ഫസല് കോയമ്മ തങ്ങള് അന്തരിച്ചു
കാസര്കോട്: സമസ്ത കേരള ജംഇയ്യത്തുല് ഉലമ (എപി വിഭാഗം) കേന്ദ്ര മുശാവറ അംഗവും ജാമിഅ സഅദിയ്യ ജനറല് സെക്രട്ടറിയുമായ സയ്യിദ് ഫസല് കോയമ്മ തങ്ങള് എന്ന കുറാ തങ്ങള് അന്തരിച്ചു.
മയ്യിത്ത് നിസ്കാരം രാത്രി ഒന്പതിന് മംഗലാപുരം കുറത്തില് നടക്കും. ഉള്ളാള് സയ്യിദ് അബ്ദുറഹ്മാന് അല് ബുഖാരി തങ്ങളുടെ മകനാണ് ഫസല് കോയമ്മ തങ്ങള്. അഞ്ച് പതിറ്റാണ്ടിലേറെക്കാലം ഉള്ളാൾ അടക്കം നൂറുകണക്കിനു മഹല്ലുകളുടെ സംയുക്ത ഖാസിയായിരുന്നു.
ദക്ഷിണ കന്നഡയിലെയും സമീപ പ്രദേശങ്ങളിലെയും സുന്നി സമൂഹത്തിന്റെ നേതൃനിരയിൽ പ്രവർത്തിച്ചു. ഫസല് എജുക്കേഷന് സെന്റര് പ്രസിഡന്റ്, എട്ടിക്കുളം താജുല് ഉലമ എജുക്കേഷന് സെന്റര് പ്രസിഡന്റ് തുടങ്ങിയ സ്ഥാനങ്ങളും വഹിച്ചിട്ടുണ്ട്.
Content Highlights: Fazal Koyamma Tangal passes away