രോഗിയുമായി പോയ ആംബുലന്സ് വീട്ടിലേക്ക് ഇടിച്ചുകയറി; രോഗി ആശുപത്രിയില്വെച്ച് മരിച്ചു
കോട്ടയം: കാഞ്ഞിരപ്പള്ളി 26-ാം മൈല് മേരി ക്യൂന്സ് ആശുപത്രിയില് നിന്ന് മെഡിക്കല് കോളേജിലേക്ക് രോഗിയുമായി പോയ ആംബുലന്സ് വീട്ടിലേക്ക് ഇടിച്ചുകയറി അപകടം.
പൊന്കുന്നത്ത് പി.പി.റോഡിലുള്ള വീട്ടിലേക്കാണ് ആംബുലന്സ് ഇടിച്ചുകയറിത്. വീടിന്റെ ഭിത്തി തകര്ന്നു. ആംബുലന്സ് ഡ്രൈവറും ഒപ്പമുണ്ടായിരുന്നവരും പരിക്കില്ലാതെ രക്ഷപെട്ടു. രോഗി പിന്നീട് ആശുപത്രിയില് വെച്ച് മരിച്ചു. പുലര്ച്ചെ നാലിനായിരുന്നു അപകടം.
കാഞ്ഞിരപ്പള്ളി പാലപ്ര സ്വദേശി പി.കെ.രാജുവാണ് മരിച്ചത്. ഗുരുതരാവസ്ഥയിലായിരുന്ന ഇദ്ദേഹത്തെ ആശുപത്രിയിലേക്ക് കൊണ്ടുപോകവെയാണ് അപകടം.
വീട്ടിനുള്ളില് അമ്മയും 2 മക്കളും കിടന്നുറങ്ങുകയായിരുന്നു. ഇവര് അത്ഭുതകരമായി പരിക്കേല്ക്കാതെ രക്ഷപ്പെട്ടു.
Content Highlights: ambulance carrying the patient accident- patient died at the hospital