ആദ്യ ആഴ്ചയില് 23.6 കോടി രൂപ നേടി പത്തൊമ്പതാം നൂറ്റാണ്ട്
മികച്ച അഭിപ്രായം നേടി തീയേറ്ററുകളില് പ്രദര്ശനം തുടരുകയാണ് വിനയന്റെ സംവിധാനത്തിലൊരുങ്ങിയ പത്തൊമ്പതാം നൂറ്റാണ്ട്. സെപ്തംബര് എട്ടിന് റിലീസ് ചെയ്ത ചിത്രം ലോകത്താകമാനം അഞ്ഞൂറിലധികം തീയറ്ററുകളില് മികച്ച കളക്ഷന് നേടി മുന്നേറുകയാണ്..
കേരളത്തില് ആദ്യ ആഴ്ചയേക്കാള് കൂടുതല് തിരക്ക് രണ്ടാമത്തെ ആഴ്ചയുടെ തുടക്കത്തില് ഉണ്ട്. ആദ്യ ആഴ്ചയില് 23.6 കോടി രൂപയുടെ ഗ്രോസ് കളക്ഷനാണ് ചിത്രം നേടിയത്. സൂപ്പര്സ്റ്റാറുകളില്ലാതെ ഒരു ചിത്രത്തിന് ലഭിക്കുന്ന വലിയ റെക്കോര്ഡാണിത്.
തിരുവോണ ദിവസം തിയേറ്ററുകളിലെത്തിയ ചിത്രത്തിന് മികച്ച സ്വീകരണമാണ് എങ്ങുനിന്നും ലഭിച്ചുകൊണ്ടിരിക്കുന്നത്. ആക്ഷന് പാക്ക്ഡ് പീരിയോഡിക്കല് സിനിമയായാണ് ചിത്രമെത്തിയത്. സംവിധായകന് തന്നെ തിരക്കഥയെഴുതിയ പത്തൊമ്പതാം നൂറ്റാണ്ടിന്റെ സഹ നിര്മ്മാതാക്കള് വി.സി പ്രവീണ്, ബൈജു ഗോപാലന് എന്നിവരാണ്. കൃഷ്ണമൂര്ത്തിയാണ് എക്സിക്യുട്ടീവ് പ്രൊഡ്യൂസര്.
കയാദു ലോഹര് ആണ് നായിക. അനൂപ് മേനോന്, ചെമ്പന് വിനോദ്, സുദേവ് നായര്, ഗോകുലം ഗോപാലന്, വിഷ്ണു വിനയന്, ടിനിടോം , ഇന്ദ്രന്സ്, രാഘവന്, അലന്സിയര്, മുസ്തഫ, ജാഫര് ഇടുക്കി, ചാലിപാല, ശരണ്, ഡോക്ടര് ഷിനു, വിഷ്ണു ഗോവിന്ദ്, സ്ഫ്ടികം ജോര്ജ്, സുനില് സുഖദ, ജയന് ചേര്ത്തല, ബൈജു എഴുപുന്ന, സുന്ദര പാണ്ഡ്യന് എന്നിവരും ചിത്രത്തിലുണ്ട്.
പത്തൊമ്പതാം നൂറ്റാണ്ടിന്റെ പശ്ചാത്തല സംഗീതം ഒരുക്കിയത് തമിഴിലെ പ്രമുഖ സംഗീതജ്ഞന് സന്തോഷ് നാരായണനാണ്. ഷാജി കുമാര് ഛായാ?ഗ്രഹണവും വിവേക് ഹര്ഷന് എഡിറ്റിങ്ങും നിര്വഹിച്ചിരിക്കുന്നു. സുപ്രീം സുന്ദര്, രാജശേഖര്, മാഫിയ ശശി എന്നിവര് ഒരുക്കിയ സംഘട്ടന രംഗങ്ങള് സിനിമയുടെ പ്രത്യേകതയാണ്.
Content Highlights: vinayan, pathonpatham noottandu, box office collection, Siju Wilson kayadu lohar