ഇന്ത്യയുടെ ഓസ്‌കര്‍ പ്രതീക്ഷ 'അനൂജ'യില്‍

2025 ഒസ്‌കര്‍ പുരസ്‌കാരത്തിൽ ഇന്ത്യ ഉറ്റുനോക്കുന്നത് ആദം ജെ ഗ്രേവ് സംവിധാനം ചെയ്ത  അനുജയിൽ. ഗുനീത് മോങ്ക നിര്‍മിച്ച അനൂജ, ലൈവ് ആക്ഷന്‍ ഹ്രസ്വചിത്ര വിഭാഗത്തിലെ ചുരുക്കപ്പട്ടികയിലാണ് ഇടം നേടിയിരിക്കുന്നത്. 

വസ്ത്ര വ്യാപാര മേഖലയിലെ ബാലവേലയേപ്പറ്റി പറയുന്ന അനൂജ ഇതുവരെ നിരവധി പുരസ്കാരങ്ങൾ കരസ്ഥമാക്കിയിട്ടുണ്ട്. ഡല്‍ഹിയിലെ വസ്ത്രനിര്‍മാണ ഫാക്ടറിയില്‍ ജോലിചെയ്യുന്ന ഒമ്പത് വയസ്സുകാരി അനൂജ (സജ്ദ പത്താന്‍), 17 വയസ്സുകാരി പലക് (അനന്യ ഷന്‍ഭാഗ്) എന്നിവരുടെ കഥയാണ് അനൂജ പറയുന്നത്. ഒരിക്കല്‍ ഫാക്ടറി സന്ദര്‍ശിച്ച ഒരു സാമൂഹിക പ്രവര്‍ത്തക അനൂജയേയും സഹോദരിയേയും ഫാക്ടറിയില്‍ കാണുകയും ഇവിടെനിന്ന് രക്ഷപ്പെടാനുള്ള വഴിയൊരുക്കുകയും ചെയ്യുന്നു. പ്രശസ്തമായ ഒരു ബോര്‍ഡിങ് സ്‌കൂളില്‍ പഠിക്കാനുള്ള പരീക്ഷയെഴുതാന്‍ അവസരമൊരുക്കുന്നതും ഇതിനായി സഹോദരികള്‍ നടത്തുന്ന പോരാട്ടവുമാണ് ചിത്രം പറയുന്നത്. 

രാജ്യത്ത് വിദ്യാഭ്യാസ അവകാശ നിയമം നിലനില്‍ക്കുമ്പോഴും അത് സാധ്യമാകാത്ത എത്രയോ കുട്ടികള്‍ ഇന്നും നമുക്ക് ചുറ്റുമുണ്ട് എന്ന യാഥാര്‍ഥ്യം കൂടി ചിത്രം വെളിപ്പെടുത്തുന്നുണ്ട്. ആദം ജെ ഗ്രേവസ്, സുചിത്ര മത്തായി എന്നിവര്‍ ചേര്‍ന്നാണ് ചിത്രം സംവിധാനം ചെയ്തിരിക്കുന്നത്.

ഗുനീത് മോങ്കയുടെ നിര്‍മാണത്തില്‍ ഇത് മൂന്നാമത്തെ ഓസ്‌കര്‍ നോമിനേഷന്‍ ചിത്രമാണ്. 'ദ എലിഫന്റ് വിസ്പറേര്‍സ്', 'പിരീഡ് എന്‍ഡ് ഓഫ് സെന്റന്‍സ്' എന്നിവയായിരുന്നു നേരത്തെ ഓസ്‌കാര്‍ പുരസ്‌കാരം നേടിയത്. അനൂജയെ കൂടാതെ സന്ധ്യ സൂരി സംവിധാനം ചെയ്ത, യു.കെയുടെ ഔദ്യോഗിക നോമിനേഷനായ ബ്രിട്ടീഷ് ഇന്ത്യന്‍ ചിത്രം 'സന്തോഷും' മത്സരത്തിനുണ്ട്.

Content Highlights: Oscars 2025 Predictions: Priyanka Chopra- Guneeth Monga Anuja Eyes the awards