തിരുവനന്തപുരത്ത് കെഎസ്ആര്ടിസി ജീവനക്കാരെ മര്ദ്ദിച്ച് സമരാനുകൂലികള്; കണ്ടക്ടറുടെ തലയില് തുപ്പി
തിരുവനന്തപുരം: പാപ്പനംകോട് കെഎസ്ആര്ടിസി ഡ്രൈവര്ക്കും കണ്ടക്ടര്ക്കും നേരെ സമരാനുകൂലികളുടെ അക്രമം. ജീവനക്കാരെ ക്രൂരമായി മര്ദിക്കുകയും കണ്ടക്ടറുടെ തലയില് തുപ്പുകയും ചെയ്തു. അമ്പതോളം സമരാനുകൂലികളാണ് അക്രമം അഴിച്ചുവിട്ടത്.
ഡ്രൈവര് സജിയേയും കണ്ടക്ടര് ശരവണനേയും തിരുവനന്തപുരം ജനറല് ആശുപത്രിയില് പ്രവേശിപ്പിച്ചു. തിരുവനന്തപുരത്തുനിന്ന് കളിയിക്കാവിളയിലേക്ക് പോകുകയായിരുന്നു ബസ്. എസ്കോര്ട്ടായി പോലീസ് ജീപ്പും ഉണ്ടായിരുന്നു.
പാപ്പനംകോട് എത്തിയപ്പോള് സമരപ്പന്തലില് നിന്ന് ഓടിവന്ന അമ്പതില് അധികം ആളുകള് ബസ് തടഞ്ഞുനിര്ത്തി ജീവനക്കാരെ മര്ദ്ദിക്കുകയായിരുന്നു. സമരാനുകൂലികള് ബസിനുള്ളില് കയറി കണ്ടക്ടറേയും ഡ്രൈവറേയും ചവിട്ടുകയും കണ്ടക്ടറുടെ തലയില് തുപ്പുകയും ചെയ്തു. സ്ഥലത്തുണ്ടായിരുന്ന വിരലിലെണ്ണാവുന്ന പോലീസുകാര്ക്ക് സമരാനുകൂലികളെ നിയന്ത്രിക്കാനായില്ല.
Content Highlights: nationwide protest protesters attack KSRTC bus