‘ഭഗവാനേ കഷ്ടം നീക്കണം, ഉത്സവത്തിനുമുമ്പ് അമ്മായിയമ്മ മരിക്കണം’; കാണിക്കയ്ക്കൊപ്പം പ്രാർഥനാക്കുറിപ്പ്

ബെംഗളൂരു: ക്ഷേത്രത്തിലെ കാണിക്കവഞ്ചിയിൽ അമ്മായിയമ്മയുടെ മരണത്തിനുവേണ്ടി പ്രാർഥിക്കുന്ന കുറിപ്പ്. ബെളഗാവി ജില്ലയിലെ ഹുളിഗുണ്ടേശ്വര ക്ഷേത്രത്തിലെ കാണിക്കവഞ്ചി തുറന്നപ്പോഴാണ് കുറിപ്പ് കണ്ടെടുത്തത്. കാണിക്കയായി സമർപ്പിച്ച 100 രൂപയ്ക്ക് ഒപ്പമുണ്ടായിരുന്ന കടലാസ് തുണ്ടിലായിരുന്നു കന്നഡയിൽ ആവശ്യം എഴുതിയിരുന്നത്. 'ഭഗവാനേ, എന്റെ കഷ്ടം നീക്കണം-അടുത്ത ഉത്സവത്തിനുമുൻപ് അമ്മായിയമ്മ മരിക്കണം' എന്നായിരുന്നു ഇതിൽ എഴുതിയിരുന്നത്.

കുറിപ്പെഴുതിയത് ആരാണെന്ന് വ്യക്തമല്ല. കാണിക്കയ്‌ക്കൊപ്പം വിവിധ ആവശ്യങ്ങൾ എഴുതിയിടുന്നത് ഈ ക്ഷേത്രത്തിൽ സാധാരണമാണ്. മക്കളുണ്ടാകാൻ, വിവാഹം നടക്കുന്നതിന്, ജോലി ലഭിക്കാൻ എന്നിങ്ങനെ വിവിധ ആവശ്യങ്ങളാണ് പലപ്പോഴും കുറിപ്പുകളിൽ കാണാറുള്ളത്. എന്നാൽ, ആദ്യമായിട്ടാണ് ഇത്തരത്തിൽ ഒരു കുറിപ്പ് ലഭിക്കുന്നതെന്ന് ക്ഷേത്രം അധികൃതർ പറഞ്ഞു.

Content Highlights: Shocking prayer note found in a temple offering box in Karnataka, India, with a desperate plea for the mother-in-law`s demise before the next festival. Read the full story.