വിമാനത്തിൽ പുകവലിച്ച് യാത്രക്കാരൻ; പിടികൂടി പോലീസിന് കെെമാറി സുരക്ഷാസേന

തിരുവനന്തപുരം: വിമാനത്തിലെ ശൗചാലയത്തിൽ പുകവലിച്ച യാത്രക്കാരൻ പിടിയിൽ. തിരുവനന്തപുരം വട്ടിയൂർക്കാവ് സ്വദേശിയെയാണ് വിമാനത്താവളത്തിലെ സുരക്ഷാസേനാ പിടികൂടി വലിയതുറ പോലീസിന് കൈമാറിയത്. ബുധനാഴ്ച രാത്രി7.30 ഓടെ ഷാർജയിൽ നിന്ന് തിരുവനന്തപുരത്തെത്തിയ എയർഇന്ത്യ എക്‌സ്പ്രസ് വിമാനത്തിലെ യാത്രക്കാരനായിരുന്നു.

വിമാനത്തിൽ പുകവലിച്ചതിനെ തുടർന്ന് അലാറാം മുഴങ്ങിയിരുന്നു. തുടർന്ന് വിമാനമെത്തിയശേഷം ജീവനക്കാരുടെ പരാതിയെ തുടർന്ന് സുരക്ഷാസേന പിടികൂടി പോലീസിന് കൈമാറുകയായിരുന്നു.

Content Highlights: passenger smoke in airplane arrested