ഭയപ്പെടുത്തുന്ന അതിഥിയായി മാധവൻ,പേടിയോടെ അജയും ജ്യോതികയും; നിഗൂഢതകൾ ഒളിപ്പിച്ച് 'ശെെത്താൻ' ട്രെയിലർ

അജയ് ദേവ്‍ഗണ്‍, ജ്യോതിക, ആർ മാധവൻ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന 'ശെയ്ത്താ'ന്റെ ട്രെയിലർ പുറത്തിറങ്ങി. വികാസ് ബാലാണ് ചിത്രം സംവിധാനം ചെയ്തിരിക്കുന്നത്. ത്രില്ലടിപ്പിക്കുന്നൊരു ഹൊറർ ചിത്രമായിരിക്കും ഇതെന്നാണ് ട്രെയിലർ നൽകുന്ന സൂചന. 

നി​ഗൂഢതകൾ നിറഞ്ഞ കാഴ്ചകളുമായാണ് ട്രെയിലർ എത്തിയിരിക്കുന്നത്. ആക്ഷൻ രം​ഗങ്ങൾ കൊണ്ടും സമ്പന്നമായിരിക്കും ചിത്രമെന്ന് ട്രെയിലർ ഉറപ്പുനൽകുന്നു. 

അജയ് ദേവ്‍ഗണ്‍ തന്നെയാണ് ചിത്രത്തിന്റെ നിർമാതാവ്. സുധാകര്‍ റെഡ്ഡി യക്കാന്തിയാണ് ഛായാഗ്രാഹണം. അമിത് ത്രിവേദിയാണ് 'ശെയ്‍ത്താ'ന്റെ സംഗീത സംവിധാനം നിര്‍വഹിക്കുന്നത്. ചിത്രം മാർച്ച് എട്ടിന് തിയേറ്ററുകളിലെത്തും. 

Content Highlights: ajay devgn madhavan jyotika movie shaitaan trailer released