ഇ.ശ്രീധരനെ രാഷ്ട്രത്തിന് ഇനിയും ആവശ്യമുണ്ട്: ബിജെപി എന്‍ട്രി സ്വാഗതം ചെയ്ത് മിലിന്ദ് ദേവ്‌ര
ന്യൂഡല്‍ഹി: മെട്രോമാന്‍ ഇ. ശ്രീധരന്‍ ബി.ജെ.പിയില്‍ ചേരുമെന്ന പ്രഖ്യാപനത്തിനു പിന്നാലെ അദ്ദേഹത്തിന്റെ രാഷ്ട്രീയത്തിലേക്കുള്ള വരവിനെ സ്വാഗതം ചെയ്ത് കോണ്‍ഗ്രസ് നേതാവ് മിലിന്ദ് ദേവ്‌ര.
ട്വിറ്ററിലൂടെ ആയിരുന്നു മിലിന്ദിന്റെ പ്രതികരണം. തികഞ്ഞ പ്രൊഫഷണലും വൈദഗ്ധ്യമുള്ള എന്‍ജിനീയറും ബ്യൂറോക്രാറ്റുമാണ് ശ്രീധരനെന്ന് മിലിന്ദ് പറയുന്നു.
ഇ. ശ്രീധരന്റെ സജീവ രാഷ്ട്രീയത്തിലേക്കുള്ള കടന്നുവരവിനെ സ്വാഗതം ചെയ്യാന്‍ ഒരാള്‍ ബി.ജെ.പി. അനുഭാവിയാകണമെന്നില്ല. ഒരു തികഞ്ഞ പ്രൊഫഷണലും രാജ്യത്തെ വൈദഗ്ധ്യമുള്ള എന്‍ജിനീയര്‍-ബ്യൂറോക്രാറ്റുകളില്‍ ഒരാളുമാണ് അദ്ദേഹം. അദ്ദേഹത്തെ പോലുള്ളവരെ നമ്മുടെ രാഷ്ട്രീയത്തിന് ഇനിയും ആവശ്യമുണ്ട്- എന്നിങ്ങനെ ആയിരുന്നു ദേവ്‌രയുടെ ട്വീറ്റ്.
content highlights: congress leader milind deora welcomes e sreedharan's entry to politics
Content Highlights: