തെങ്ങ് മുറിക്കുന്നതിനിടെ അപകടം; കോഴിക്കോട് കുറ്റ്യാടിയിൽ തൊഴിലാളിക്ക് ദാരുണാന്ത്യം

കോഴിക്കോട്: കുറ്റ്യാടിയിൽ തെങ്ങ് മുറിക്കുന്നതിനിടെയുണ്ടായ അപകടത്തിൽ തൊഴിലാളി മരിച്ചു. പുത്തൻപുരയിൽ കള്ളിക്കാടൻ ജബ്ബാർ (55) ആണ് തെങ്ങിൽനിന്ന് വീണ് മരിച്ചത്.

തിങ്കളാഴ്ച ഉച്ചയോടെ കള്ളാട് ചെറ്റയിൽ പീടികയ്ക്ക് സമീപമായിരുന്നു ദാരുണമായ സംഭവം. തെങ്ങ് മുറിച്ചുകൊണ്ടിരിക്കെ ജബ്ബാർ തെങ്ങോടുകൂടെ താഴേയ്ക്ക് വീഴുകയായിരുന്നു.

അപകടത്തിൽ ഗുരുതരമായി പരിക്കേറ്റ ജബ്ബാറിനെ ഉടൻ തന്നെ നാട്ടുകാർ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റുമോർട്ടം നടപടികൾക്കായി മൃതദേഹം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.

Content Highlights: A 55-year-old worker, Puthenpurayil Kallikadan Jabbar, died in Kuttiyadi, Kozhikode, after falling from a coconut tree while cutting it on Monday afternoon near Chettayil Peedika in Kallad.