷ വലിയ പങ്കുവഹിച്ചെന്ന് നൊബേല് കമ്മിറ്റി കണ്ടെത്തി.
ആണവായുധങ്ങള് മൂലമുണ്ടാകുന്ന നഷ്ടങ്ങളും കഷ്ടപ്പാടുകളും എങ്ങനെയാകുമെന്ന് മനസ്സിലാക്കാനും ഹിബാകുഷ ആഗോളതലത്തില് നമ്മെ സഹായിക്കുന്നുവെന്നും കമ്മിറ്റി പറഞ്ഞു.
Content Highlights: Nobel peace prize 2024-Japanese atomic bomb survivor movement Nihon Hidankyo wins award